باب۱۵
1
۱۔ پݨ کہئں فقہہ آݨ فریشی یروسیلم خاں مسیح یسوع کوڈھی آیا اُوئاں کہیو
2
۲۔تاجا چیلا موٹا ری بݨایوݪی ریت ناں کیاں ٹوݪی، کی اُو کھاوݨ پیئݨ خاں پہلی ہاتھ کونی دھوتا۔
3
۳۔ یسوع مسیح جواب ݙھنو آݨ کہیو اُو تھیں کیاں آپری ریت ناں پوری کرݨ ری غرض کونی ایشور رے بچناں (حُکماں) ناں کیاں ٹوݪی واہ۔
4
۴۔ ایشور کہیوہے کہ آپ رے ماں ٻاپ ری عزت کرو آݨ جکو کوئی آپرے ماں ٻاپ ری بورائی کرخے ضرور مرخے۔
5
۵۔ ائیاں تھیں کہیو، جکو کوئی آپ رے ،ماں آݨ ٻاپ خاں کہے جکو مدد مھیں خاں مل خگھیں اِیڑاں ایشور ناں تحفے رے طور تے ݙھنی گی ہے۔
6
۶۔ اُوے منکھ ناں آپرے ٻاپ ری عزت کرݨ ری ضرورت کونی ائیے طریقے خاں تھیں آپ ریت ری خاطر ایشور رے ژٻید ناں ردھ کریو ہیں۔
7
۷۔ اَےنی منݨ آݪا منکھاں سنت یسعیاہ تھارے بارے میں بلکل ٹہیک کہیو ہے۔
8
۸۔جݙے اُوے کہیو اَے منکھ چپاں آݨ ہونٹھاں خاں مانجی عزت کری ہے کیانکہ ائیاں را من میں خاں اݪگا ہے
9
۹۔اَے بے وجہ مانجی ٻݙائی کرئیں ہے کیانکہ اَے منکھاں رے بݨایوڑے حُکماں ناں آپ رے ایمان آݨ حختی خاں تعیلم ݙھنی ہے
10
۱۰۔پݨ پربھویسوع ٹوݪے ناں (بیھڑ) آپرے کوڈھیا آݨڑیاں آݨ اُواں ناں کہیو خݨو آݨ خمجھو۔
11
۱۱۔ کوئیوی اِڑی چیزکونی جکومانݙے میں جاوے منکھ ناں پلیت کرے بلکہ جکو اُوے رے مانݙے خاں نخیری اُو اُوے ناں پلیت کرئی ہے۔
12
۱۲۔پݨ چیلاں پربھویسوع کوڈھی آیا آݨ کہیو کی تو اَے جاݨیں ہے کہ فریشی تاجے جواب خاں ݙاڈھا ناراض ہویا۔
13
۱۳۔یسوع مسیح اِے جواب ݙھنو آݨ کہیو ہر اُو بݨ جکو مانجے آکاشی ٻاپ کونی اُوگایو اُو باڈھیو جاخے۔
14
۱۴۔ آݨ اُواں ناں اُواں رے حال تے چھوڑݙو اُو اَندھا اُستاد ہے اگر ہیک اَندھوٻیجے اَندھے ناں مارگ ݙخلخے تو ٻہیے کھݙے میں کھرخے۔
15
۱۵۔پطرس جواب ݙھنو آݨ یسوع مسیح ناں کہیو مھاناں اَے مخال خمجھا؟
16
۱۶۔یسوع مسیح اُواں ناں کہیو تھیں ِجیݨ تک کونی خمنجھیا۔
17
۱۷۔ کی تھاں اِے کونی جویو کہ جکو مانݙے رے بھیتریا جاوی اُو پیٹ خاں باہر نخریں۔
18
۱۸۔جے اُو چیزاں مانݙے خاں نخریں اِے اُودِل خاں ہی نخریں اِے اُو چیزاں ہے۔ جکو منکھاں ناں پلیت کریئں۔
19
۱۹۔کیانکہ من خاں برا خیال، خونریزی، زِنا کارے۔حرامکارے چھورے، کوڑے گواہیں، بدگواہیں دِل ہی خاں نخریں۔
20
۲۰۔اِے اُو چیزاں ہے جکو ناپاک کرئیں جیکرکے نی ہاتھ دھو ٻاٹی کھاوݨ اُوناپاک کونی کرتو۔
21
۲۱۔ آݨ پچھے یسوع مسیح اُوتھ خاں صُوؔرآݨ صِیدؔا رے علاقے ݙیخیا بہو۔
22
