¹ Palus a genaw kia ki Yasu Masi a moc’ aw tu mond kasaw as bati tu khoji aw Dizaw tu shala khoshanias mondras bati khali apaw dehai aw . ² Taso mochaw bazi o tan mond kasaw an bazi o bo onjasta kitab shean. ³ Dizaw tan prut as bati homa som wakda kai ais se jhan as hesan una Dawood a pe paida thi aw . ⁴ Magam onjasta as hesab una o se moc ‘ an mocaw zinda ustikas wajen dai se dizaw as purt asta hawaw. ⁵ Tasa wajen dai homa hata o mond milaw hawaw takey tasa nom as wajen dai saw qaum ani moc’ bahwar as thara apaw den . ⁶ Tasi mochaw tu asta Yasu Masi a hekas bati khoji an . ⁷ Esi saw en nom una kura ki Roma una Dizaw as khosh hawan teo onjasta karikas bati akhojan. Homa Dizaw zha Yasu Masi a genaw dai me thara barkat zhe sukon milaw hiw oria . ⁸ Awel ta a memi sawin bara una Yasu Masi a wajen dai tan Dizaw as shukur guzar am memi bahwar pura dunia una phelik kaw dai . ⁹ Dizaw kas shuhal una tan harwa asta tan prut a khoshanias mond dekas bati kaw dai se mi o mai guah awo mic memi yadi deham dai . ¹⁰ A tan shuhal una hamisha shen goi shuhal kam dai ajo akherkar Dizaw as marzi una mai memi tada ek una kamiabi milaw hawaw . ¹¹ A memi som milaw hikas bati talbgar takey memi tada eta memi kai niamat dem oria tasi thara abi tichak asta takla hali . ¹² A asta memi mochay eta memi som thi bahawar as wajem dai mai mai hata asta tasali hiw oria kia ki memi som sheaw se mai som asta sheaw . ¹³ Ai bayai! A memi pe bekhabar ne apaw edek khojim dai a memi tada barbar ek khojim dai kai ki mai za warek qaum an muc’ an hata mewa milaw thi sheaw shen mi thio memi hata asta milaw hiw oria Sonja za asa bati chusti am . ¹⁴ A yunani zhe ne yunani an . Akalmand an za ne akalmand an dechjoin am . ¹⁵ Bas a memi asta Roma una khoshanias mond bikul tayar am. ¹⁶ Ko ki a Injil as pe kia lach ne jonim dai .Shen thio har ek bahawar onaw bati awel Yahudi phatu Yuanani as bati Khalasi as bati asta Dizaw as qudrat sheaw . ¹⁷ Tasa wajen dai o Dizaw as thara Bahawar zhe se Bahawr o echa hiw dai ujak moc bahawar as pe jet hie har tem. ¹⁸ Ko ki Dizaw as way mazahab zhe kaphagi uan asman ani thi echa hiw dai kai ki haq sheaw se tu kafagi pe thel dai. ¹⁹ Kia ki Dizaw jhoniw dai seo tasi udreman eca hiw dai.Shen thio Dizaw tuo tasi thara echa oni aw . ²⁰ Ko ki tasa ne pashela siphat zhe qudrat saw dunia as ubujik as tem una sawzala ishneri an thara safa thi mahalum hiw dai .Shaya za ki tasa o pe kai ne thaw hiw dai. ²¹ Shashen thio kura Dizaw pe Dizaw ajonan ow magam tasa layaka as bas kai shukur ne aran o balkey sum adat una pe atan ow tasi talay hardi ai o tramasung hiw . ²² Se tan soro akalmand kai asta bewaquf hiw . ²³ Ne khul heyaw Dizaw as som ek khul heyaw insan zhe pacheyak , mexok, goikphawatik as row araw . ²⁴ Esa wajen dai o tasi hardi an araman an hesab una tasi ne sapha hek una kai aihistaw tasi tey jhan o tan much una khrab Karin. ²⁵ Shen as wajen dai ki tey Dizaw as ujak mond ne dai o phan pron mahaloqat an ziat hata zait shuhal kai tasa jaiga una kura ki Hamish apaw del dai. ²⁶ Shen as wajen dai o Dizaw tey ganda mrach mochay histe aw . shon hat una za ki tasi tey istreza asta tan dawi an krom asta tabah badel aran . ²⁷ Shen as wajen dai o tan krom histe tasi march an som chew hawan .shen ki nashila moc’ asta nasila an som thi rusihaian krom kai tan mi moch una dum hekas bas badela agerian . ²⁸ Khe kai ki tey Dizaw jonik una kai ne khoshan shashen mi kai o Dizaw tey ne khoshawaw akal an hawla araw shen nalaiq harkat kan dai . ²⁹ Bas shen thi o har genaw sai narasti zhe lalichi xhe sum soch ani puri jeles hek zhe shati lui nehak phan dek puri thi asheni gaibat kari karikman aine. ³⁰ Dizaw as roaw o khacha jonik xhe baizati karaw nahara baz ayasi zhe dadasi mond ne kon garaw . ³¹ Bewkuf xhe phan dihaw muhabat ani asta beraham thi aine . ³² Halanke sey Dizaw as hukom joniw dai shashen krom garaw o saza war asta goi pher be asta tu joni asta shen krom kan dai geri karaw an pe asta khoshan hin dia.