1
۱۔اِیشور رِے طرفاں مَلاکی رِی معرفت اَسرائیل رِے خارو ثبوت۔
2
۲۔اِیشور پرمیشور کہی کہ میں تھاناں خاں پریم راکھیو تو وی تھیں کہوئی کہ تھیں کہڑی بات خاں ماہاں خاں پریم ظاہر کریو اِیشور پرمیشور کہے کہ کی عَیسو یعقوب رو بھائی کونی ھتو۔ پڹ میں یَعقوب خاں پریم راکھیو۔
3
۳۔آن عیَسو خاں بیر راکھیو آن اوُے رِے پہاڑ ناں اجاڑ ݙنو۔ آن اوُں رِی میراث جھنگ رِے گرڑاں ناں ݙنھی۔
4
۴۔جیڈھن ادَوم کہے کہ مھیں برباد تو ھوا پر اجڑیوڑی جگاواں ناں بڑے آرا ناھخاں تو اِیشور الافواج فرماوئے کہ جیکڈھن او ناھوے وی تو وی ھوں اوُے نا ناکھیخ رو۔آن منکھ اوُاں او ُاے ناں راکھخے کہ شرارت رو ملک او منکھ جکاں ماتھے ہمیشہ اِیشور پرمیشور رو قہر ہے۔
5
۵۔آن تھانرے آنکھیے جوخے آن تھیں کہخو کہ ایِشور پرمیشور رِی بڈائی اسَرایئل رِی حد خاں اگیاں تک ھوے۔
6
۶۔فوجاں رو ایِشور تھاں ناں کہے اِے مانخے ناں رِی گلاں کرڹ آݪا کاہناں۔ ڈکرو آپرے ٻاپ رِی آن نوکر آپرے مالک ری بڈایئی کریے۔پڹ جیکݙھن ہوں ٻاپ ہاں تو مانجی عزت کتھے ہے۔ آن جیکݙھن مالک ہاں تو مانجو ٻیھ کتھے ہے؟ پڹ تھیں کہوئی کہ ماہاں کہی بات میں ناجی ناں رِی عزت کونی کرئی؟
7
۷۔تھاں مانجے قربانی ری جگہ تی ناپاک ٻائی چاڑوئی۔ آن کہے کہ ماہاں کہی بات میں تاجی بےعزتی کری۔ اِیاں کہوئی ایِشور پرمیشور رِی میز حقیر ہے۔
8
۸۔ جڈے تھیں اندھے رو چڑاھوو چاڑھئی تو ایئے میں کی کوئی بچھڑائی کونی۔ آن جڈے لوھلا لنگڑاں آن بیمار چڑھاوا چاڑوئی تو کہیں نقیصان کونی۔ہمیں اھوئی آپرے بادشاہ رِے نزر کر آں۔کی او تیئں خاں راجی ہوخےآن تھاناں خاٻاخی ڈیخے۔فوجاں رو ایِشور کہی پیو۔
9
۹۔ہمیں زرا ایِشور ناں مناوو تاکہ او تھاں ماتھے رَحم کرے تھانرے ئی ہاتھاں ئی رِے کریوہے۔کی تھیں اووے رِے آگیا سرخرو ہوخو۔فوجاں رِے ایِشور کہی پیو۔
10
۱۰۔ کاش کہ تھاں میں کوئی اھڑو ھوونت جکو دروازو بند کرنیت۔آن تھیئں مانجے قربانی آری جگہ تے باخڈے نی ٻاڑنت۔فوجاں رو ایِشور کہے پیو۔ہوں تھاں خاں راجی کونی ہاں آن تھانرے رو دان کڈے کونی قبول کراں۔
11
۱۱۔کیانکے خورج رِے نخرڹ خاں ٻڈڹ تک قوماں میں مانجے ناں رِی بڈائی ھوخے۔آن ہر جگہ مانجے ناں ماتھے دھوپ ٻاڑیا جاخے۔آن پویتر دان چاڑھیاجاخے۔کیانکے قوماں میں مانجے ناں رِی بڈائی ھوخے۔قوماں رو ایِشور کہی پیو۔
12
۱۲۔پڹ تھیئں ایئے بات میں اوُوے رِی بےعزتی کروئی۔کہ تھیئں کہی کہ ایِشور رِی میزتے کی ہے۔اوُوے رِے ماتھے آݪا چڑھاواکہیئں معنا کونی راکھتا۔
13
۱۳۔ آن تھاں کہیو اے کہڑی دلالپ ہآ۔آن اوُوے ماتھے ناک چڑھا یو۔فوجاں رو ایِشور کہی پیو۔بڑے تھیئں لٹیوڑو مال آن لوہلا لنگڑا آن بیمار جانور لایا اھڑا چڑھاوا چاڑھیا۔کی ہوں اوُواں ناں تھانرے ہاتھاں خاں قبول کراں۔ایِشور پرمیشور کہی پیو۔
14
۱۴۔لَعنت اوُواے دغاباز ماتھے جکے رِے دھڹ میں تر ہےپر ایِشور رِے پگاں عیب دار جانور ناں ندز من رِی چڑھاوئے کیانکے ہوں شاہ عطیم ہاں آن قوماں میں مانجو ناں مہیب ہے۔فوجاں رو ایِشور کہی پیو۔