در 1
1
مسییح یسوع ءِ کَیدی پولوس ءِ نیمگ ءَ ۔ ءُ برات تیمتھیس ءِ نیمگ ءَ وتی دوستین ءُ ھمکاریں پلیمون ءِ نام ءَ۔
2
ءُ گوار اپیہ ءُ وتی وڑیں سپائیگ اَرَکپس ءُ ھما تئی لوگ ءِ کلیسا ءِ نام ءَ۔
3
مے پت ھدا ءُ ھداوند یسوع مسیح ءِ نیمگ ءَ شمے سرا فضل ءُ ایمنی بہ بیت۔
4
من ھر وھد ءَ ترا وتی دوایانی تھا یاد کناں۔وتی ھدا ءِ شگرا گری۔
5
چیاکہ من تئی ھما محبت ءُ باورمندی ءِ حال اِش کرتگ کہ تیوگیں مقدسانی گون ءَ ھداوند یسوع مسیح ءِ سرا اِنت۔
6
تاکہ تئی باورمندی ءِ ہوری ھر ھما مے تو کے شری ءَ درست بکنت پہ مسیح ءِ واسطہ آسربکش بہ بیت ۔
7
چیاکہ او برات! منی دل سک وش ءُ مزن بوت چہ تئی مہر ءُ محبتءَ۔ہمشکا کہ تئی وجہ ءَ مقدسانی دل گل بوت اَنت۔
8
چوناھی ءَ اگاں چہ باورمندی ءَ منا دلیری ھست اِنت بلے کجام کہ مناسب اِنت۔ھمائی ترا پرمان کنی۔
9
تو اوں منا دروست بوتے پہ مہر ترا ارز کنی۔من نزوریں پولوس بلکہ ای وھدا یسوع مسیح ءِ کَیدی ئن۔
10
من وتی پرزند اُنیسمُس ءِ بابت ءَ ترا ارز کنی کہ آ کَید ءِ وھد ءَ منا رستگ۔
11
آ پیسرا پر تو اِچ کاری ءِ نہ اَت بلے نوں منی ءُ تئی کار ءَ کئیت۔
12
من آئر ءَ یعنی وتی جگر ءِ ٹُکُّرا را تئی گورا پدا دیم دات۔
13
من لوٹ اِت آئر ءَ وتی گورا بِداراں تاکہ تئی نیمگ ءَ انجیل ءِ زمزیلانی تھا منی ھذمت ءَ بکنت۔
14
بلے بگیر تئی رزامندی ءَ اِچ کنئگ نہ لوٹ اِت تاکہ تئی نیکیں کار چہ مجبوری ءَ نہ بلکہ پہ وشی ءَ بہ بیت۔
15
چیاکہ ممکن اِنت آ چرتو کموکیں وھدے ءِ واسطہ دور بوتگ تاکہ ھر وھدے واسطہ تو وتی ءِ بکنے۔
16
بلے نوں کاردارے وڑ ءَ نہ بلکہ چہ کاردا ءَ دیم ءَ تر یعنی انچیں برات ءِ وڑ ءَ بیت کہ جسم ءَ ھم ءُ ھداوند ءَ من باز دوست بیت ءُ ترا چہ من گیشتر۔
17
چوناھی ءَ تو منا وتی شریدار لیک ءِ گڑا اِشرا کبول بکن۔انچوکہ منا۔
18
او اگاں اِشی تئی نُسکان کتگ یا تئی وامدار اِنت تو اِشی واماں منی نام ءَ نبشتہ بکن۔
19
من پولوس گوں دست ءَ ای نبشتہ کتگ کہ وت ادا کناں اِشی ءِ گُشگ المی نہ اِنت کہ منی وام تئی سرا ھست اَنت۔آ تو ھست اَنت۔
20
او برات منا ھداوند ءَ چرتو لہتیں نپ برسیت۔مسیح ءَ منی دل ءَ تازگ بکن۔
21
من تئی اماداگی ءِ بیسہ کنان ءُ نبشتہ کنان ءُ من زاناں کہ ھرچی من گُش اں تو چرائی چہ گیشتر کنے۔
22
چی اِشی ابید منی نندگ ءِ واسطہ جاگہ امادہ بکن چیاکہ منا امیت اِنت کہ من تئی دوایانی وسیلہ ءَ ترا بکشاں۔
23
اپپراس کہ مسیح یسوع ءِ وجہ ءَ گوں من کَید اِنت ترا سلام گُشگ ءَ انت۔
24
ءُ مرقس،ارسترخس،دیماس ءُ لوقا ھم کہ منی ھم ھذمت اَنت۔
25
ھداوند یسوع مسیح ءِ فضل شمے روح ءَ بہ بیت۔آمین۔