¹ Mai akhabir as genaw dai Tasa istrizhas zhe tasa prutrasi nom kas som ki a sahi mohabat Karim dai kura ki homa som aw hamesha zhe thaw hiw. ² Khali a mi ne baliki te saw asta mohabat Karin dai kura ki hakas barauna jhonin dai. ³ Dada Khodayas zhe put Masih e gehenaw dai phazal, barkat zhe tasali. Sahi mondzhe muhabat. Homa som hin. ⁴ Aa bo khoshan hawis ki a tai Bazi suda shatasa hikumas kia ki dada gehenaw dai milaw thi ashes tara te manikwew apashes. ⁵ Phato ajo ay istrisha a tai kia noa hokom ne dem dai tai kai ishkali kai mam dai kiandaiaw abi egoegin som muhabat karik. ⁶ Se mohabat shia ki abi tasa hikumas thara kasik. Shia shase mi houkm kia ki tu shurug aini shati sangai as kitara kaseli. ⁷ Koki bo abatha karaw dunia nehi an kura ki Masih e ikas ikrar Karin dai. Abatha karaw shemi. ⁸ Tan bara una khabardar ha kia mohabat abi Kai aik tu shama dumba mo koki Pura sawab gri . ⁹ kura ki ruaw pariw dai zhe Masihas sabak as maniw ne dai tasa som mulawa ne kura ne sabak an Tara Amal kaw dai tasa som dada asta aw zhe prutas ta aw mi . ¹⁰ Magam kura ki tai tada aw zhe shemi sabak ne onaw to ne to dura lasa ne o tasi kai ishpata ka . ¹¹ Kura ki shehen mocas Kai ishpata kariw dai sei tasa shum krom una shamil hew dai . ¹² Mai bo mond tai hata niwashili magam a ne akhojis kagazas zhe sehahi as thara neweshim koki tai tada eta mahikas umed thaim dai Koki homa khoshani thaw hew oria. ¹³ Tai khosh babaw prutas tai Kai ishpata kaw dai.