1
۱۔اِترے میں ہزارَاں منکِھاں او ٹوݪو آخے پاخے بھیݪو ہوگیو۔اِتری تک کے ہکوٻجے نہ لتارتاواہ۔تو اوُ پہلی آپ رِے چیَلاں نا کوھاڹ لاگو۔کہ نہ یسیاں رِی ٹھگی خاں ہشِیار رہیا۔کیانکے او خمیر آݪیکار ہے۔
2
۲۔ کیا نکے کوئی چیز ڈھکیوڑی کونی جکو بتاݪی کونی گی آن کوئی چیز لکیوڑی کونی جکو جامھی کونی کریئ گی۔
3
۳۔ایئے خارو جکو کجھ تھاں اندھَارے میں کہیو ہے او اجاݪے میں خڹ ا یو جاخے آن جکو کجھ تھاں خاں بند کوٹھاں میں کامان میں کہیو ہے اور چھتاں ماتھے اعلان کرتے خڹ ا یو جاخے۔
4
۴۔پڹ تھاں عزیراں نا ہوں کہیں کہ اوُاں خاں نی ٻیو جکو جسِم نہ ماریں۔ آن اوُے خاں پچھے کہیں کونی کر خگتا۔
5
۵۔پڹ ہوں خاں نا کہیں کہ کے خاں ٻیو۔اوُے خاں ٻیو کیا نکے اوے نا مارن خاں دچھے پو رو اخَتیار ہے۔کہ نرگ میں ناخے ہاں ہوں خاں نا کہیں کہ اوُے خاں ٻیو۔
6
۶۔ کی ٻیاں پڹ خاں رے پانچ چڑ کے کونی بکتے تو وی ایِشور کوڈھی اوُاں میں خاں ہیک بھی چپ کونی ہوتی۔
7
۷۔بلکہ تھارے ماتھے را خارا ٻال وی گینوڑا ہے۔ایئے خارو ٻیونی۔کیانکے اوے رِے آگے تھاں رِی قدر گھڹ ی چڑکیاں خاں وی بر ھیک ہے۔
8
۸۔ آن ہوں تھاں نا کہیں جکو منِکھاں رِے رو برو مھناں منخے کرے ایشِور رو ݙیکرو ایِشور فرشتاں رِے آگے اوُے ناں منخے۔
9
۹۔پڹ جکو منکھاں رِے رو برو مانجو انکار کرخے۔ایِشور رِے فرَشتاں رِے روبرو اوُے رو انکار کرخے۔
10
۱۰۔آن جکو کوئی ایِشور رِے ݙیکرے رِے خلاف بات کرخے اوے نامعاف کریو خاخے پڹ جکو پویتر آتماں رِے خلاف کفُر کہے او معاف کونی کریو جاوے۔
11
۱۱۔آن جݙے وِی منِکھ تھاں نا بھگتی گھرَاں میں آن حاکماں آن اختیار آݪاں کوڈھیاں لے جاخے تو پریشان نی ہویا کہ میں کی جواب ݙخاں آن کی کیخاں۔
12
۱۲۔کیا نکے پویتر آتماں اوُے گھڑی تھاں نا خیال خے کہ کی کہیوڑو اے۔
13
۱۳۔ پجھے ٹوݪے میں خاں پیکے اوُے نا کہیو گرو جی مھارے بھائی نا کہہ کہ مافجے بھانگے میں خاں بھانگوݙے۔
14
۱۴۔پڹ اوُے اوُاں نا کہیو کہ میاں کے مناتھاں تے ماضی مقرر کیو۔
15
۱۵۔آن اوُے اوُاں نا کہیو کہ ہوشَیار رہو آن خِاری لالچ خاں اݪگو رہو ۔
16
۱۶۔ کیا نکے کہیں رِی زندگی اوُے رِی دولت تے ٻا دھوڑی کونی آن اوے اوُاں نا ہیک مثال ݙنی کہ کئی زمیندار رِی زمین میں گھڹ ی فصل ہوئی۔
17
۱۷۔آن او آپ رِے دل میں خوچڹ لاگو کہ ہوں کی کراں کیا نکے میں کوڈھیاں جگہ کونی جھتے ہوں آپ رو مال بھیݪو کراں۔
18
۱۸۔آن اوُے کہیو کہ ہوں اِے کرخ کہ آپ را کوٹھاں ناخیں آن موٹے بڹ اٹیح آن او تھے آپ رو دھان آن مال جمع کرخ۔
