1
۱۔پربھویسوع بھگتی گھر(عبادت گاہ) خاں ٻاہر نخیریو تو آپ رو مارگ لیو اُوے را چیلا اُوے کوڈھی آیا، اِئیے رے خاروں کے اُو ہیک بھگتی گھر ری جگہ بتاوے۔
2
۲۔ بݪے پربھویسوع بݪتی میں اُواں ناں کہیو کی تھیں اِے چیزاں ناں کونی جوؤتا، ھُوں تھاناں سچی کہیں وہ کے اتھے پتھر ماتھے پھتر کونی رہے جکو کیھرے کونی۔
3
۳۔جݙے اُو زَیتُونؔ رے ٹکر(جبل) ماتھے ٻیٹھو تو اُوے را چیلا ھیکھلائی میں اُوے کوڈھی آیا آݨ کہیو ہمیں مہاناں بتا کے اِے باتاں کݙے حوخے بݪے تھارے آوݨ آݨ جگت رے خاتمے رو نشان کی حوخے۔
4
۴۔ پربھویسوع اُواں ناں اِے بݪتی ݙھنی خاوچیت رہیا کے کوئی تھاناں تھیݪ نی ݙے۔
5
۵۔ گھݨاں مانجے ناں آخے کے ھُوں مسیح ھاں آݨ گھݨاں ناں تھیݪ خے۔
6
۶۔تھیں(لڑائیاں) بیݪ تے (لڑائیوں) بیݪاندھیاں رے خٻراں خوݨخو جوؤ تھیں گھٻرا نی جایا کیاں کے اِئیے باتاں رو حووݨ ضروری حوخے بݪے وی اِئیے رو خاتمو کونی ہووے۔
7
۷۔ ہیک قوم ٻیجوݪی قوم تے آݨ ہیک راجائی ٻیجی راجائی تے چیݪئی کرخے آݨ گھݨے علاقاں میں کاݪ تے زلزلہ آخے۔
8
۸۔ اِے تمام باتاں ݙوکھاں رو شروع ہی ہوخے۔
9
۹۔ بݪے اُو تھاناں ݙوکھ ݙیوݨ رے خاروں جھلواخے آݨ تے مرواخے آݨ قتل کرخے۔ تمام قوماں مانجے ناں رے خاطر تھاناں خاں نفرت کرخے۔
10
۱۰۔ گھݨاں تھوݙھا کھاخے تے ہیکے ٻیجے ناں دشمن رے حوالے کرخے ہیکے ٻیجے خاں نفرت کرخے ۔
11
۱۱۔ گھݨاں ہی کوݪا سنت بھگت اٹھخے آݨ حق رے مارگ خاں تھیݪخے۔
12
۱۲۔ کیاں کے دنیا ری بے اپھالی بھد جاخے جکے ری وجہ خاں گھݨو پریم ٹھاڈھو ہو جاخے رو۔
13
۱۳۔جکو آخر تک برداشت کرخے اُو بچیا ریخے۔
14
۱۴۔آکاش ری راجائی ری اِے پرچار تمام دنیا میں گواہی رے طور تے بیان کرخو پچھے ہی خاتمو ہوخے۔
15
۱۵۔ اِئیے خاروں جݙے تھیں (اجاڑنے) اجاݪݨ آݪی خرمناک برائی ناں پویتر جگہ تے ابھوڑا جوؤ جکے رو زکر سنت دانی ایل ری معرفت کیو ہے پڑھݨ آݪا سمجھ لے۔
16
۱۶۔جکو یہودیہ شہر میں خاں ہوخے اُو ٹکراں (جبلاں) تے چڑھ جاخے۔
17
۱۷۔جکوگھراں رے چھتاں تے چڑیوڑا ہے اُو نیچا خمان لیوݨ نی اُوترے۔
18
۱۸۔جکو فصلاں میں ہے اُو آپ رو چوݪو لیوݨ نی آوے۔
19
۱۹۔ آݨ افسوس اواں تے جکو اُوے ٹائم پگ بھارݨ تے ݙودھ پاوݨ آݪی ہوخے۔
20
۲۰۔پراتھنا کرو کے موسم سردی میں اِے واقعیونی ہوے ٻجو بھگتی رے ݙھیں ناخݨونی پڑے۔
21
۲۱۔ اِے گھݨی ݙوکھ آݨ مصبت ری اِے گھڑی ہوخے، شروع خاں لے تے آج تک نی ہوئی نی کݙے بݪے ہوخے۔
22
۲۲۔ اِئیے رے خاروں جے اِے ݙھیں گھٹیا نی جاونت تو کوئی جیتی جان کونی بچنت اِے ݙھن بھلیں منکھاں رے خاروں گھٹیا جاخے۔
23
۲۳۔جے کوئی تھاناں کوئی کہیے، "جوؤ" مسیح اِتھے ہے! یا اُتھے ہے تو تھیں یقین نی کریا۔
24
۲۴۔کوڑا مسیح ہاں کوڑا سنت آخے، حیران کرݨ رے موٹے نشانے بتاخے، پݨ جکو وشواسی ہوخے اُو اُواں ناں بھی گمرا کرخے۔
25
۲۵۔ جوؤ میں تھاناں ہیڑاں خاں پہلی خوݨایو رو۔
26
۲۶۔جے اُو تھاناں کہیے کے مسیح سنسان جگہ میں ہے تو تھیں سنسان جگہ تے نی جایا آݨ جے اُو تھاناں کہیے کمرے میں ہے تو تھیں یقین نی کریا۔
