¹ ۱۔دارا با چھارے ٻجے برخ رے چھیوے مہینے ری پہلی تارخ نا یہودا رے حاکم زروف بابل بن شالتی ایل ان ایشور رو موٹو پوجاری یوشح بن یوصاداق نا حجی سنتارے وسیلے خاں ایشور رو شبد پگو۔اوے کہیو کہ۔ ² ۲۔فوجاں رو ایشور ائیاں کہی وہ کہ ایہ امت کہی کے ہڹ یاں پرمیشور رے گھر رو بڹ وڹ رو بیݪا کونی آی۔ ³ ۳۔حجی سنت نا ایشور رو شبد میلو ان اوے کہیو۔ ⁴ ۴۔کی تھانرے خاروں چھتاں آݪے گھراں میں رہوڹ رو وقت ہے جݙے کہ اے گھر اجھڑیوڑو ہے۔ ⁵ ۵۔تو ہیڹ اں ایشور ائیاں کہی وہ کہ تھیں آپری چال چلن تے غور کرو۔ ⁶ ۶۔تھاں گھڹ و خارو باہیو ہے۔پڹ تھوڑو باڈھیو ہے۔تھاں کھادھو پڹ ڈھلیا کونی۔تھاں پیو پڹ ڈھپیاکونی۔تھاں گابھا پہیر یا پڹ گرم کونی قیا۔ان مزدوری لیوڹ آݪے آپری مزدوری سوراخ دار تھیلی میں ناگھڹ رے خارو لی۔ ⁷ ۷۔فوجاں آݪو ایشور ائیاں کہی کہ تھاں آپرے چال چلن تے خوچو۔ ⁸ ۸۔پہاڑ تے چڑھ تے بکڑی لاو ان گھر بڹ اوے خاں ہوں راضی ہوئیخ ان مانجی بݙائی کری جاخے (پرمیسور کہی) ⁹ ۹۔تھاں گھڹ ے ری آخ راکھی پڹ تھوڑو ہاتھ آیو۔تھاں گھر میں لایا پڹ میں اوے نا کونی منیو۔کیاں(فوجاں رے ایشور رو کہیوڹ ہے) ائیے رے خارو کہ مھارو گھراں نی بھج جاوں را۔ ¹⁰ ۱۰۔ائیے رے خارو آکائں خاں مہیہ بند ہو گیو۔ان دھرتی آپرو پھݪ ݙیوڹ خاں رک گی ہے۔ ¹¹ ۱۱۔ان میں کاݪ ناہیلو کریو کہ دھرتی تے ان پہاڑاں تے ان دھان تے ان نپوئے انگوراں رے رخ تے ان تیل تے ان دھرتی ری خاری پیداوار تے ان منکھاں تے ان جناوراں تے ان ہاتھ ری کرپوڑی محنت تے آوےتے آوے۔ ¹² ۱۲۔پچھے زروب بابل بن شالتی ایل ان موٹے پوجاری پوشح بن یو صاداق ان ٻجی عوام پرمیسور آپرے ایشور رے پویتر شاشتر ان حجی رے اواں باتاں تے جکے رو پرمیشور اوے نا حکم ݙنو کہ اوناں ناکہو کہ اوتاں رے خڹ وان پرمیشور رے کڈھے حاضر ہویو۔ ¹³ ۱۳۔پچھے پرمیشور رے بندے حجی پرمیشور رے حکم رے مطابق منکھاں نا کہیو کہ ہوں تھاں بھیݪو ہاں(پرمیشور رو اے جی حکم ہے)۔ ¹⁴ ۱۴۔ان پرمیشور یہودا رے حاکم زروب بابل بن شالتی ایل ری ان موٹے پوجاری پوشح بن یو صاداق ری ان ٻجے منکھاں ری آتماں ناں جگایو ان اوے فوجاں رے ایشور آپرے ایشور رے گھر نا بڹ اوڹ میں شروع تھی گیو۔ ¹⁵ ۱۵۔ایہ چھیوے مہیڹ ے ری چووٹیخوئی تارخ ناتھیو۔