¹ ۱۔ہُوں یُوحنا جکو وشواسی منݙݪی رو راہنُما ہاں، ایہ خَط پیارے گَیُس نا لِکھئیں وو جکے خاں خَچائی ری وجہ خاں پریم راکھئیں۔ ² ۲۔اَے پریمی بھائی، مھاری ایہ پراتھنا ہے کہ تُوں ہر حال میں خُوش رہ۔ جاں تُوں آتما رے لِحاظ خاں خاجو خُورو رہئیں اِیئان٘ج ݙِیل رے لِحاظ خاں وی رہ۔ ³ ۳۔ جَݙے کئیں وشواسی آیا اَن تھارے بارے میں گواہی ݙِنی کہ تُوں خَچائی خاں زندگی گُزارئیں وو، تو ہُوں گھݨو راضی ہویو۔ ⁴ ۴۔مھیں خارُو اِیئے خاں ماتھے کوئی ٻِجی خُوشی کونی جَݙے مھناں ٹھاء لاگے کہ وشواسی جکو مھارے خارُو ٻاݪاں آݪِیکار ہے، خَچائی ماتھے بَہی وا۔ ⁵ ۵۔اَے پریمی بھائی، وشواسی جکو تھاری اوݪکھاݨ آݪا کونی جَݙے او وی تھیں کَڈھے آوئی، تو تُوں وفاداری خاں اُوئاں ری شیوا کرئی۔ ⁶ ۶۔اُوئاں وشواسی منݙݪی رے رُوبرُو تھارے پریم ری گواہی ݙِنی ہے۔ اُوئاں ری اِیئان٘ج مدد کر ری بئیر کرتو رہ، تو اِیشوَر راضی ہوخے۔ ⁷ ۷۔کیان٘کے او پربھُو یسوع رے ناں رے خارُو پرچار خارُو نِخریا ہے اَن ٻِجے قوماں خاں کوئی مدد کونی لیوتا۔ ⁸ ۸۔اِیئے خارُو اَپݨو فرض ہے کہ ایَہڑے مِنکھاں ری مدد کراں کہ آپاں وی اِیئے خَچائی رے کام میں اُوئاں بھیݪا ہوواں۔ ⁹ ۹۔ مھیں تھان٘ری وشواسی منݙݪی نا کئیں لِکھیو ہَتو پݨ دِیُترِفِیس جکو اُوئاں میں موٹو بݨَݨ چاہوئی، او مھان٘ری بات کونی منتو۔ ¹⁰ ۱۰۔اِیئے خارُو جَݙے ہُوں آئیخ تو جکو کام او کرئی وو، اُوئے نا یاد ݙِرائیخ کہ او مھان٘رے خِلاف غلط باتاں کرئی۔ نی چھَڑو ایہ پݨ پرچار کرݨ آݪے وشواسی بھائیاں نا آوݨ کونی ݙیوتو اَن جکو چاہوئی کہ او آوے، اُوئاں نا وی روکئی اَن وشواسی منݙݪی خاں کاڈھ ݙئی۔ ¹¹ ۱۱۔اَے پریمی بھائی، بُرائی رے نی پݨ بھَلائی رے مارگ ماتھے بہہ۔ بھَلائی کرݨ آݪو اِیشوَر خاں ہے اَن بُرائی کرݨ آݪے کَݙے اِیشوَر نا کونی اوݪکھیو۔ ¹² ۱۲۔ ہر کوئی دیمیترِیُس رے بارے میں بھَلی گواہی ݙئی اَن خَچائی وی بھَلی گواہی ݙئی۔ مھے وی اُوئے ری گواہی ݙئیں اَن تھناں ٹھاء ہے کہ مھان٘ری گواہی خَچی ہے۔ ¹³ ۱۳۔ مھیں گھݨے باتاں تھاں نا لِکھݨے ہے اَن ہُوں او باتاں قلم اَن مَخ خاں کونی لِکھݨ چاہوتو ¹⁴ ۱۴۔پݨ مھناں اُمید ہے کہ بیگو تھیں کَڈھے آئیخ اَن رُوبرُو بات کرخاں۔ ¹⁵ ۱۵۔اِیشوَر تھناں خُکھو راکھے، ایتھ را وشواسی تھناں سلام کَہی۔ تُوں اوتھ رے ہیکُو کے وشواسی رو ناں لے رو اُوئے نا سلام کَہے۔اِیشوَر تھناں خُکھو راکھے، ایتھ را وشواسی تھناں سلام کَہی۔ تُوں اوتھ رے ہیکُو کے وشواسی رو ناں لے رو اُوئے نا سلام کَہے۔