¹ Ai mai bayai! memi mochaw bo ziad chichaw mo sawaz hali koki jona dai esi wajen dai homa pe sai phuchik hiw dai. ² Esa wajen dai abi saw ki saw bo ziad mond an galti karik dai takla moc’ ta shase ki se mondr mondr una asta galti ne kan tey tan saw adam asta kabu kan. ³ Kia tem una ki Abi hansh as ashe una pe zilaw pe promi ow se kabu una apaw del tasa tu saw adam abi kabu kai kawi gaderak o se talai gen hiw. ⁴ Gaor Kara agar jahaz asta pe gona gona asta ow ne tey tez hawa una asta pe kasin dai o tu asta chutak string as thara kawi goan dai o talai gerden dai. ⁵ Shashen mi ashe asta ek chutak mos magam bo halat kharab asta kaw. Gaor kara ki chutak angar khe kai pura jangal shatel dai. ⁶ Ashe asta shashen mi ishnihari ki asa is wajen dai homa pura adam kharb hiw dai jahanam an andar as som zaliw dai. ⁷ Koki har kesman pac’eyak zhe past una kasaw haiwan zhe ug ani mahaluk asta insan as muchai en dai zhe eta asta an. ⁸ Magam kura moc’ asta tan ashe tan kabu una onik ne bahan dai eya ek aphat kai asta ne chistaw suk mondr ashe una puri thi shean. ⁹ Shasa wajen dai o abi Dizaw as kai mubaraki karik dai tasi pe moc’ kia ki Dizaw roaw thi dawa kan dai tasi thara abi nahalet karik dai. ¹⁰ Ek ki ashe ani barkat zhe nahlet as mondr khe thi nehiw dai be mai bayai shen ne belik. ¹¹ Kia ek u’chok ani maura zhe wakhal u’g nehiw a? ¹² Ai mai bayai! Shen khen thi hiw hula ki anjir ani tew yao prac’ una anjir hiw? Shashen thi ek u’chog una o maura ug ne nihew. ¹³ Memi mochaw jonaw kura? Se shen hiw oria bo prust tasa krom hin oria se tan krom an thara jonawak hiw oria. ¹⁴ Koki shashen abi tan hardi ai sak sum khayal tha dai o hay as genaw sum mo chita mo o abi lawa. ¹⁵ Koki shashen himat tharaw dai ne en balki tan bati shaitan ushuphal. ¹⁶ Shasa is wajen dai o kaw ki jelisi zha sum chitek ashesh o tara o har ek krom sum hin. ¹⁷ Magam Kia himat ki tharaw dai ew dai awel ta se pal hiw phato sapha chichala, raham zhe prust mewa an hiw tara kas hata Kia sumi ne hiw. ¹⁸ Ego ek an som prustawow mewa sai kai bauni pariw.