19
۱۹۔آن آپ رِے آپ خاں کہیو کہ اے جان تے کوڈھی گھڹ ڑو مال گھڹ ے پر خاں رِے خاروں بھیݪو اے۔
20
۲۰۔ پڹ ایِشور اوُاں نا کہیو آن خجھ اِے رات توں مر جایئخ رو پڹ جکو تے تیار کہ یو اے او کے رو ہوخے۔
21
۲۱۔ایئے خارو جواب رِے خارو مال بھیݪو کرئی آن ایِشور رِے نیڑو امیر کونی۔
22
۲۲۔ پِچھے اوُے آپ رِے چیَلاں نا کہیو ایئے خاروں ہوں تھا ناں کہیں کہ آپ رِی زندگی رِے خارو فکر نی کرو۔ کہ مھیں کی کھاخاں آن نہ جسم رِے خاروں کی پر خاں۔
23
۲۳۔کیا نکے زندگی کھاوے خاں گھڹ ی بدھیک ہے آن جَسم گا بھا خاں۔
24
۲۴۔ ہاڈاں نہ جو وہ کرنی ٻاوتانہ ٻاڈتا آن نی اوُاں راگو رام ہے تو بھی ایشِور اوُاں نہ کھاون رِے خارو ݙئی۔ تو تَھاری قدر پکھیاں کہیں گھڹ ی ہے۔
25
۲۵۔تھاں مھنِاں کڹ ہے جکو فکر کرتے آپ رِے قدر نہ ہیک ہاتھ بدھا خگے۔
26
۲۶۔پڹ جݙے خاں چھوٹی خاں چھوٹی بات کونی کر خگتو۔تو کے رِے خاروں باقی چیزاں رو فکر کرئی۔
27
۲۷۔سوسن نہ جووہ کہ کڹ بدھئی نی او محنت کرئی نی ٻاڈھی ہوں تھاں خاں کہیں کہ سلیَمان وی آپ رِی خاری شان و شوکت میں اوُاں میں خاں ہیک جھڑو کونی ہتو۔
28
۲۸۔جݙے ایِشور گاخ جکو آج رِے میدان میں ہے آن خاگلو تیور میں ٻاݪی خاخ اوے تا وی ایِشور پھوٹراگابھا پراوئی۔ تو اِے گھٹ و شواس آݪاں،کی او تھاں نا کونی پہراوے۔
29
۲۹۔ آن تھیں ایئے بات رِی فکر نی کرو کہ مھیں کی کھاخاں آن کی پخاں آن شکی نی ہووہ۔
30
۳۰۔کیانکے ایئاں خارے چیزاں رِے لارے دنیا رے قوماں رہتی پڹ تھارے ٻاپ نا ٹھا ہے کہ تھیں کہیاں چیزاں رِی ضرورت اے۔
31
۳۱۔ بلکہ پہلی تھیں ایِشور رِی بادشاہی نا جووہ تو اِے خاری چیزاں تھانا مل جاخے۔
32
۳۲۔آبے چھوٹا ٹو کونی ٻیو کیا نکے تھا رِے ٻاپ نا تھیں پاخ آیا کہ بادشاہی تھا نا ݙے۔
33
۳۳۔ آپری دَھن دولت بیچ ݙو آن خیرات ݙو آن آپرے خارو الیٹراٻٹو اڹ او جکو پراڹ ا کونی ہووتا یعنی آکاش ماتھے ابہڑوخزانو بھیݪو کرو جکو خالی کونی ہووتا جیتھ جو چوری کونی کر خگتو آن کیڑو خراب کونی کرتو۔
34
۳۴۔کیانکے جھتے تاجو مال ہے اتھے تاجو دِل بھی لاگو رہ خے۔
35
۳۵۔ جند رو ٻاندھے راکھو آن آپراݙیئو ٻاݪے راکھو۔
36
۳۶۔آن تھیں اوُاں منِکھاں جیڑا ہو جکو آپرے مالک رو مارگ جووئی کہ او بہاں خاں کڈے باچھو آخے آن کھڑ کاخے تو اوُے گھڑی اوے رِے خارو کھولیو جاخے۔
37
۳۷۔دھن ہے ہوئے اوُے نو کرنا جݙے مالک اوُے تو جاگتو جوے ہوں تھاں نا خچی کہیں کہ او آپ خند رو اواں نا ٻاٹی کھاون کے خارے ٻغاڹ آن اواں رِی شیوا کرخے۔
