باب۹
1
۱۔پھربھو یسوع ٻیڑی میں ٻخ رو ڈھنڈ پار کر ری آپرے شہر میں آیو۔
2
۲۔ آݨ جوؤ اُو ہیک لولہے پانگڑے ناں ماچے تے کھݨ رو پربھو یسوع کوڈھی لایا پربھو یسوع اُواں رو بخواخ جو رو کہیو ݙکرا خوشی منا کیانکہ تاجا پاپ معاف ہویا۔
3
۳۔ جوؤ کئنک فقہیاں ہیک ٻیجے خاں کہݨ لاگاً، اے منکھ جکھ ماری
4
۴۔پربھویسوع اُواں رے خیالات (سوچ) جاݨ را، آݨ کہیو تھیں آپ رے من میں گندی خوچ کیاں خوچی پیا؟
5
۵۔خانجو کی ہے اے کاہݨ کے تانجا پاپ معاف ہوا۔ ےا اے کاہݨ کہ اوٹھی بہے پھیر؟
6
۶۔ پݨ اے رے خاروں کہ تھیں اُوݪکھ خگو کہ پربھو یسوع کوڈھی دھرتی تے منکھاں را پاپ معاف کرݨ رو حق ہے۔ پربھو یسوع لولہل پانگڑے ناں کہیو، اُوٹھی آپ رو ماچو کھݨ آپ رے گھرے جا۔
7
۷۔پچھے اُو منکھ اُوٹھی رو آپ رے گھرے گیو۔
8
۸۔جݙے عوام اے جویو روݨ گوݨ میں پیا، آݨ ایشور ری ٻݙئی کی۔ جکے منکھاں ناں اہڑو حق ݙھنو ہے ۔
9
۹۔ جیکر ہی پربھویسوع اُوتھوں لگھیو تو اُوے ہیک منکھ جویو جکے رو ناں متی سنت ہتو، جکو چونگی تے ٻٹھو ہتو، پربھو یسوع اُوے ناں کہیو، کہ مانجے لارے ٻہے متی سنت اُوتھی رو پربھو یسوع رے لارے بہݨ لاگو۔
10
۱۰۔جیکر پربھو یسوع ٻاٹی کھاؤݨ رے کرے گھر میں بڑیو تو جوؤ گھݨا خارا چونگی لیوݨ آرا آݨ منکھ بھی پربھویسوع آݨ اُوے رے چیلاں رے بھیڑا ٻاٹی کھاؤݨ رے خاروں آیا۔
11
۱۱۔ جݙے فریسیاں جویو تو پربھویسوع رے چیلاں خاں کہیو،تھارو استاد چونگی لیؤݨ آراں آݨ پاپیاں بھیڑو کیاں کھاوی؟
12
۱۲۔جݙے پربھو یسوع اے خݨیو تو اُوے کہیو، جکو منکھ خاجا خورا ہے اُواں ناں حُکم ری لوڑ کونی۔ صرف اُواں ناں جکو بیمار ہے۔
13
۱۳۔تھاناں کھپئی کہ جارا ایے رو مطلب خیکھو، کہ مناں کرپا بھلی لاگی نی کہ چڑاوا، کیانکہ ہوں بخواخیاں ناں توٻہاں کراوݨ کونی آیو۔ پݨ پاپیاں رے خاروں آیو ھاں۔
14
۱۴۔ پچھے یوحنا را چیلا پربھو یسوع کوڈھی آیا آݨ کہیو، کہ مھیں آݨ فریسی خدا ئیں اکاخݨو راکھں پر تاجا چیلا اکاخݨو کونی راکھتا؟
15
۱۵۔ پربھو یسوع اُواں ناں کہیو، جتئ تئیں بِیݙ جان میں ہے جان ناں دلگیر ہووݨ ری لوڑ کونی۔ پراُو ݙنھی آخے جݙے بِینݙ جانیاں خاں پرو کیو جاخے،اُوےݙنھی اُو گھڑی اُو ورت راخے۔
16
16 پݨ کوئی بھی منکھ نوئیں گابھے ناں پراݨے گابھے ری کاری کونی لگا تو، کیانکہ اُو پیوند لگاؤݨ خاں کھیچج رو پراݨو گابھو بیگو پھاٹخے رو،
17
17 آݨ نی ہی منکھ نیوئی مے پراݨے مٹیاں میں گاتئیں جیکݙے اُو ایئیاں کرئی تو پراݨے مٹٖے پھاٹئی رے آݨ مے ڈھڑئی ری، اے رے کرے نوی مے نوئے مٹیاں میں بھرئ،ً تو مے آݨ مٹے ٻہنے بیچیے رہے،(خلامت ریخے
18
۱۸۔ جݙے پربھو یسوع اے باتاں کہے ریو ہتو تو ہیک بݙرو آیو آݨ پربھو یسوع رے اگیا نوڑو(جھک)رو کہیو،کہ مانجی ݙکری انجاں ہیݨاں موئی ہے، تو حال رو اُوے تے ہاتھ راکھ تو اُو جیوتی ہوخے ری،
