1
.تے اسرائیل دے پلیٹھی دے پترروبین دی اولاد۔ پلیٹھی داتاں سی ۔ پر کیوں جو اوہنے اپنے پیو دے بستر نوں پلیت کیتا سی ۔ اوہدے پلیٹھی دے ہون دا حق بنی یوسف بن اسرائیل نوں دت گیا۔ بھانویں شجرے وچ پلیٹھی دا ہون دا عہدہ نہیں درج نہ ہویا ۔
2
. تے یہودہ اپنے بھراواں وچ عزت آلا ہویا۔ تے سردار اوہدے وچوں ہویا۔ پر پلیٹھی دا ہون دا حق یوسف دا ای رہیا ۔
3
اسرائیل دے پلیٹھی دے پتر روبین دے پتر ۔حنوق تے فلو تے حصرون تے کرمی ۔
4
اوہدا پتر جوج اوہدا پتر شمعی۔
5
.اوہدا پتر میکا۔ اوہدا پتررآیاہ۔ اوہدا پتر بعل
6
اوہدا پتر بیئرہ۔ جنوں اشور دا بادشاہ تجلت فل آسر بندی وان بنا کے لے گیا۔ تے اوہ رئو بینیاں دا سردارسی ۔
7
.تے اوہدے بھرا اوہناں دے خانداناں دے مطابق جیویں اوہناں دیاں اولاداں دا شجرہ لکھیا گیا ایہہ سن ۔ یعنی ایل سردار تے زکریا۔
8
تے بالع بن عازاز بن شامع بن یو ئیل ۔ تے اوہدا ٹکانا عروعیر وچ کوہ نبو تے بعل معون تک سی ۔
9
. تے چڑھدے پاسے فرات دے دریا توں اجاڑ دے دروازے تیکر۔ کیوں جو جلعاد دے دیس وچ اوہناں دے ڈنگر ودھ گئے ۔
10
. تے شائول دے دناں وچ اوہناں حاجریاں نال لڑائی کیتی جیہڑے اوہناں دے ہتھوں قتل ہوئے ۔ تاں اوہ جلعاد دیاں ساریاں مشرقی تھاواں تے اوہناں دے تنبواں وچ رہن لگے ۔
11
تے اوہناں دے ساہمنے بنی جاد باشان دے دیس وچ سلکہ تیکر وسے ۔
12
. تے اوہناں دا سردار یوئیل سی ۔ تے اوہدے تھلے شافان ۔ تے یعنائی تے شافات باشان وچ سن
13
. تے اوہناں دے بھرا پیو دادے دے ٹبراں موجب ایہہ سن ۔ میکائیل تے مشلام تے شابع تے یورائی تے یعکان تے زیع تے عابر۔ ست۔
14
ایہہ بنی ابی جائیل بن حوری بن یاروح بن جلعاد بن میکائیل بن یشیشائی بن تحدد بن بوز۔
15
تے احی بن عبدی ایل بن جونی اوہناں دے پیو دادے دے ٹبراں دا سردارسی۔
16
. تے اوہناں دا ٹکانا جلعد وچ ہے ۔ باشان تے اوہناں دے پنڈاں تے شارون دے سارے آلے دوالے اوہناں دی حد تیکر سن ۔
17
تے ایہہ سارے شاہ یہودہ یوتام تے شاہ اسرائیل یار بعام دے دناں وچ شجریاں وچ لکھے گئے ۔
18
. تے بنی روبین تے جادی تے منسے دا ادھا قبیلہ بہادر مرد تے سپر تے تیغ بردار تے تیر چلان آلے تے جنگ وچ ازمائے ہوئے چوالی ہزار ست سو سٹھ مرد سن جیہڑے لڑائی لئی نکلن جوگے سن ۔
19
. تے اوہناں نے ہاجریاں نال لڑائی کیتی ۔ تے بھانویں یطورتے نافیش تے نوداب
20
. اوہناں دی امداد کردے سن تاں وی اوہناں نے اوہناں اُتے فتح پائی ۔ تے حاجری تے سارے جیہڑے اوہناں نال سن اوہناں دے ہتھ اوہناں دے حوالے کیتے گئے ۔ کیوں جو لڑائی کرن ویلے اوہ خدا کول چیکے ۔ تاں اوہنے اوہناں دی سنی ۔ ایس لئی کہ اوہناں نے اوہدے تے وساہ کیتا۔
21
. تے اوہ اوہناں دے ڈنگر لٹ کے لے گئے ۔ پنجاہ ہزار اوٹھ تے ڈھائی لکھ بھیڈاں بکریاں تے دوہزار کھوتے تے اک لکھ بندے ۔
22
. تے بہتے بندے مارے گئے تے قتل ہوئے ۔ ایس لئی کہ ایہہ لڑائی خدا ولوں سی ۔ تے اوہ بندی وان ہون تیکر اوہناں تھاں اوتھے رہے ۔
23
.تے منسے دے ادھے قبیلے دے بندے دیس وچ باشان توں لے کے بعل جامون تے سنیز تے حرمون دے پہاڑ تک وسے کیوں جو اوہ چوکھے سن ۔
24
. تے اوہناں دے پیو دادے دے خانداناں دے ایہہ سردار سن ۔ عافر تے یشعی تے الی ایل تے عزری ایل تے یرمی یاہ تے ہودو یاہ تے یحدی ایل ۔ جیہڑے بہادر جی دار مرد تے ناں آلے تے اپنے پیو دادے دیاں خانداناں دے سردار سن۔
25
. پر اوہناں نے اپنے پیو دادے دے خدا نوں چھڈیا۔ تے اوہناں دیس واسیاں دے معبوداں نوں من کے بدکاری کیتی جنہاں نوں خدا نے اوہناں دے ساہمنیوں ہلاک کیتا سی ۔
26
. تاں اسرائیل دے خدا نے شاہ اشور فول کا تے شاہ اشور تجلت فل آ سر دا دل ابھاریا۔ تاں اوہ روبینیاں تے جادایں تے مسے دے ادھے قبیلے نوں بندی وان بنا کے لے گئے ۔ تے اوہ اوہناں نوں حلح تے حابور جوزان دے دریا تے مادیاں دے پہاڑاں وچ لے گئے ۔ جیہڑا اج دے دن تیکر اے ۔