1
۱۔ انگور رو حقیقی بݨ ہوں ہا اَن ٻاپ مھارو مالھی ہے۔
2
۲۔جکو ݙاݪی میئں میں ہے اَن پھݪ کونی لے آوتی اُوئے ناں کٹ چھوڑئی اَن جکو پھݪ لے آوئی اُوئے نا اُو چھانگئی تاکہ گھݨو پھݪ لے آوئے۔
3
۳۔ہمیں تھیں ایئے پویتر شاستر خاں جکو میں تھاناں کہیو ہا پویتر تھی گیا را۔
4
۴۔ تھیں میں میں رہو اَن ہوں تھاں میں رہئخ جاں ݙاݪی جتری تک او بݨ میں لاگوڑی نی ہوئے آپرے آپ پھݪ کونی ݙئے خگتی۔ائیاں جی جتری تک تھاں میں میں قائم کونی رہتا۔
5
۵۔ ہوں انگور رو بݨ ہا تھیں ݙاݪئے ہو جکو میں میں رہی اَن ہوں اُوئے میں اُو گھݨو پھݪ لے آخے کیانکے میں خاں جدا ہو تے تھیں کہیں کونی کر خگتا۔
6
۶۔جے کوئی میں میں قائم نی رہے تو او ݙاݪی آݪی کار ناکھ ݙنو جاخے۔ اَن خُک جاخے۔ اَن منکھ اُوئے نا بھیݪو کر رو باخݙے میں ناکھ چھوڑخے اَن اُو ٻݪ جاخے۔
7
۷۔آن جے کݙے تھیں میں میں رہو اَن مھارے باتاں تھاں میں رہے تو جکو وی تھیں مانگخو اُو تھارے خارو تھی جاخے رو۔
8
۸۔ مھارے ٻاپ رو جلال ایئے خاں جی ہے کہ تھاں گھݨو پھݪ لے آو اَن ائیاں جی مھارا چیلا تھی خگئی۔
9
۹۔جاں ٻاپ میں خاں پیار کرئی ائیاں جی ہوں تھاں نا پیار کرئی۔ تھیں مھارے پیار میں قائم رہو۔
10
۱۰۔ جے تھیں ہمھارے حکماں تے عمل کرخو تو مھارے پیار میں قائم رہخو جاں میں آپرے ٻاپ رے حکماں تے عمل کیو ہا اَن اُوئے رے پیار میں قائم ہا۔
11
۱۱۔میں ایئے باتاں ایئے خارو تھاناں کہے کہ مھاری خوشی تھاں میں ہووئے اَن تھاری خوشی پوری تھی جاوئے۔
12
۱۲۔ مھارو حکم ایئے ہے کہ جاں میں تھاں خاں پریم کریو ہا تھیں ہیکے ٻجے خاں پریم کرو۔
13
۱۳۔ایئے خاں گھݨو پریم کوئی کونی کرتو کہ آپرو پراݨ آپرے خنگتیاں رے خارو تیاگ ݙیوئے۔
14
۱۴۔ تھاں مھارا خنگتی ہو پݨ جے کݙے تھاں مھارو حکم منو۔
15
۱۵۔تو پچھے ہوں تھاناں غلام کونی کہاں کیانکے غلام کونی جاݨتو کہ اُوئے رو مالک کی کرئی وو۔پݨ مھیں تھاناں آپراں خنگتی بݨایا ہا۔ کیانکے جکو باتاں میں ٻاپ خاں خُݨیئے ہا میں او خارے باتاں تھاناں خُݨائے ہا۔
16
۱۶۔تھاں منئے کونی چگیو پݨ میں تھاناں چُگیو ہا آن تھاناں مقرر کریو ہا کہ تھیں جاؤ آن پھݪ لے آؤ۔ آن تھارو پھݪ قائم رہے۔ تاکہ تھیں مھارے نا خاں جکو وی ٻاپ خاں مانگو او تھاناں ݙئیخے۔
17
۱۷۔ہوں تھاناں ایئے حکم ݙئی کہ ہیکے ٻجے خاں پریم کرو۔
18
۱۸۔جے کݙئے سنسار آݪا تھاں خاں بیر راکھے تو تھاناں ٹھاہ ہوئے کہ اُواں تھاں خاں پہل میں خاں وی بیر راکھیو ہَتو۔
19
۱۹۔جے تھاں جگت را ہونت تو دنیا آݪا آپراں خاں پریم کرئی۔پݨ تھیں دنیا را کونی ایئے خارو کہ میں تھاناں دنیا خاں چگ لیا را۔ ایئے رے کرے دنیا آݪا تھاں خاں بیر راکھئی۔
20
۲۰۔ اَن اُو باتاں جکو میں تھاناں کہیئ ہتی یاد راکھو کہ نوکر آپرے مالک خاں موٹو کونی ہَتو جݙے اُوئاں مناں تنگ کریو تو تھاناں وی اُو تنگ کرخے۔
21
۲۱۔پݨ ایے منکھ مھارے ناں خاں خارا کام کرخے کیانکہ جکے مناں میلیو ہے اُوئے نا ایے کونی جاݨتا۔
22
۲۲۔پݨ جے ہوں نی آونت اَن اُوئاں خاں کلام نی کرنت تو او پاپی کونی ہونت پݨ ہمے اُوئاں نی اُوئاں رے گناہ رو کوئی جواب کونی۔
23
۲۳۔ جکو میں خاں بیر راکھئی اُو مھارے ٻاپ خاں وی بیر راکھئی۔
24
۲۴۔پݨ جے ہوں اُوئاں میں اُو کام نی کرنت جکو کئی ٻجے کونی کیا تو اُو پاپی کونی ہونت پݨ ہمے تو اُوئاں جویو ہے اَن بھݪے وی میں خاں آن مھارے ٻاپ ٻنہیاں خاں بیر راکھئی۔
25
۲۵۔پݨ اے ایئے خارو ہویو کہ اُو کلام پورو ہوئے جکو اُوئاں ری شریعت میں لِکھیوڑو ہے کہ اُوئاں میں خاں بے حد بیر راکھیو ہے۔
26
۲۶۔ پݨ جݙے اُو مدد گار آخے جکے نا ہوں تھارے خارو ٻاپ ری طرف خاں میلیئخ یعنی روح حق جکو ٻاپ خاں ہے۔ اُو مھاری گواہی ݙیخے۔
27
۲۷۔آن تھیں وی مھاری گواہی ݙیخو کیانکہ تھیں شروع خاں مھیں بھیݪا ہو۔