¹ عاموس راجیکو تقوع را گلہ بانوں میں خاں ہتو وہ کلمات جیکو او شاہ یہُودہ عُزی یاہ اور شاہ اسرائیل یار بعام بن یوُآش رے ݙیڹامیں اسرائیل ری بابت زلزے خاں ٻیجے برخس پہلی رُویت میں آیا ² اوے کہیو کہ ایشور صیہُون تے گرچیح آن یروشلیم تےآواز اُونچی کرئیں آن چاراوڹ آݪا ری چرآڹد تے ماتم کریئں آن کرملا ری چوٹی کُملاجاوی ³ ایشور اے فرماوی دمشق را تین پڹ چار گناہ رے سبب خاں ہوں اوے ناں منسوخ کونی کرآں اوئیاں جلعاد رے فیخل میں گاہنے رے چیز خان کوٹ ݙیڹو ہے ⁴ پڹ ھوں حزائیل رے گھراڹے تے باخݙے میلیخ آن اوہ بن ہدد رے قصوراں ناں بھسم کر ݙیخے ⁵ آن ہُوں دمشق رے قُفل ناں تُوڑ ݙییخ آن بقعت آوڹ رے تخت نشین را آن بیت عدن رے فرمان روا ناں کٹ ݙیخے آن ارام را منکھ جلا وطن ہو را قیر ناں جائیں ایشور فرماوی وہ ⁶ ایشور اے فرماوی غزہ را تین پڹ چار گناواں رے خبب خاں میں اوے منسوخ کونی کراے کیکہ اوئیاں اسیراں رے ٹوݪا را ٹوݪا لے جا را اِدوم رے حوالے کر ݙیںا ⁷ تو ھوں غزہ ری شہر پناہ رے بچ میں باخݙے میلیخ آن اوہ اوے رے قصراں ناں بھسم کرخے ⁸ آن ھوں اشدود رے تخت نشین ناں آن اشقلون رے فرمان وارں ناں کٹ ݙیخے آن عقرون تے ھاتھ ھلاوں آن جیلو کوئی فلسطینیاں خاں بچخے او بھی ھلاک ھوجاخے ایشور فرماوی ویو ⁹ ایشور ائیاں فرماوی ویو صُور را تین پڹ چار گناواں رے خبب خاں ھوں اوے ناں منسوخ کونی کراں اوئیاں جھلیوڑا منکھاں را ٹوݪا را ٹوݪا ادوم رے حولے کرݙڹا آن بھائی بندی رے عہد ناں کونی یاد کیو ¹⁰ تو ھوں صُور ری شہر پناہ رے بیچ میں باخݙے میلیخ آن او اوے رے قصراں ناں بھسم کرݙخے ¹¹ ایشور ائیاں فرماوی ادوم را تین بلکہ چار گناواں رے خبب خاں ہوں اوے ناں منسوخ کونی کراں اوے تلوار لے رو آپرے بھائی رو تعاقب کیو آن آپری رحم دلی ناں بگاڑیو آوے ری ریخے ہر وقت کرتو رھیو آن اوے ری ریخے کھتم کونی ھوئی ¹² تو ھوں تیمان رے شہر پناہ رے بچ میں باخݙے میلیخ آن اوہ بصرہ رے منکھاں ناں بھسم کرݙخے ¹³ ایشور اے فرماوی بنی عمون رے تین بلکہ چار گناواں رے خبب خاں ہوں اوے ناں منسوخ کونی کراں اوئیاں جلعاد ری عزت دار لوگائیاں ناں بے پردا کر ݙیڹاں ائیاں رے کرے کہ او آپری حد ناں موٹی کرے ¹⁴ تو ھوں ربہ ری شہر پناہ رے بچ میں باخݙےبھڑکائیخ جیکو لڑائی رے ݙیئں للکار آن گرو بار رے ݙئیں طوفان رے بھیلو اوے رے قصراں ناں بھسم کر ݙیخ ¹⁵ آن اوے رو بادشاہ آپرے سرداراں بھیلو اسیر ہو رو جاخے ایشور اے کہیو