¹ اسرایئل لیلہاتی تاک ہے جکے میں ڈھیگ پھل لاگوڑو ہے۔جاں جاں اوے را پھل موٹا ہووتا گیا او زیادہ مزبخے بڹ اوتا گیا۔آن جاں اوے ری زمین بھلی ہتی اواں جی بھلا بھلا ستون بڹ اوتا گیا۔ ² اواں را دل دغاباز ہے۔ہمیں او ڈوخی ہوخے۔او ائیاں رے مزیحاں ناں نا گھخے را آن اواں رے ستوناں نا چور چور کرخے را۔ ³ خچیلی ہمیں او کیخے کے مھارو کوئی باچھا کونی کیانکے جڈے مھاں ایشور خاں کونی ڈرتا تو باپھامھارے خارو کو کرخے۔ ⁴ او باتاں ہی باتاں کرڹ ی ۔او عہد وپیمان میں کوڑا خانخ اکھڹ ئی۔ ائیے رے خارو سزا ایڑھی پھوٹ نحرخے جاں جمین رے گھاریاں میں افسنتین۔ ⁵ سامرہ را رہون آݪا بیت آون ری بچھیارے وسیلے خاں خوفزدہ ہوخے۔ لوگ اوے تے ماتم کرخے۔اوے را پچاری اوے تے نوحو کرخے او اوے ری شوکت تے روخے کیانکے او اوے خاں جاوتی رہی۔ ⁶ آن او آپ ہی اشور میں شاہ عظیم کڈھے ہدلیے آݪی کار پگایو جاخے افرایم مزمت اکھخے ےن اسرایئل آپری مشورت خاں شرمندہ ہوخے۔ ⁷ سامرہ فنا کریو جاخے اوے رو باچھا پاتی تے ترتی ڈاݪی ہاݪی کار ہوخے۔ ⁸ اسرائیل رے اونچے جگہاواں برباد کریے جاخے آن اواں رے مزبحے تے کانٹے آݪے بوٹے آن اونٹ کٹارااگخے پچھے اوپہاڑ ناں کہخے کہ مھاناں لکاے آن ٹیلاں تے کرمھاں تے گھرو۔ ⁹ اے اسرایئل تو جمعہ آݪے ڈڹ ا خاں گناہ کرتو آیوہے۔اوتھے او ابھیج رھیا کیانکہ بھڑھاند جبعہ تک نی گئے۔ ¹⁰ پڹ ہوں آنخ کر خرارت رے فرزندہ ری تادیب کراں۔آن قوماں ناں ائیے رے مخا لفت بھیݪی کران اواں رے دوگنے گناہ ری اواں نا سزا ڈیاں۔ ¹¹ افراہیم مدھایوڑی گھیا ہے جکو گاہنوں سند کریئی پڹ ہوں اوے ری پھوڑی بحڑتے جوونا کھیخ۔ہوں افااہیم تے سوار ہو ئیخ۔آن اسرایئل ہݪ چلاخے آن یعقوب ہنا گوپھیرخے۔ ¹² آپرے خارو خچائی خاں باو۔دینداری خاں باڈھو آپری نحیر آباد زمین میں کھیتی کرو کیانکے موقعو ہے کہ توں ایشور ناں لاپھ کیانکے او آوے آن تھیں تے خچائی ہر خاوے۔ ¹³ تھیں شرارت رو ھݪ چلایو ہے آن بدکرداری باڈھی ہے آن کوڑ رو پھݪ کھارو ہے کیانکے تھیں آپرے رتھاں تے آن آپرے یہادراں رے انبوہ تے بھرو مسوکریو۔ ¹⁴ ایئے رے کریئے تاجے شہراں میں ہنگاموں بریا ہوخے آن نجا خارا قلعہ نا کھیا جاخے۔جاں شلمان جوگ آݪے ڈن بیت اربیل ناں تباہ کریو ہتو۔جھے ری ماں باݪیاں خمیت کچری گئی ہتی۔ ¹⁵ ایئاجی اے اسریئل رے گھر رے میں تاجی بے انتہا خرارت رے وسیلے خاں نھیں خاں کریخ۔اسرایئل رو باچھا الصباح بلکل فنا ہو جاخے رو۔