1
۱۔ پِچھے اوُے آپرے چیلا ناں کہیو۔اِے کونی ہو خگتو کہ تھڈانی لاگے۔پن اِفسوس اوُے ماتھے ہے جکے رِی وجہ خاں لاگے۔
2
۲۔اِےرِے پگا بھلو ہوتو کہ گرٹی رو پڑ اوُے رِے گݪے میں گھات رُو ایاں نندھیا میں خاں ھیک رِے پگا تھڈے رو خبب بٹے۔
3
۳۔ خبردار رہو۔ جیکڈھن او ُھیک ڈھن تاجو بھائی گناہ کرےتو لوگ اوُے ناں بےعزتو کر۔جیکڈھن توٻہ کرے تو توں اوُے نا معاف کر۔
4
۴۔آن جیکڈھن او ھیک ڈھین میں سات چکر تاجو گناہ کرے آن سات دفعہ تیں کناں آ رو کہے کہ ہوں توٻہ کریئں۔ تو توں اوُے ناں معاف کر۔
5
۵۔ آن چَیلا پربھو ناں کہیو کہ مہا رو بخواخ بدھا۔
6
۶۔اِیشور کہیو کہ جیکڈھن تور رِے ڈاڹ ے جترو بھی تھیں بخواخ راکھئے ہان تھیں اِے شہتوت رِے بڹ خاں کہخو کہ جڑ خاں اوکھڑ رو سمندر میں جالاگ۔تو تھانرں منت۔
7
۷۔ آن تھاں میں خاں اپڑو کوڹ ہے جکے رو ھیک غلام ہڑٻا ندھے پیو یا ٻکرار ہووے۔کہ جڈے او ٻتی خاں آوے تو اوُے ناں کہیے کہ جلدی کر آن ٻاٹی کھاوڹ ٻیخ۔
8
۸۔پڹ اوُے خاں اے نی کہے کہ مانجو ٻاٹی تیار کر۔جتری تک ہوں کھاواں پیانی اِتری تک چیل ٻاندھ مانجی خدمت کر۔اوُے خاں پچھے کھائے پئے۔
9
۹۔ کی او اوُے غلام رو اِےرِے پگا کہڹ منخے کہ اوُے حکم اِے باتاں نا منیو۔
10
۱۰۔اِھڑی طرح تھیں بھی اوُے خجے باتاں اوُ جکو تھاناں حَکم ہوو ہے تھیں بھی کہو منیں بھی نکما غلام ہاں جکو کرڹ ہاں ماتھے واجب ھتو اوھوئی کیو۔
11
۱۱۔ آن اییاں تھیو کہ جڈے او یَروشیلم ڈخاں جاوتوپیو۔تو سامریہ ہان گلیل رِے بچ خاں تھی رو جاوتو پیو۔
12
۱۲۔آن جڈے او ھیک گاں میں بڑڹ لاگو تو ڈخ کوڑھی اوُے ناں خھٹیا او پھا او بھیج گیا۔
13
۱۳۔آن زور خاں کہڹ لاگااِے پربھو اِے استاد مہا ماتھے کرپا کر۔اِے اِیشور اِے اَستاد مانھ ماتھے کرپاکر۔
14
۱۴۔ اوُے اوُاں ناں جو رو اوُاں خاں کہیو کہ جاو آپرے آپ ناں بھگتا جا جوواڑو۔ آن اِیاں تھیو کہ او جاتے جاتے پاک پویتر ہوگیا۔
15
۱۵۔اوُواں میں خاں ھیک جڈے ڈتو کہ ہوں بَھلاں تھیو رو تو اوُنچی رڑ خاں اِیشور رِی بڈائی کرتو ھوو پاچھو آیو۔
16
۱۶۔آن اوُے رِی بڈائی کرتو ھوو اووُاں رِے پگاں میں اُوندھے مہانڈے کھر گیوں۔ آن او سامری ھتو۔
17
۱۷۔ اِیشور ٻول رو اوُواں نا کہیو کہ او ڈخے کی پاک پویتر کونی تھیا؟ پِچھے او نو کٹہے گیا؟
18
۱۸۔کی اِیئے پرَدسی خاں ٹاݪ ٻجا کوئی کونی ھتا۔جکو پاچھا آرا اِیشور رِی ٻڈائی کرتا۔
