¹ اے براتاں! اگاں شمارا چہ کسے قصورا گرگ ببیت گڈا شما کہ روحانی اِت وتی خیال داراگے گوماں مردماں عاجزی ءِسرا نصیحت بکنے تاکہ شما ہم گمراہی ءَ مکپے۔ ² شما یکِ دومی ءِ بوجا بزیرے او ہمیں وڈا یسوع ءِ شریعت ءَ سرجم بکنے۔ ³ اگاں کسے دگراں چہ وتا مزن لیکیت ءُ آئی حثیت اِچ نہ اِنت گڈا آہ وتا را رد دیئگا اِنت۔ ⁴ مگر ہر کس وتا بِجَانچی کہ چنچو آپ ءَ انت اگاں آہ وتی کاراں چہ ای ثابت کنت کہ آہ نیکیں کار کنگائیں گڈا آہ دلجم ببی۔ ⁵ چیاکہ ہر کس وتی بارا وت چِست کنت۔ ⁶ ہر یکیں کہ کلام ءَ ھیل کنت گڈا آہ تعلیم دِیوکا ہر شرِّیں چیزانی تہا آوار بکنت۔ ⁷ شما رد مَوَرے ھیچ کس خدا ءَ رد دات نہ کنت چیاکہ مردم ھرچی کِشیت ھمائی رُنت۔ ⁸ اگاں کسے وتی جسم ءِ واسطہ کِشیت آہ جسم ءَ چی ہلاکت کاٹ کنت ءُ ہر کس روح ءِ واسطہ کِشیت آہ روح ءَ چہ ہمیشگی زندگی حاصل کنت۔ ⁹ ما نیکیں کارانی کنئگا ہمت ءَ دور مادیں چیاکہ ما اگاں ہمت ءَ دور مادیں تو ہمیں دمانا مارا اجر رسیت۔ ¹⁰ ھمے واسطہ مئے دست ءَ ھمنچو بیت کاں ھرچ کسے ءَ گوں نیکی بکنیں خاص طور ءَ ایمان آروکانی گوما۔ ¹¹ بچارے من وتی دست ءِ گوما مزن مزنیں لوزاں گوں وتی دستاں شمارا نبشتہ کنا۔ ¹² ھما کہ جسمانی پیشدارگ لوٹاں شمارا سُنَّت کنئگا مجبور کننت صرف ای واسطہ کہ یسوع ءِ صلیب ءِ سبب ءَ ستائینگ مبے۔ ¹³ چیاکہ سُنَّت کنائینوک وت ہم شریعت ءِ سرا عمل نکننت بلے تئی سُنَّت ءَ ای واسطہ کنائینگ لوٹ اَنت کہ تئی جسمانی حالت ءِ سرا فخر بکنت۔ ¹⁴ بلے ای وڈ ایچبر مبات کہ من کجام چیز ءِ سرا فخر بکنی سِوا ءِ مے خداوند یسوع مسیح ءِ صلیب ءِ کہ آئی ءَ دنیا مئی اعتبار ءَ چی مصلوب بوت او من چہ دنیا ءِ اعتبارا چہ۔ ¹⁵ چیاکہ نہ سُنَّت چشیں چیز اِنت ءُ نہ سُنَّت بوھگ مگر نوک سر مخلوق بوھگ۔ ¹⁶ او چینکس ای اصول ءِ چیر دستی ءَ بِراونت آھانا او خدا ءِ اسرائیل ءَ سلامتی ءُ رحم حاصل بوھان بیت۔ ¹⁷ تنی وہدی منا اِچ تکلیف مدے چیاکہ من وتی بدن ءِ سرا یسوع ءِ نشان رُرتگ ءُ گردگائن۔ ¹⁸ اے براتاں! مےخداوندیسوع مسیح ءِ فضل شمے روح ءِ گوما بیت۔ آمین!