¹ باز روچاں پد آ وھدے کپر نھوم آتک تو گشگ بوت آ لوگا اِنت۔ ² پدا ھمیکس مردم مُچّ بوت کہ درے دپ ءَ جاگہ نہ بوت ءُ آ ایشان ءَ کلام گوش دارینگ ءَ اَت۔ ³ ءُ مردم ءَ یک لنگ ءُ مُنڈیں مردے چار مردمے بڈّا دات ءُ آورت۔ ⁴ بلے آ چہ بازیں مُچّی ءَ ایشی کِرّا آتک نہ کت گڑا ایشی چھتر پچ کت آئی تھت کشِّت ءُ لونجان کت۔ ⁵ یسوع آئی ءِ ایمان چارت ءُ گُشت بچک تئی گناہ ماپ بوت اَنت۔ ⁶ بلے پکیہ اُودا نِشتگ اَت اَنت، آ وتی دل ءَ سوچگ ءَ لگِّت اَنت۔ ⁷ کہ اِے چیا اِے وڈ گُشیت؟ کُپر کنت ھدایا ابید گناہ کے پھِل کنت ؟ ⁸ ءُ ھما دمان ءَ یسوع چہ وتی روہ مالوم کت کہ آ وتی دلاں اِے وڑ ھیال کن اَنت، آیان ءِ گُشت شما پہ چے وتی دِلاں اِے وڑیں ھیال کنے؟ ⁹ کجام آسان تِر اِنت؟ لاچاریں مردم ءَ گُشگ کہ تئی گناہ پھِل کنگ بوت اَنت یا اِے وڑ گُشگ کہ وتی تھت ءَ بڈّا بکن بہ تر؟ ¹⁰ بلے اِے واستا کہ شما بزان اِت ابن آدم ءَ زمین ءِ سرا گناہ پھِل کنگ ءِ اھتیار ھست پمیشکا لنگ ءُ منڈیں مردے گُشت۔ ¹¹ من ترا گُشاں وتی تھت بزور لوگ ءَ برو۔ ¹² ءُ آ پاد آتک ھما دمان تھتے بڈّا کت آ تیوگینانی دیما ڈنّ ءَ شت، آ تیوگیں ھیران بوت اَنت ءُ ھدائے ستا ئے کت ءُ گشگ ءَ لگِّت اَنت ما ھچبر اِے پیم نہ دیستگ۔ ¹³ یسوع پدا کور ءِ لمب ءَ شت ءُ تیوگیں مُچّی آئی پدا شت ءُ آئی ایشان ءَ تالیم دات۔ ¹⁴ وھدے آ روگ ءَ اَت تو آئی ھلپی ءِ چک لاوی ءَ مھسول ءِ بُرجک ءِ سرا نندگ ءَ دیست ءُ آئرا گُشتے منی پدا بیا۔ ¹⁵ آ پاد آتک یسوع ئے پشت ءَ شت، ءُ اِے وڑ بوت کہ یسوع ایشی لوگ ءَ نگن وراگا اَت کہ بازیں مھسول گروک ءُ گناہ کارے مردم گوں یسوع ءُ آئی مریداں نشت ءُ نان وارت چیاکہ آ باز اَت اَنت ایشانی پشت ءَ گون اَت اَنت۔ ¹⁶ ءُ پریسیاں ءُ پکیاں آ دیست کہ گوں گناہ کاراں ءُ مھسول گروکاں نشتگ نان ورگا اِنت آئی پُچ ءَ نہ پُچِنت چیاکہ نوکیں گُدے پُچ نَزّ کیت ءُ کواھنیں پشک ءَ دِرِّیت۔ ¹⁷ یسوع اِش کت آیان ءَ گشتے سلامتیناں ءَ تبیب ءِ زلورت نہ اِنت بلکیں نادُرایان ءَ، من راستبازانی توار کنگ ءَ نہ گناہ کارانی توار جنگ آتکگاں۔ ¹⁸ یوھنّا ءِ مرید ءُ پرسیاں روچگ داشتگ اَت، آیاں آتک ءُ یسوع ءَ گشت یوھنّا ءِ مرید ءُ پریسی روچگ دار اَنت تئی مرید پرچہ روچگ نہ دار اَنت؟ ¹⁹ یسوع آیان ءَ گشت وھدے سالونک گوں سوریاں گوں اِنت آ روچگ داشت کن اَنت؟ ھما وھدا کہ سالونک گوں آیاں گون اِنت آ روچگ داشت نہ کن اَنت۔ ²⁰ بلے ھما روچ کاینت کہ سالونک جتا کنگ بیت ھما وھدا آ روچگ دار اَنت۔ ²¹ نوکیں کدا نہ دِرّنت ءُکواھنین پچ ءَ نہ پُچنت، نوکیں کد نزّ کیت ءُ کواھنین پچّ ءَ دریت ۔ ²² ءُ ھچکس نوکیں شراب ءَ کواھنین مشکاں مان نہ کنت، چیاکہ نوکیں شراب مشکاں تراکینیت، ھر دوئیں زاوال بنت بلکیں نوکیں شراباں نوکیں مشکاں مان کن اَنت۔ ²³ ءُ آ شنبے ءِ روچ ءَ چہ ھنگام ءِ سرا گوزگا اَت ءُ آئی مریداں لھتیں ھوشگ سِست۔ ²⁴ ءُ پریسْیان آئرا گشت بچار شنبے ءِ روچ ءَ ھما کاراں چیا کنے کہ روا نہ اَنت۔ ²⁵ یسوع آیان ءَ گُشت شما ھچبر نہ وانتگ کہ داؤد ءَ چے کتگ وھدے آئرا ءُ آئی سنگتان ءَ زلورت بوت گژنگ بوت اَنت؟ ²⁶ آ چیا ابیاتر سردار کاہن ءِ زامانگ ءَ ھدائے لوگا شت ءُ ھیراتے نانے وارت اَنت ءُ وتی مریدان ءِ دات اَنت کہ آیانی ورگ چہ سردار کاہن ءَ ابید پہ دگرا روا نہ اِنت۔ ²⁷ ءُ آئی گُشت شنبے پہ مردماں جوڈ اِنت نہ کہ مردم پہ شنبے ءَ۔ ²⁸ گڑا ابن آدم شنبے ءِ روچے مالک اِنت۔