باب ۱
1
۱۔ اِیشور رو او ٻول جیکو مِیکا موراشتی ناں شاہان یُہودہ یوتام آن آحازآن حزقی یاہ رے ݙنڹا مھیں رُویا مھیں ݙیٹو
2
۲۔اے خاری قوماں خیڹو اے دھرتی آپری معُوری خیجا مھیں نی خیڹو مالک اِیشور ھاں ایشور آپری پاک گھر خاں تھناں گواہی ݙیون ناں ھے
3
۳۔اے رے کرے کہ خداوند آپری گھر خاں ٻاہر آوی آن نازل ھورو دھرتی ری اونچی جہگاواں ناں ختم کرݙے خیے
4
۴۔آن پہاڑ اوے رے نیچا پگھل جاخے آن نہراں پھٹجاخیے جیکر موم پاخیݙے خاں پگھل جاوی آن پاڹی نہارے خاں بہیے جاوای
5
۵۔اے خیجی یعقوب را گناہ آن اسرائیل راے گھرانے ری خطاوُں رو نتجو ھے یعقوب را گناہ کی ھے کی سامرہ نہیں آن یہودا رے گھراناں ری خطا کی ھے کی یروشلیم کونی
6
۶۔ایے رے کرے ھوں سامریاں ناں کھیت مھیں پتھراں رے ڈھیرآݪی کار آن انگوراں رے لگاوڹ ری جہگہ آݪی کار کرݙیخ آن اوے رے پتھراں رے نہراں ناں ختم کرݙیخ آن اوے رے بنیاداں ناں ختم کرݙیخ
7
۷۔آن اوے رے ہاتھ ری بڹنایوڑے چیزان نان ٹوٹا ٹوتا کر ݙیخ آن اوے ری خاری مݙی پاخیݙے خاں ٻاݪی جاخیے ھوں اوے رے خارے بُتاں ناں ٹوڑ ݙیخ اییے رے کرے کہ گہرے ری محنت خاں اے خارو کچھ باڹیو گیا ھے آن اوے بیݪیں گیرے ری محنت ہوجاخیے ری
8
۸۔اہیاے رے کرے ھوں رووڹ آن رے رڑے کرواآخ ھوں چوڑو بہر آن چار جامہ ھوں رو پھریخ ھوں گڈڑاں آݪی کار چلاآیخ آن شُتر مرغاں آݪی کا پھرآیخ
9
۹۔اییے رے کرے اُواں رو زخم لا علاج ھے اُو یہودا تک بھی آیو ھے پڹ مھانجی اُمت رے پھاٹک یعنی کہ یرُوسلیم تک پوگو ھے
10
۱۰۔جت مھیں اییے کھٻر نہیں ݙو بوکیم مھیں آہخو نہیں بہاُو بیت لعفرہ مھیں راکخ تے نہیں آیو
11
۱۱۔اییے شافیر رے رہڹ آݪیاں اُوگاڑی آن پریشان ھو رے پوہیجاوُ صانان رے رہوڹ آݪیے نیکل کونی خگتے بیت ایل رے ماتم رے کرے ریوڹ تاں خاں لےلیو جاخے
12
۱۲۔پڹ ماروت رے رہیوڹ آݪییاں بھلائی ری انتظار کیے تو وی اِیشور رے پاخے خاں یرُوشلیم رے پھاٹک تک بلا نازل ھوی ھے
13
۱۳۔اے لاکیش رے رہیوڹ آݪی گھوڑے رے رتھ مھیں جوت آن بادپا ھو جا تُوں صیہون ری ݙیکری رے گناہ مھیں شروع ھوئی اے رے کے اسرائیل را گناہ تھیں ہی مھیں پائے گئے
14
۱۴۔اے رے خاروں تُوں موراشت جت ناں جہیز دے آن اکزیب رے گھر شاہِ اسرائیل رے کرے دغاباز ھوخے
15
۱۵۔اے مریشہ ری رہیوڹ آݪی ھوں تاجے خاروں وارث لے آیخ آن اسرائیل ری شوکت عدلام تک آخیے
16
۱۶۔تو تُوں آپرے پیارے ݙیکراں رے خاروں ماتو مُوناں تے گنجیو ھو جا گدھ آݪی کا بالکل گنجی ھو جا اے رے کرے کہ اُو تھیں کُوڈی اسیر ھو رو پُووہ گیو