¹ ۱۔نینوا رے حق رے بارے میں اگکتھی ناحوم القوشی ری رویا ری کتاب۔ ² ۲۔پرمیشور پتا عزت آݪو ان ریخ آݪو ہے۔پرمیشور حساب کتاب کرڹ آݪو ان ریخ آݪو ہے۔پرمیسور آپرے بیریاں خاں حساب کتاب لئی۔ان آپرے دشماناں تے ریخ کرتی۔ ³ ۳۔ایشور پرمیشور کاݪ کرڹ میں آہستہ ان قررت میں تمام گھڹ و ہے۔ان مجرم نا کݙے وی کونی چھوڑتو ایشور رو مارگ جانتھی میں ہے۔ان بادل اوے رے پگاں ری مٹی ہے۔ ⁴ ۴۔ سمندر نا دڑ کو ݙئی ان خو کا ݙئی رو۔ان ہر دریا نا خوکا ݙئی رو۔کندھا ان خوݪاڹ خکا ݙئی لبنان راچکھا خوکاوتی را۔ ⁵ ۵۔اوے رے خامنے پہاڑ کانپئی ان اونچا پہاڑ ختم ہو جاوی را۔اوے رے حضور دھرتی دنیا آپرے خارے منکھاں سمت ٻہی جاوی رتی۔ ⁶ ۶۔اوے ری ریخ ری تحش کے نا ہے۔اوے ری ریخ ری برداست کڹ کرخے۔اوے ری ریخ باخݙے آݪی کار نازل ہوخے ان پہاڑ اوے رے آگے بھور بھور ہو جاخے را۔ ⁷ ۷۔ پرمیشور آپرے انتظار کرڹ آݪا خارو بھلو ہے۔ ان اوکھے وقت میں خنبھالڹ آݪو ہے۔او آپرے منڹ آݪا نا اوݪکھی۔ ⁸ ۸۔جݙے طوفان سیلاب آوی تو او آپرے خامڹ ھے اٹھڹ آݪاں نا ختم کر ݙئی۔ان آپرے دشمن نا اندھارے میں بھجا چھوڑتی۔ ⁹ ۹۔ تھاں پرمیشور رے خلاف کی خلاہواں کرتی۔او بالکل ختم کر چھوڑخے۔ݙکھ ٻجے پھرے کونی آوے۔ ¹⁰ ۱۰۔کیاں کہ او کانٹاں آݪی کار بچڑیوڑا ان نشایاں آݪی کرنشے میں ٹن ہے۔ائیے رے کرے او خکوڑے گاخ آݪی کار خاڑ ݙنو جاخے۔ ¹¹ ۱۱۔تے میں خاں ہیک ایہڑی منکھ نکلیوہے۔ جکو پرمیشور رے خلاف گندا خیال راکھی۔ان شرارت ری خلاخ ݙئی۔ ¹² ۱۲۔ پرمیشور ائیاں جی کہی وو۔او کݙاوی طاقت آݪا ان ݙاڈھا کیان نی ہووے۔تو وی او تباہا ان برباد ہوخے۔جے کݙے میں تناں ݙکھ ݙنو ہا ائیے رے ہوں بݪے تناں ݙکھ کونی ݙواں۔ ¹³ ۱۳۔ائیے وقت میں اوے رو بھار تاجے ماتھے خاں اتار ݙخے رو ان تاجے بانڈھوڑے انڈھوڑے نا ٹوٹا ٹوٹا کر ݙیخ را۔ ¹⁴ ۱۴۔ پرمیشور ری طرف خاں تاجے خارو ایہ حکم ہے کہ تاجی نخل لارے کونی رہے۔ہوں تاجےݙیخ تارے گھرخاں گھر خاں گھٹیوڑی پاٹھاپوڑی مورتیاں نا تباہ کر ݙیخ ان ہوں تاجے قبر کھو ترخ ائیے رے کرے تاجی بےعزتی کی جاخے۔ ¹⁵ ۱۵۔ جو پہاڑا تے اوے خوشخبری ݙوڹ آݪے راپگے کیتر اپھوئرا ہے جکو خوشی ری خبر ݙئی۔آپرے عیداں منا آپرے منتاں ݙے کیاکے پچھے او چیز را تے میں خاں کونی گزرے۔اومٹ جاخے ان ختم تھی جاخے رو۔