1
۱۔ آن یِسوع پویتر آتماں خاں بھرپُور ہو آن اُردن خاں پاچھو آیو آن پویتر آتماں رِی ہدایت خاں جھِنک میں گیو۔
2
۲۔چالیخ ݙن تک او خیِطان خاں آزمایو جاوے آن اُوے ݙناں میں اُوے کڹ ی کونی کھادھو آن جݙھےݙھی پورا ہوا تو اُوے ناں بُوکھ لاگی۔
3
۳۔جݙھے خیطان اُوے ناں کہیو کے جے تو ایِشور رو ݙیکِرو ہے تو ائے پتھر ناں کہہ کے ٻاٹی بڹ جاوے۔
4
۴۔ یِسوع اُوے ناں جواب ݙینو کے لیکھیوڑو ہے کے منِکھ صرف ٻاٹی خاں ہی کونی آن ایشِور رے ہر بات خاں جیتا ریخے۔
5
۵۔ آن خیطان اُوے ناں اُونچے پہاڑ تے لے جاتے جگت رِی خاری راجائے پل بھر میں بتائے۔
6
۶۔آن خیطان اُوے خاں کہیو کے میں اِے خارو اختیار آن اُوے رِی خاری شان و شُوکت تناں ݙینح کیاں کے اِے مہارے حوالے کی ہے آن جکے ناں چاہاوی ݙای۔
7
۷۔جے توں منجے آگے سجدا کرئے تو ہوں اِیے خب کچھ تناں ݙئیخ۔
8
۸۔ یسِوع جواب میں اُوے ناں کیہو لکُھت ہے کہ تو ایِشور آپ رِے ایِشور رِی پندگی کر ان صرف اُوے رِی بھگَتی کر۔
9
۹۔بݪے او اُوے ناں یروشِیلم میں لے گیو آن ہِیکل رِے کنگرے تے او بھانیو آن اوُے ناں کہیو جے تو ں ایِشور رو ݙیکرو ہے تو آپ رِے آپ ناں نیچا ناکھ۔
10
۱۰۔کیاں کے لکھیو ہے کے اُوے آپ رِے دوتاں ناں تھارے خارو حَکم ݙینو کے تھاری رکَھی کرے۔
11
۱۱۔ان کے او تناں ہاتھاں تے کھڹ لیخے ایاں نی ہووے کے تھارے پگاں ناں پتھر خاں دِھک لاگے۔
12
۱۲۔ اِن یِسوع بݪتی میں اوُاں ناں کہیو کے کہیو گیو ہے کے تو ایشِور آپ رِے ایِشور رو آزموتو نی کر۔
13
۱۳۔اِن خیطان جݙے طرح طرح را آزموتو کر لیا تو کئی گھڑی تک اوُے خاں تیار کرتا رہیا۔
14
۱۴۔ اِن یِسوع پوتر آتما رے زور خاں گلیل ݙخا ٻݪ آیو بان آخے پاخے رِے علَاقے میں اُوے رِی مَخوری ہوئی۔
15
۱۵۔ان او اُواں رِے بھگتی گھراں میں سبدھ ݙیتو رہیو ان خارا اوُے رِی بݙائی کرتا رہیا۔
16
۱۶۔ بݪے او ناصرت میں آیو جتھے اوُے پݪیو موٹو ہویو اِن آپ رِی ریت رِے مَطابق بھگتی رِے ݙن بھگتی گھر میں گیو ان پڑھڹ رہیو۔
17
۱۷۔او یِسعِیاخنت رِی طومار ݙینو گیو ان جݙے اُوے طومار کھُو لیو تو جگر لکُھت ہِتی۔
18
۱۸۔ ایِشور رِی آتما میں متھے ہے ائیے خارو اُوے مناں چوگیو کے مسَکیناں ناں خوشُخبری ݙھاں اوُے مناں ائیے خارو باہر کیو ہے کہ قیداں ناں چھوڑاں اِن اندھاں ناں دید ان لتاڑیو راں ناں رہاآی ݙاں۔
19
۱۹۔ان ایِشور رِے خاݪ بھݪی پرچار کراں۔
20
۲۰۔ اِن او طومار ٻݪہٹ بھگِت نا پاچھو ݙے ان ٻیخ گیو اِن جو بھگتی گھر میں ہتا او اوُاں خاراں آنکھیں اوُے تے لاگوڑے ہتے۔
21
۲۱۔جݙے او اوُاں نا کہیوڹلاگو کے آج اِے پیُشن گوئی تھارے کاناں میں پوگیو۔
22
۲۲۔اِن خاراں اوُے رِی گواہی ݙھنی ان ݙایا کی ان اوُے باتاں تے جکو او رِے مہانݙے خاں نکلی ہتی حیران ہوا ان کہوڹ لاگا کی اے یوَسف رو ݙیکرو کونی۔
23
۲۳۔ اوے اوُاں ناں کہیو کے توں بے شک اِے مخال میں ماتھے کہیخ کے طبیب تو آپ ناں تو ٹھیک کر جکو کوئی ماھاں خڹیو ہے کہ تیں کفرنحُوم میں کیو ایے مولک میں وی کر۔