۲۲۔ آݨ جووہ ہیک کہنائی لُگائی اُوے علاقے خاں نخرآئی اُوے رڑھ کر کہیو اِے مالک دُاؤد ری اُولاد میں تے رحم کر مانجی ݙیکری بھنوتاں رے قبضے میں ہے آݨ گھݨے ݙکھ میں ہے
23
۲۳۔ پݨ یسوع مسیح جواب میں اُوے خاں کئیں کونی کہیو اُوے را چیلاں اُوے خاں منتھ کرݨ لاگا کے اِے ناں اِتھ خاں باہیر کر کیانکہ اِے مھارے لارے رڑیں کرئیں وی۔
24
۲۴۔پݨ پربھویسوع جواب میں کہیو، ہُوں کئیں ٻجے رے خاروں کانی بلکہ اِسرائیل ری گمیجݪے رڈھاں رے خاروں بہیر کیو گیو ھاں۔
25
۲۵۔پݨ اُو آئی تے اُوے رے خامݨے نگڑ تے کہوݨ لاگی مالک مانجی مدد کر۔
26
۲۶۔ اُوے جواب ݙھنو آݨ کہیو، ٻاݪاں ری ٻاٹی کھوخ ری چھوٹے کتاں رے اَگ میں گھاتݨ ٹہیک کونی"
27
۲۷۔ اُوے کہیو، ہاں مالک پݨ کُتا بھی مالک رے مانݙے خاں کھریوڑے ٹوٹا خاں پیٹ بھرئی۔
28
۲۸۔ پچھے پربھویسوع جواب ݙِنو آݨ کہیو، اِے لُوگائی تاجو بخواخ تمام گھݨوہے جیکݙھں توچاوی تاتجے خاروں اُوہی ہُوے آݨ اُوے ری ݙیکری اُوے گھڑی بھلاں ہو گی۔
29
۲۹۔پربھویسوع اُوتھے خاں نخر تے گلیل رے سمندر رے نڑو گیو۔ پچھے اُو پہاڑی (ٹکر) تے گیو آݨ اُوتھے ٻیخ گیو۔
30
۳۰۔موٹا ٹوݪا اُوے کوڈھی آیا، اُوآپرے بھیݪا منڈا(لنگڑا) اندھا، گونگا،پانگݪا آݨ گھݨاں خارا بیماراں ناں لے آیا۔ اُواں ناں پربھویسوع رے چرݨݨاں میں لے آیا۔ آݨ پربھویسوع اُواں ناں بھلاں کیا۔
31
۳۱۔جݙے ہجوم ائیے سب ݙیٹھو تو اُو حیران ہویا کہ گونگا ٻولئی، منڈا بہوی آݨ اندھا جووی، اُواں اِسرائیل رے ایشور ری تعریف کرئی۔
32
۳۲۔پربھویسوع آپ رے چیلاں ناں ہیلو کریو آݨ اُواں ناں کہیو، "مناں اِئیے منکھاں تے ترخ آوئی، کیانکہ اِئیے مانجے بھیݪا تیناں ݙیھیاں خاں ہے آݨ اُواں کوڈھی کھاوݨ رے خاروں کیئں کونی۔ ہُوں اُواں ناں کھوݪے بغیر کونی بہیر کرݨ چاہتو۔ نی تو اِئیے مارگ میں بے ہوش ہو جاخے ۔
33
۳۳۔ چیلاں اُوے ناں کہیو، ائیے خنخان جگہ میں اترے منکھاں ناں ڈھپاوݨ رے خارو ٻاٹی کِتھ خاں لے آجے۔
34
۳۴۔پربھویسوع اُواں ناں کہیو،" تھاں کوڈھی کترے ٻاٹے پے اُواں کہیو،" خات (ساتھ) آݨ کئنک مچھے،"
35
۳۵۔ پچھے پربھویسوع اُواں ناں دھرتی تے ٻہخݨ رو حُکم ݙھنو۔
36
۳۶۔ اُوے خات ٻاٹے آݨ مچھے کھݨ رے آݨ شکر ادا کراݨ رے بعد ٻاٹے بھانگیے آݨ آپ رے چیلاں ناں ݙھنئی۔ چیلاں منکھاں میں ٻاٹے بھیڑے۔
37
۳۷۔منکھاں کھادے آݨ ڈھاپیا آݨ اُواں ٻاٹیاں را ٹوٹو کھݨیا تو خات ٹوکرا بھرجا۔
38
۳۸۔ کھاوݨ آݪاں چارہزار مڑداں خاں ٹاݪ لُوگائے آݨ ٻاݪ بھی ہوتا۔
39
۳۹۔ پچھے پربھویسوع منکھاں ناں بہیر کریا آݨ ٻیݪی تے چڑھ رو مگدان رے علاقے نی بھہو گیو۔