38
۳۸۔آن بݪے او رات رِے ٻجے پہر آن تیجے پہر آخے آن اوُاں نا ایئاں جوخے تو او نوکر گھڹ رو دَھن ہے۔
39
۳۹۔پڹ یاد راکھو کہ گھرَ رِے مالک نا خبرونت کہ چور کہی بݪا آخے تو او جاگتو رہتو آن آپرے خند لگڹ کونی ݙیونت۔
40
۴۰۔پڹ تھیں بھی تیار رہو کہ جکے گھڑی تھیں خیال بھی کونی کرو ابن انخان آخے رو۔
41
۴۱۔ جݙے پطِرس اوُے نا کہیو کہ اے ایشور تو اِے مثَال ماھنا ہی کہیں کی خارا خاں۔
42
۴۲۔ایشِور کہیو کڹ ہے او ایمانَدار آن چتر نو کر جکے نا مالک آپرے گھرتے مقرر کریو پیمانہ کٹک وقت تے اواں نا ݙوے۔
43
۴۳۔دَھن ہے اوے نوکر تے جکے نامالک ایئاں ہی کر تو جوے۔
44
۴۴۔ہوں تھاں ناخچی کہیں کہ او آپرے رِے مال رو مالک کر ݙخے۔
45
۴۵۔ پڹ او نوکر آپرے دَل میں کہے کہ مانجو مالک آوڹ میں دیر کرئی آن نوکراں آن ٻانہیاں نہ مارڹ او رکھاوڹ پیوڹ اورست تھیڹ خرو کرے۔
46
۴۶۔تو اوُے نوکر رو مالک ایہڑے ݙن آخے کہ او انکار نی کر تو وے آن ایہڑے وقت کہ اوے نا خبر نی وے۔آن اوے نا باݙناخے آن بے ایمانا بھیݪو اوے رو خنجو کرݙنو۔
47
۴۷۔ پڹ جکے نوکر آپرے مالک رِے کہڹ رِے مطابق تیاری کونی کری او گھڑی مار کھاخے۔
48
۴۸۔پڹ جکے نی جاڹ کہ مار کھاوڹ رو کام کریو او تھوڑی مار کھاخے۔
49
۴۹۔ ہوں دھرتی تے ٻاجݙے لگاوڹ آیو آن نولیوں ٻجو کی چاھویں پڹ اِے کہ اوخڑ جاوے۔
50
۵۰۔پڹ مھناہیک بپنسموں لیوٹواے۔آن جݙے تک اونی ہوے ہوں اِیاں ہی تنگ رہیخ۔
51
۵۱۔ کی تھیں فخر کرئی کہ ہوں دھرتی ماتھے فتح کراوڹ آیو ہاں ہوں تھانا کہیں کہ کونی بلکہ نکھیڑو کراوڹ ۔
52
۵۲۔کیانکے ہمیں ہیک گھرَ را پانچ آپت میں بیرراکھے تینا خاں ٻے آن ٻہاں خاں تین۔
53
۵۳۔بیر راکھے ٻاپ ݙیکرے خاں آن ݙیکرو ٻاپ خاں ماں ݙیکری خاں آن ڈیکری ماں خاں۔خاخو بوہاری خاں آن بوہاری خاخو خاں۔
54
۵۴۔ پچھے اوُے ٹوݪے نا بھی کہیو کہ جݙے تھیں جھڑ اتھوٹے پاخے خاں آو تو جوخو تو او ے گھڑی کہیو کہ میہہ بر خخے آن اہاں ہی ہوئی۔
55
۵۵۔آن جݙے ڈکھن رو بائر و چلَئی تو کہخو گرمی ہوخے آن ایئاں ہی خوخے۔
56
۵۶۔اِے ٹھگاں تھیں دھرتی آن اکاش نا جاڹ ئی پڹ ایئے زمانے ناکیاں کونی جاڹ تا۔
57
۵۷۔ آن تھیں آپ کیاں کونی فیصلو کرتا کہ حق کی اِے۔
58
۵۸۔آن جݙے تو آپرے فرعی رِے بھیݪا بادچھاہ کوڈھی جاوی تو مارگ میں کوشش کر کہ مارگ میں اوُے خاں فلح کررِی۔ ائیاں نی ہوئے کہ او تنا خپیائی کے حوالے کرے او خپیائی تناجیل میں ڈے۔
59
۵۹۔ہوں تھاں خاں کہیں کہ جڈے تو ٹکو ٹکو نی بھر ݙے اِتھے خاں کݙے کونی چھوٹے۔