1
۱۔حبقوق نبی ری رویا رو پیغام۔
2
۲۔اے ایشور ھوں کھتی تک روتو راخیں۔آن توں کونی خونخیں؟ تاجے خضور کھتی تک ھلخیں۔کہ ظلم، آن توں کونی بچاوے؟
3
۳۔توں مناں کہیاں رو کرداری آن مخیبت ݙکھوی وہ ھوں رووڹ آن ظلم تے نظر کرخیں۔ جھگڑو فساد مانجے خامنو بر پا ھوتو رئیں۔
4
۴۔شر یعت کمزور ھو جا وی ری۔ آن انخاف ظاہر کونی ھوتو۔ ائیاں رے کرے کہ چندرو صادق نا گھیر لی وہ۔ ائیاں عدل بگڑیو آن ظاہر ھووی۔
5
۵۔قوماں تے نظر راکھو آن جو وہ۔ حیران ھو کیا جو ہو۔ تھارے خارو ایݪو کام کرڹ چہاوی کہ جیݙے اُوئے رو ذکرتھیئے تو تھا بھروسو نی کرو۔
6
۶۔کیا جو جوئو ۔ ہوں کلدانیاں نا اونچا کرا ۔ہاں اواں بھڑا رخیٹیا قوم نا جکو دھرتی ری چوڑائی خا گزریے تاکہ ٻجا ری رہڹ آݪی جگہ تے قبضو کرے۔
7
۷۔او ٻہیوݪا ہے او آپ ہی آپ ری عدالت کریے۔
8
۸۔اواں را گہوڑا چیتا خا گھنا تیز ہے آن اواں را خوار آتھن نا نکلے آن او بھیڑیاں خا گھنا تیز ہے۔ او اڑگے خا آوی آن اووے باز آݪی کر اوݙے جکو آپ رو شکار جھا لی۔
9
۹۔ آن خارا لٹن آ وی۔اواں را مانڈہ گرم ہوا آݪی کار بھیگو را ہے ۔ آن قیدیاں نا بیڑو آݪی کار بھیڑا کرئیی۔
10
۱۰۔ہاں او قوم بادشاہواں نا ٹھٹھا اوڈائی۔ان او امرا رو مسخرو بنا وی۔ او ہر قلعے تے حاخی۔ او دمدمو نا ٻاندہ آن اواں نا لے لئی۔
11
۱۱۔جݙے او ہوا چکر آݪی کار بہوی آن گزر ئی۔ آن آپ ری قد رت نا آپ رو پرمیشور بناوی۔
12
۱۲۔کی تو شروع خا پرمیشور ماجو ایشور قدرت آݪو کونی جکو مر کونی خگتو؟ اے ایشور کی تیں ایے نا عدالت رے خاروابھانیوں ہے۔ کی تین اوے نا ادب رے خارو چٹان مقرر کریٔی ہے۔
13
۱۳۔تاجے آنکھے اھڑے پویتر ہے کہ توں برایٔی کونی جو خگتو۔ آن توں ظالم نا جو کونی خگتو۔ تو تُو بے وفاواں ماتھے کیاں نظر راکھٔیں۔ آن جݙے خیطان خچے منکھ نا کھا جاوے۔ تو تُو کیاں چپ رۂیں؟
14
۱۴۔او منکھاں نا خمندر ری مچلیاں آلی کݪ آن اوُاں کیڑا مکوڑا آݪی کݪ کریٔیخ۔ جکاں رو کوئ مالک کونی۔
15
۱۵۔آن اوُاں خجاں نا کنڈی خاں کھڹ لیٔی را۔ آن آپرے جاݪ میں پھخاوۓ۔ آن موٹے جاݪ میں بھیڑا کریٔیے۔ آن اے خبب خاں راضی آن خوشی مناوۓ۔
16
۱۶۔آن ایٔے ری وجہ خاں او آپرے جاݪ رے آگے چڑھا وا چڑہاویٔ۔آن موٹے جاݪ رےاگیاں دھوپ چاڑیٔے۔ کیانکے اوُاں ری وجہ خاں اوُے رو حخو موٹو تازو آن اوُے رو کھادھو خارا خاں بھریوڑو ہے۔
17
۱۷۔تو کی او ایٔے وجہ خاں آپرے جاݪ نا خالی کرخے۔ آن رحم کرڹ خاں بغیر خراخر قتل کر تو رھخے؟