1
Ay malgirian! Har ek arwahas yakeen mo kara baliki arwahan azmaish kara ki te Khodayas gehenaw dai e ne koki bo phan diaw paygumbar dunia una nehi cisti an.
2
Khodayas arwah abi shehen` kai jhona ki kura aman pe haw ki Isaa Masih itaw to se Khodayas gehenaw dai aw.
3
Kura arwah Isaa e ikrar ne kariw se Khodayas gehenaw dai ne zhe sheo Isaa e khilap aini arwah kas khabar ki abi sangai aa ki se ikas thi aw baliki onjasta dunia una aw.
4
Ay sudayakan! Abi Khodayas pi zhe tasi thara aa koki kura tai pi aw se tasa pi gada kura ki dunia una aw.
5
Se dunia aini. Shatalako dunias raw mond den dai zhe dunia o tasa mond kõ kariw dai.
6
Abi Khodayas pi. Kura Khoday jhoniw se homa kõ kariw dai. Kura ki Khodayas pi ne se homa kõ ne kariw. Shesa mi thara abi hakas arwah zhe abatha arwah jhonik.
7
Ay malgirian! Andai aw abi egoegin som muhabat karik koki Khoday muhabatas thara aw zhe kura muhabat kariw se Khodayas pi ubujuna zhe Khoday jhonaw.
8
Kura muhabat ne kariw se Khoday ne jhoniw koki Khoday muhabat.
9
Kia muhabat ki Khodayas homa som shiaw to abi shehen` kai jhonik ki Khoday tan ek phalik put dunia una huti aw tasa wajen dai abi zinda aik.
10
Muhabat shia ne ki abi Khodayas som muhabat arimi baliki se homa som muhabat araw zhe homa gunahan bati tan put ahutaw.
11
Ay malgirian! Khoday homa som shohõn muhabat araw to homa thara asta pharaz shiaw ki abi asta egoegin som muhabat karik.
12
Khoday kai asta kura ne pashi aw. Abi pe egoegin som muhabat arimi pe haw to Khoday homa som hiw zhe tasa muhabat homa hardiay hamesha thaw hiw.
13
Koki se tan arawah aini homa dai aw shesa thara abi jhonik dai ki abi tasa som aik se o homa som.
14
Abi apashimi zhe guahi dek dai ki dada put dunias bati huti aw.
15
Kura ikrar kariw ki Isaa Khodayas put Khoday tasa som hiw zhe seo Khodayas som.
16
Kia muhabat ki Khoday homa som kariw dai abi to jhoni aik zhe homa tasa thara yakeen shiaw.
Khoday muhabat kura muhabatas som apaw del se Khodayas som apaw del Khoday o tasa som.
17
Shehen` thi homa udreman muhabat thaw hiw to adalatas adua ne behi tasa ruaw parik bhaik koki khen ki se shehen` mi dunia una abi astab hik.
18
Muhabat una behik ne shiaw baliki prust muhabat behik khulel koki behikas pi azab nehiw zhe behaw moc muhabat karik ne karik bhaw.
19
To muhabat karik dai ki awel se homa som muhabat araw.
20
Kura amaw pe haw ki a Khodayas som muhabat karim dai magam tan bayas som o dushmani kariw dai to se phan diaw koki shato baya kas ki se pashi aw tasa som ta muhabat ne kariw dai se Khoday kas ki se ne pashi aw tasa som asta muhabat ne karik bhaw.
21
Homa tasa gehenaw dai shehen` hokum milaw thi shiaw ki Khodayas som muhabat karaw tan bayay som asta muhabat kara.