1
۱۔پرمیشور رو او کلمو جکو شاہِ یہودہ یوشی یاہ بن آمون رے ݙناں میں صفن یاہ بِن کُوشی بِن جدل یاہ بِن اَمریاہ بن حزقی یاہ نا ملیو۔
2
۲۔ہوں خاری دنیا خاں خارو کجھ بالکل ختم کر ݙئیخ (پرمیشور رو کہوݨ ائیاں جی ہے)
3
۳۔ہوں انخاناں نا اَن جناوراں نا ختم کر ݙئیخ رو۔ ہوں ہوا را پَکھی اَن سمندراں رے مچھیاں نا تباہ کر ݙئیخ رو۔ ہوں بے دھرماں نا ناکھیخ را اَن دھرتی خاں منکھاں نا مُوکاعیخ را۔ (پرمیشور رو کہوݨ ائیںاں جی ہے)۔
4
۴۔ ،ہوں یہودہ تے اَن یروشلم رے رہوݨ آݪاں تے ہاتھ اُکھݨیخ اَن اُوے جگہ خاں بعل رے باقی اَن اُوے رے پجاریاں رے ناں نا تباہ کرئیخ رو۔
5
۵۔اَن اُوئاں نا وی جکو گھراں ری چھتاں تے آسمانی لشکر نا سجدو کرئی۔اَن اُوئاں نا وی جکو پرمیشور نا سجدو کرئی۔ پَن مِلکوم ری دھیج اُکھݨئی۔
6
۶۔اَن اُوئاں نا وی جکو پرمیشور خاں پھرتے نی پرمیشور نا لابھئی اَن نی جی اُوئے خاں پوچھئی۔
7
۷۔مالک پرمیشور رے آگے چُپ رہو، کیان٘کے پرمیشور رو ݙن نیڑو ہے۔ پرمیشور آپرے مخصوص مہماناں رے خارو دعوت تیار کی۔
8
۸۔اَن پرمیشور ری دعوت آݪے ݙن امیر لوکاں اَن اُوئاں خارا نا جکو اپرا گابھا پہیرئی سزا ݙیخے۔
9
۹۔ ہوں اُوئے ݙن اُوئاں خارا ناسزا ݙئیخ۔ جکو دَر کونی ٹپتا اَن آپرے مالک رے گھر نا ظلم اَن دھوکے خاں بھرئی۔
10
۱۰۔ اَن اُوئے ݙن جی پرمیشور رو کہݨ ہے مَچھی پھاٹک خاں رَڑ کرݨ ری اَن ٻجے پاخے خاں رووݨ ری اَن پہاڑاں خاں شور رے آوازہ اُٹھخے۔
11
۱۱۔ اے ہاون رے رہوݨ آݪا رو وو کیان٘کے خارا بپاری باڈھ ݙنہا گیا ہے اَن جکو چاندی خاں لَݙیوڑا ہَتا اُو خارا مَریا را۔
12
۱۲۔ اَن اُوئے بݪہ ہوں ݙیو لے تے یروشلیم میں لابھئیخ اَن جترا تݪے میں جم گیا را اَن من میں کہئی کہ پرمیشور نی نیکی کرخے اَن نی بُرائی۔ اُوئاں نا سزا ݙائیخ۔
13
۱۳۔ پچھے اُوئاں رو مال لُٹیج جاخے رو اَن گھر اُجڑ جاخے را اُو گھر بݨاخے پݨ اُوئے میں رہ کونی خگے۔ اَن باغ لگاخے پݨ اُوئے خاں پھݪ کونی لیوے۔
14
۱۴۔ پرمیشور رو موٹو ݙن ینڑو ہے اَن بیگو آوئی خُݨو پرمیشور رے ݙن رو شور ہاوئےدلیر وی رَڑے کر کر روخے۔
15
۱۵۔ اُو ݙن قَہر رو ݙن ہے غم اَن مصیبت رو ݙن ہے، تباہی اَن بربادی رو ݙن، اندھرے اَن ظلم رو ݙن جھڑ اَن اندھرے رو ݙن ۔
16
۱۶۔ شہراں رے چار دیوارے اَن اُونچے جگہاواں رے خلاف نرسنگا اَن اُونچی اواز رو ݙن۔
17
۱۷۔ ہوں خارے منکھاں تے اوکھی بݪہ لے آئیخ تو اُو اندھا آݪی کار بہیخے کیان٘کے اُو پرمیشور را ݙہاری تھی گیا را۔ کیان٘کے اُوئاں رو لوہی مٹی آݪی کار اَن اُوئاں رو مائخ زوری زور ناکھیو جاخے۔
18
۱۸۔ اُوئَاں ری چاندی جاں خونو اُوئاں نا کونی بچا خگئے۔ پرمیشور رے ریخ آݪے ݙن اُوئے ری ریخ رو باخݙےخاری دھرتی ناکھا جاخے۔ کیان٘کے او دھرتی رے خارےمنکھاں مار ݙخے۔