¹ Magam tuo te mondr de kia ki sabak dikas bati sahi. ² Matlab shia ki akhabir moc parhez karaw sanjeda hin aria zhe tasi bhawar muhabat zhe sabar sahi hiw aria. ³ Shehen` mi akhabir istrizhon ustik zhe nesik asta buzurgan raw hiw aria. Kas pistaw mondr diaw zhe ziad d`a piaw mo hin aria baliki prust mond cicawaw hin aria. ⁴ Ki juwan istrizhon cicen ki tan beruasi som muhabat karin aria. Sudayakan som muhabat karin aria. ⁵ Khodayas pi behaw, pak zhe dur sambhal jiaw zhe meherban hiaw hiw aria zhe tan tan beruasi mondr maniaw hin aria ki Khodayas Kitab aini mond badnam mo hiw aria. ⁶ Juwan mocan asta shehen` mi kai nasihat Kari ki te asta Khodayas pi behin aria. <sup>7</sup> Saw mondrai tan soro prust krom kai misal sauz hali. Tai sabak o sapha zhe sanjeda. <sup>8</sup> Shehen` kai mond diaw hon aria ki kura shum ghõi maikas laik mo hin aria ki homa khilap una mond diaw moc kia mond ne saprai o sharminda hin aria. ⁹ Krom karaw nokaran nasihat kari ki tan malikan hokum maniaw hin aria zhe saw mondrai te khoshan kara zhe kia hokum aran pe haw inkar mo kara. ¹⁰ Lawai calaki mo kara baliki har ruyan bhawar prust kai pasha ki tasi har mondras thara homa ghona Khodayas sabak pashun pariw aria. ¹¹ Koki Khodayas shase gaderaki pashik thi shiaw kas wajen dai ki saw moc gunah aini khalas hik bhan. ¹² Homa cicel asta dai ki mazhabas zhe dunias khuwaishan inkar kai shaya dunia una parhez zhe ujak phond una kasiman bhawaras som umbur zhe majar tera. ¹³ Zhe shatasa mubarak umeed matlab tan buzurg Khodayas zhe Isaa Masih e gaderaki pashikas intizar una apaw det. ¹⁴ kura ki tan homa bati praw ki homa har kisman shum awataw nehai pak kai tan ek soi jaigas hatya shehen` mocbi tayar kariw kura ki prust krom karikas bati har wat tayar apaw den. ¹⁵ Pura hakas thara shemi mondr de zhe nasihat Kari. Kura tai past karik mo bhan aria.