27
۲۷۔جیکر بجلی اُوگاݨ (مشرق) خاں اتھوݨ (مغرب) تک چمکئی آݨ تھارے مارگ ناں روشن کرئی ائیاں ابن آدم رو آوݨ ھوخے۔
28
۲۸۔جیتھ کیتھ مردہ جانور ہوئی اُوتھے گرجاں جمع ہوئی۔
29
29۔ پݨ گھݨے ݙوکھاں خاں پچھے جلدی خورج آندھارو ھو جاخے، چاند آپری روشنی کونی ݙے تارا آکاش خاں کھریا جاخے آݨ آکاش ری طاقتاں لوݙی جاخے۔
30
۳۰۔ جݙے ابن آدم روشان آکاش تے ظاہر ھوخے آݨ خارا دھرتی را قبیلا ماتم کرخے آݨ اُوے ابن آدم ناں بادلاں تے آݨ طاقت آݨ موٹی بݙئی خاں آوتے جوخے۔
31
۳۱۔ اُو آپ رے فرشتاں ناں نرسنگاں ری موٹی آواز رے بھیݪا بہیر کرخے، آݨ آکاش ری ہیکی کونڈ خاں ٻیجی کونڈ چارے پاخے خاں چوگیوڑاں ناں بھیݪا کرخے۔
32
۳۲۔ انجیر رے بݨ خاں سبق خیکھو، جیکر ہی پونبلی خاں پان نخرئی تھیں خمجھ جاوئی را کے گرمی نیݪی ہے۔
33
۳۳۔ جݙے تھیں اِے باتاں ناں ہوتے جوؤ تو تھیں خمجھ جایا کے اُو نیݪیو ہے آݨ دروازے تے ہے۔
34
۳۴۔ھُوں تھاناں خچی کہیں وہ اِے نسل کیݙے ختم کونی ہوے جیس تائیں اِے باتاں ناں ہوتے نی جوئے۔
35
۳۵۔ آکاش آݨ دھرتی ختم ھوجاخے پݨ مانجو شٻدھ کونی مٹے۔
36
36۔ پݨ اُوے ݙھیں آݨ وقت رے بارے میں کوئی کونی جاݨتو۔ نی آکاش را فرشتہ نی ݙیکروخوائے پتا رے۔
37
۳۷۔جیکر نوحؔ سنت ری ݙھیاں میں ہوتو ائیاں ابن آدم رے آوݨ رو وقت ہوخے۔
38
۳۸۔ جیکر طوفان آوݨ خاں پہلی ݙھیں میں ماݨخ کھاتا پیتا آݨ شادی بہئیاں کرتا ہوتا، جیس تائیں نوحؔ سنت ٻیݪی میں چڑھ نی گیو۔
39
۳۹۔ آݨ جتری تک طوفان اُواں ناں لے نی گیو، جیتریتک اُواں ناں خٻر کونی پئی، ائیاں ابن آدم رے آوݨ تے ہوخے۔
40
۴۰۔ آݨ ٻئے منکھ ٻنئی میں ہوخے، ہیک اُوکھݨیو جاخے آݨ ہیک لارے چھوݪیو جاخے۔
41
۴۱۔ ٻئے لُوگائے چیکی پیختے ہوخے ہیک لینی جاخے آݨ ہیک چھوݪی جاخے۔
42
۴۲۔ اِے رے کرے تیار رہو کیاں کے تھیں کونی جاݨتا کے تھارو ایشور کیݙے آجاخے رو۔
43
۴۳۔پݨ اِے جاݨݨ ری ضرورت ہے کہ گھر رے مالک ناں اِے خٻر ہوئے کہ چور کیݙے آخے تو اُو جاگتو رہے خے۔ آݨ آپ رے گھر میں چوری ری اجازت کونی ݙے وے۔
44
۴۴۔ اِے رے خاروں تھیں ضرور ہوشیار رہو جکے گھڑی تھیں جاݨوبھی کونی ابن آدم آوخے رو۔
45
۴۵۔اِے رے خاروں ایمان آݪو آݨ عقل آݪو نوکر کوݨ حوخے جکے رو مالک اُوے ناں گھرتے بارخائی (اختیار) ݙے، تاکہ اُوے ناں وقت تے کھادھو ݙے؟۔
46
۴۶۔ دھن ہے اُو نوکر جکے رو مالک آرو اُوے ناں اُواں ہی کرتو جووے، جݙے اُو آخے۔
47
۴۷۔ ھُوں تھاناں خچی کہیں، مالک اُوے ناں اُو خارو کجھ ݙخے جکے رو اُو مالک ہے۔
48
۴۸۔پݨ شرارتی (بیمان) نوکر آپ رے دل میں کہیخے مانجے مالک رے آوݨ میں اجّاں گھݨی دیر ہے،،۔
49
۴۹۔ آݨ آپ رے بھیݪو کام کرݨ آݪے نوکراں ناں مارخے، آݨ شرابیاں رے بھیݪو کھاخے پیخے۔
50
۵۰۔مالک اِے ݙیھں آخے رو، جکے ݙیھں نوکر خوچیو بھی کونی وئے، آݨ اِے گھڑی ناں اُوجاݨتو کونی وے۔
51
۵۱۔اِئیے رو مالک اِئیے ناں ٻیاں ٹوݨاں میں بانڈخے را، آݨ اِئیاں خاں اُوحال کرخے، جکو ریاکاراں خاں کیو جاخے، جتھے روّݨ آݨ ݙانتاں رو پیخݨ ہوخے۔