24
۲۴۔آن اوُے کہیو ہوں تھایاں خاں خچ کہیں کے کو ئی خنت آپ رِے ھولکھ میں عزت کوئی ٻاوتو۔
25
۲۵۔ پڹ ہوں تھا خاں خچ کہیں کے جݙھے ایلیاہ رِے ݙڹ اں میں تین برخ چھے مہیزاں تک آکاش بند رہیو ایتی تک کے تمام مولک میں سخت کال پڑیو گھڹ ی سارے را ڹ روڑاں اسِرائیل میں ہِتی۔
26
۲۶۔جݙھے ایلَیاہ سوائے صیرون رِے صارفت رِی ھیک راڹ ٻروڑ رِے آن اوُے میں خاں کنئی کݙھے کونی باہیر کیو۔
27
۲۷۔آن ایِسع خنت ری گھڑی اِسرایئل میں گھڹ راں خارا کوڑی ہتا پڹ اونواں میں خاں کوئی ناں خاجا خورا کونی کیا گیا سوائے نعمان سریانی رِے۔
28
۲۸۔ آن جترا بھگتی گھر میں ہتا خارا او نواں باتاں ناں خوڹ تے ہی رینح خاں بھر گیا۔
29
۲۹۔آن اٹھی تے اوُے شہر خاں ٻاہر کاݙیا آن اوُے ناں اوُے ٹکر ری چوٹی تے لے گیا جکے تے اُواں رو شہر بڹ یو رو ہتو ایئے خارو اوُے ناں ماتھے خاں ناکھے۔
30
۳۰۔پڹ او اواں رِے بچ میں خاں نوہو گیو۔
31
۳۱۔ آن او گلِیل رِے ھیک شہر کفر نحُوم ݙیخا گیو آن او بھگتی تے بھِگتی اواں سدھ ݙیتو ہتو۔
32
۳۲۔آن او مِنکھ اوُے رِی تعلیم خاں حیران ہتا کیاں کے اوُے باتاں اخر آݪے ہتے۔
33
۳۳۔ آن بھگتی گھر میں ھیک منکِھ ہتو جکے میں خیطان رِی بوری آتماں ہتی او گھڹ رِی رڑ کر اٹھیو کے۔
34
۳۴۔اے یِسوع ناصری تناں میں خاں کی کام؟کی تو مہاناں مارڹ آیو ہے؟ ہوں تنا جانڹ ریں کے تو کوڹ ہے ایِشور رو قدوس۔
35
۳۵۔ یسِوع اوُے ناں دڑکو ݙے آن کہیو چپ کر آن ائیے میں خاں نکل آ ایے تے بھوتنی اوُے رِے بچ میں پٹک تے اوُے خاں نخر آئی آن اوُے ناں کوئی ݙکھ کونی ݙیھنو۔
36
۳۶۔آن خارا حیران ہو آ پخ میں کہیوڹ لاگا کے کیڑے باتاں ہے کیا کے اختَیار ان قدرت خاں بوری آتماں ناں حکم ݙای او نکل آوی۔
37
۳۷۔آن آخے پاخے رِے علاقاں رِی ہر جگہ میں اوُے رِی مخوری کھیڈھ گئی۔
38
۳۸۔ آن او بھگِتی گھر خاں اُٹھی تے شِمعون رِے گھر میں بڑیو آن شمِعوں رِی خاخو ناں گھڹ وتاہ چڑھیو رو ہتو آن اوے اواں اوُے رِے خارو اوُے خاں منت کی۔
39
۳۹۔جݙھے اواوےگݙھے او بھیج تے تاہ ناں جھڑکیو تو اتر گیو آن او یک دَم اٹھحا آن اُواں رِی شیواکرڹ لاگی۔
40
۴۰۔ آن جکے را طرح طرح رِی بیماریاں را مریض ہوتا خار خورج رِے ݙھوٻڹ خاں پچھے اوُے کݙے لے آوتا تا آن او ھیک ھیک تے ہاتھ راکھ تے اواں ناں خاجو کرتو ہتو۔
41
۴۱۔آن گھڹ راں میں خاں بوری آتماں رڑ رڑتے ایہیاں کہیوی ہوی تخر آتی تی کے توں ایشِور رو ݙیکرو ہے۔ بݪے او اواں ناجھڑکیو آن کہیوڹ کونی ݙیتو ہتو کیا کے او جاڹ رتے ہَتی کے اِے صحیح ہے۔
42
۴۲۔جݙھے ݙن ہوتو او نخر کئی جھنگ میں جاوتوہتو آن ٹوݪا اوُے نا جوتا آن اوُے کݙے آتے اوُے ناں روکتا تا کے مھارے کݙھے خاں بوہونی جائے۔
43
۴۳۔بݪے اوُے اوُاں ناں کہیو مناں ضروری ہے ٻھے شہراں میں ایِشور رِی راجائی خوشُخری ݙاں کیاں کے ہوں اُواں رِے خارو باہیر کیو گیو ھاں۔
44
۴۴۔آن او یہودیہ رِے بھگتی گھراں میں پرچاکرتو رہیو۔