1
۱۔ہوں تھاناں خچی خچی کہئیں کہ جکو دَر خاں بھیݙاں ری باڑی میں کونی بڑتو۔ بلکہ ٻجے پاخاں خاں چڑھ جاوئی اُو چور اَن ڈاکو ہے۔
2
۲۔پݨ جکو دَر خاں مہنے جاوئی او بھیݙاں رو دھنار ہے۔
3
۳۔ اُوئے رے خارو راکھو دَر کھول ݙئی اَن بھیݙاں وی اُوئے ری ٻولی نا منئیں۔ اَن او آپرے بھیݙاں نا ناں خاں ہیلو کرائی۔ اَن اُوئاں نا ٻاہر لے جاوتو رئی۔
4
۴۔اَن جݙے اُو آپرے خارے بھیݙاں ٻاہر کاڈھ لیئی تو اُوئے رے آگو آگو بہتو رئی۔ اَن بھیݙاں اُوئے رے لارے لارے آوئی۔ کیانکہ اُو اُوئے ری ٻولی نا اُوݪکھئی۔
5
۵۔ پݨ اُو اوپرے رے لارے کونی جاتے۔ بلکہ اُوئے خاں ٻہئی۔ ایئے رے خارو کہ اُو اُوئاں ری ٻولی کونی اوݪکھتے۔
6
۶۔یسوع اُوئاں نا ایہ مسال خُݨئی پݨ اُوئاں نا خمجھ کونی آئی۔ کہ کہڑے باتاں کرئی
7
۷۔ پچھے یسوع اُوئاں نا بھݪے کہیو ہوں تھاناں خچی خچی کہئی کہ بھیݙاں رو دَر ہوں ہا۔
8
۸۔جیتراں میں خاں پہل آیا اُو چور اَن ڈاکو ہے۔ پݨ بھیݙاں اُوئے ری ٻولی نی خُݨی۔
9
۹۔دَر ہوں ہا جے کوئی میں خاں بڑخے تو نجات پا خے اَن ٻاہر مہنے آتو جاوتو رہئیخے۔ اَن چرݨ ری جگہ لیخے۔
10
۱۰۔چور کونی آتو۔ پݨ چوری اَن مارݨ اَن تباہ کرݨ خارو اَن ہوں ایئے رے خارو آیو ہا کہ او زندگی لے بلکہ گھݨی خاری لے۔
11
۱۱۔ بھلو دھنار ہوں ہا ۔ بھلو دھنار آپرے بھیݙاں خارو آپری جان ݙتو رئی۔
12
۱۲۔مزدور جکو نی تو دھنار ہے اَن نی بھیݙاں رو مالک۔ نہار نا آتو جو تے او بھیݙاں نا چھوڑ بھج جاوئی۔(اَن نہار اُوئاں نا چیر پھاڑ ݙئی اَن گندو کرئی۔)
13
۱۳۔اُو بھج جاوئی اَن ایہ ایئے رے خارو کہ اُو ہیک مزدور ہووئے۔ اَن اُوئے نا بھیݙاں ری فکر کونی ہوتی ۔
14
۱۴۔ بھلو دھنار ہوں ہا اَن اُوئاں جی ہوں آپرے بھیݙاں نا اوݪکھئی۔ اَن مھارے بھیݙاں مناں اوݪکھئی۔
15
۱۵۔جاں ٻاپ مناں اوݪکھئی اَن ہوں ٻاپ نا اولکھئی اَن ہوں آپرے بھیݙاں خارو آپری جان ݙئی۔
16
۱۶۔مھارے ٻجے وی بھیݙاں ہےجکو ایئے باڑی رے کونی۔ ضرور ہے کہ ہوں اُوئاں نا وی لے آواں۔ اَن اُو مھاری ٻولی خُݨخے اَن ہیک جی باڑی اَن ہیک جی دھنار ہوخے۔
17
۱۷۔ ٻاپ مناں ایئے رے خارو پیار کرئی۔ کہ ہوں آپری جان ݙئی تاکہ ہوں اُوئاں نا بھݪے لے آواں۔
18
۱۸۔کوئی اُوئاں نا میں خاں کھوختو کونی بلکہ ہوں اُوئے نا آپ جی ݙئی۔ اَن مناں اُوئاں نا ݙاݨ رو اختیار وی ہے۔ اَن اُوئاں خاں بھݪے لیوݨ رو اختیار وی ہے۔ ایہ حکم میں ٻاپ خاں لیو ہا۔
19
۱۹۔ پچھے یہودیاں میں ایئے باتاں خاں تکرار ہویو۔
20
۲۰۔اَن اُوئاں میں خاں گھݨاں ایہ کہݨ لاگا کہ اُوئے میں بدروح ہے۔ اَن اُو پاگل ہے۔ تھاں اُوئے ری کیاں خُݨئی۔