19
۱۹۔آن اوُے اوُے ناں کہیو۔اُٹھی رو آن بیھ رو۔تاجے و خواخ تنا بچالیو ہے۔
20
۲۰۔ آن جڈے فرَیسیاں اوُے خاں پوچھیو کہ اِیشور رِی رَاجائی کڈے آخے؟ تو اوُے بڑنی میں اوُواں نا کہیو کہ اِیشور رِی رَاجائی جوڹ آݪی کر کونی آوے۔
21
۲۱۔آن مِنکھ اِے کونی کہے کہ جوو اتھے اِیشور رِی رَاجائی ہے یا اٹھے ہے۔ کیانکے ہوو اِیشور رِی راجائی تھانرے بچ میں ہے۔
22
۲۲۔ آن آپرے چِیلاں نا کہیو کہ او ڈن آخے کہ جڈے تھیں چاہوخو کہ منِکھ رو ڈکروے رِے ڈنا میں خاں ایک نا جووخے آن کونی جووہ۔
23
۲۳۔آن تھاں خاں کہیو جاخے کہ جوو کہ ہان ہے جوو اُتھے ہے۔تھیں نی جاوو۔آن تھیں لارے نے جاو۔
24
۲۴۔کیانکے جاں کھیوڹ چمکتے آن آسمان رِے ھیک کنڈ خاں ٻجی کنڈ تایئں چمکٹے۔ایائیں منِکھ رو ڈکرو آپرے ڈیھن ہوخے۔
25
۲۵۔ پن پہلی ضرورت ہے کہ او گھٹو ڈکھ خہے آن اِیئے پیہری خاں دھتکا ایو جاوے۔
26
۲۶۔آن جاں نوح رِے ڈتاں میں تھیو تو اِیاں نی ابن انسان رِے ڈناں میں بھی ہوخے۔
27
۲۷۔کہ منِکھ کھاتا پتا بیاں کرتا آن پرٹیجا جاتا ھتا اوُوے ڈیھن تک کہ نوح ینی بیڑی مہنا جاوے آن طوفان آ رو خجاں ناں مار ڈنا۔
28
۲۸۔ یا جاں لوُط رِے ڈناں میں تھیو ھتو۔ کہ مِنکھ کھاتا،پیتا آن خامان لیتا ڈیتا پیا آن بڹ لگاوتا آن گھر ناھوتا ھتا۔
29
۲۹۔پن جکے ڈیھن لوُط سووح خاں نخریو تو باخڈے آخمان ناں برخی آن خجا ناں مار ڈناں۔
30
۳۰۔ آدَم کے ڈکرے رِے ظاہر دھن تے بھی اِیاں ہوخے۔
31
۳۱۔اوُے دَھن جکو کوٹھے تے ہووے۔آن اوُوے رو خامان گھر میں ہووُے او اوُوے ناں لیوڹ اِے پگا ھیو نی اِترے آن جکو ٻنی میں ہوے اوُو پاچھونے جاوے۔
32
۳۲۔ لوُط رِی لگائی نا یاد راکھیا۔
33
۳۳۔جکو کوئی آپری جان بچاوڹ رِی کوشش کرخے او مریجخے۔جکو اوُے ناں جکو آپری جان ناں مارخے او بچاخے۔
34
۳۴۔ ہوں تھاں خاں کہیں کہ اوُے رات ھیکے ماچے تے ٻے جڹ اں خوتوڑا حوخے اوُواں میں خاں ھیک لے کہنو جاخے ٻجی چھوڑ ڈنھی جاخے۔
35
۳۵۔آن ٻی لُگائی گھر ٹی پیخے ھوخے۔ھیک لے لنھی جاخے ٻجی چھوڑ ڈنھی جاخے۔اوُواں اوُے خاں پوچھیو کہ اے پرمشور کتھے؟
36
۳۶۔اوُوے اوُواں خاں کہیو جھتے کتھے ڈونڈھ ہوخے اوُتھے خانوڑی بھی بھیڑے نھی جاخے۔
37
۳۷۔اواں اوے نا جواب میں کہیو کہ اے خداوند اے کیکر ہوجے۔اوے اواں نا کہیو کے جیتھے مردار ہوخے اوتھے گدھ بھی جمع ہوخے۔