19
۱۹۔ پچھے پربھو یسوع آپ رے چیلاں خمیت اُٹھی رو اُوے بݙیرے بھیڑو بہیو۔
20
۲۰۔ جوؤ ہیک لُوگائی جکے ناں ٻارا برخاں خاں لوہی بہتو ہتو، یسوع رے لارے آ ری اُوے ری پوخاگ رو پلو چُھؤیو،
21
۲۱۔کیانکہ اُو آپ رے جی کہتی پیی کہ جے صرف اُوے ری پوخاگ ہی ہوں چُھؤخ ری تو بھی ہوں ٹہیک ہویخری۔
22
۲۲۔ پربھویسوع پھر رو اُوے ناں جویوآݨ کہیو، ݙکری حوصلو راکھ، تاجے ایمان ہی تناں بھلاں کر ݙھنی۔ بس اُو لُوگائی اُوے گھڑی بھلاں تھی گیی۔
23
۲۳۔ جݙےپربھو یسوع بݙیرے رے گھرے پگو تو اُوے رے گھر آراں رو رؤݨ جویو۔
24
۲۴۔ تو اُوے کہیو ہیٹ جاؤ رو نی کیانکہ چھوکری مؤی کونی بلکہ خوتی پیئ ہے، تو اُو پربھو یسوع تے گجر کرݨ آݨ ہخݨ لاگا۔
25
۲۵۔ جݙے عوام نہ ٻاہر کاڈھی آݨ آپ گھرمیں بیݪ گیو، آݨ اُوے تے ہاتھ راکھیو تو چھوکری اُٹھی ابھیجی۔
26
۲۶۔ایئے پرچے ری خٻر اُوے خارے علاقے میں گھݨی خنڈ گی۔
27
۲۷۔ جݙے پربھو یسوع اُوتھ خاں ٹپیو تو ٻے اندھا منکھ پربھو یسوع رےلارے ہیلا کرتا آݨ رڑے کرتا ہویا اے پربھویسوع مھاں تے کرپا کر۔
28
۲۸۔جݙے پربھسوع گھر میں آیو تو ٻے اندھا منکھ پربھو یسوع کوڈھی آیا۔ پربھو یسوع اندھا ناں کہیو، کی تھیں بخواخ راکھئی کہ ہوں ایئیاں کر خگئیں؟ً اندھا بڑتی ݙھنی " ہاں " ایشور"
29
۲۹۔ پچھے پربھویسوع اندھا رے آنکھیاں تے ہاتھ راکھ کہیو، تھارے بخواخ ری وجہ خاں تھارے کرے ہوؤےً۔
30
۳۰۔آݨ اُواں رے آنکھیں کُھل گیئے۔ پربھویسوع اُواں ناں کہیو، ایے پرچے ری باتاں کہیئں ناں نی کریا۔
31
۳۱۔ جݙے اُوٻہیں ٻاہر گیا آݨ ائیے پرچے ری خٻر خارے علاقے میں کھنڈا چھوڑی۔
32
۳۲۔ جیکر ہی اُو ٻہیں منکھ جاتا ؤا جوؤ ہیک گونگو منکھ جکے میں بھونت ہتا پربھویسوع کوڈھی لایا۔
33
۳۳۔جݙے پربھویسوع اُوے منکھ را بھونت کاڈھیا تو اُو گونگو منکھ ٻولݨ لاگو، عوام ائیے پرچے ناں جورو آݨ گُݨ میں پڑگیا، آݨ کہیݨ لاگا، کہ اٰیڑو مہاں اسرائیل میں پہلی کونی جویو۔
34
۳۴۔ پݨ فریسی اے کہیݨ لاگا، کہ بھونتاں رے بݙٰرے ری مدد خاں اُو بھونت کاڈھئی۔
35
۳۵۔ پربھو یسوع گھݨے شہراں آݨ گاؤاں میں گیو۔ پربھویسوع اُواں رے بھگتی آری جگہ میں بھگتی کراؤݨ لاگو، آݨ آکاش ری بادشاہی ری پرچار کرݨ لاگو، آݨ ہربیماری خاں خاجا کرݨ لاگو۔
36
۳۶۔ پربھویسوع عوام ناں جو ری، اُوے ناں ترس آیو کیانکہ پربھویسوع اُواں ناں ݙکھ میں بے دل کونی جو خگتو ہتو۔ آݨ اُوائیاں ہتا جیکر دھنار خاں بغیر رڈھاں ۔
37
۳۷۔ پربھویسوع آپرے چیلاں ناں کہیو،کہ فصل گھݨی ہے پر مزدور تھوڑا ہے۔
38
۳۸۔ائیے رے کرے فصل رے مالک خاں پراتھنا کرو کہ اُو مزدور بہیر کرے۔