21
۲۱۔ٻیجاں کہیو کہ ایہ باتاں بھوتاں آݪے رے ہے۔ کی بدروح اندھاں رے آنکھیں کھول خگئی؟
22
۲۲۔ آن یروشلیم میں عیدِ تجدیہ ہَتی اَن خیاݪے را ݙن ہَتا۔
23
۲۳۔اَن یسوع ہیکل میں سلیمانی براندے میں پھرتو وو۔
24
۲۴۔آن یہودیاں چارے پاخے پھر آیا اَن کہݨ لاگا کہ تُوں کترے تک مھارے من نا اُݙ کھݙ میں راکھیئخ۔ ہے تو المسیح ہے تو مھاناں صاف کہیے رو۔
25
۲۵۔ یسوع اُوئاں نا بݪتی ݙنی کہ میں تو تھاناں کہیو رو پݨ تھاں مھارو اعتبار کونی کرتا۔ جکو کام ہوں آپرے ٻاپ رے ناں خاں کریئں اُو جی مھارو گواہ ہے۔
26
۲۶۔پݨ تھاں ایئے رو اعتبار کونی کرتا۔ کہ تھاں مھارے بھیݙاں میں خاں کونی۔
27
۲۷۔ مھارے بھیݙاں مھاری ٻولی اُوݪکھئی۔ اَن ہوں اُوئاں نا اُوݪکھئی۔ اَن اُو مھارے لارے لارے بہئی۔
28
۲۸۔آن ہوں اُوئاں نا خداں رو جیون ݙئی۔ اَن او کݙے مَرے کونی۔اَن کوئی وی اُوئاں نا مھارے ہاتھ خاں کھوخ کونی خگتو۔
29
۲۹۔ جکو مھارے ٻاپ مناں ݙنو ہے او خارا خاں موٹو ہے۔ اَن کوئی اُوئے نا مھارے ٻاپ رے ہاتھ خاں کھوخ کونی خگتو۔
30
۳۰۔ہوں اَن ٻاپ ہیک ہا۔
31
۳۱۔یہودیاں بݪے پتھر اُکھݨیا تاکہ اُوئے نا مار ناکھے۔
32
۳۲۔ یسوع اُوئاں نا بݪتی ݙنی میں تھاناں ٻاپ خاں گھݨاں بھلا کام ݙخلیا اُوئاں میں خاں کہیے کام رے خارو تھاں مناں مارئیں۔
33
۳۳۔یہودیاں اُوئے نا بݪتی ݙنی کہ کہئی بھلے کام رے کرے کونی بلکہ ایشور رے خلاف بات کرݨ تے مارئیں۔ کیانکہ تو انسان تھے تے آپرے آپ نا ایشور بݨاوئی۔
34
۳۴۔ یسوع اُوئاں نا بݪتی ݙنی کہ کی تھاری شریعت میں ایہ کونی لِکھیوڑو کہ ” میں کہیو کہ ہوں ایشور ہا“ ۔
35
۳۵۔جبکہ اُوئاں اُوئے نا ایشور کہیو جکاں خاں ایشور باتاں کرتو۔ (آن پوتر شاستر کُوڑ کونی ہو خگتو)۔
36
۳۶۔تو پچھے تھاں اُوئے خاں جکے نا ٻاپ پاک کر تے دنیا میں میلیو ہے کیاں کہیئی کہ تو ایشور رے خلاف ہے۔ ایئے رے خارو کہ میں کہیو کہ ہوں ایشور رو ݙیکرو ہا؟
37
۳۷۔ جے ہوں ٻاپ را کام کونی کرتو تو تھاں مھارو اعتبار نی کرو۔
38
۳۸۔پݨ جے کݙے ہوں تو مھارو اعتبار نی کرو پݨ اُوئے کاماں رو تو اعتبار کرو تاکہ تھاں اُوݪکھو اَن خچ منو کہ ٻاپ میئں میں ہے۔ اَن ہوں ٻاپ میں ہا۔
39
۳۹۔اُوئاں بھݪے اُوئے نا جھالݨ ری کوشش کی پݨ او اُوئاں رے ہاتھ خاں نکݪ گیو۔
40
۴۰۔ او بھݪے اُردن رے پار اُوئے جگہ گیو جتھ یوحنا پہلی پویتر شنان ݙتو ہَتو۔اَن اتھ جی رہیو۔
41
۴۱۔آن گھݨاں اُوئے کڈھے آیا اَن کہتا ہَتا کہ یوحنا تو کوئی چمتکار کونی کریو پݨ جکو باتاں یوحنا اُوئے رے حق میں کریئے ہَتے خارے خچ ہَتے۔
42
۴۲۔آن اُتھ گھݨائی اُوئے تے ایمان لے آیا۔