¹ بلے روح صفا فرمانگے کہ بروکیں وختانءَ بازیں مردم گمراہ کھنگءِ روحانی او شیاطینءِ تعلیمءِ کرا متوجه بیاں ایمانءِ سرا برگشتہ بیاں رواں ۔ ² اے مچیں دروغ بندیں مردمانی ریاکاری بابتءَ بی کہ ہمایانی دلءَ ہمے وڑ کہ گرمیں آہنءِ سرا داغ دیگ بیت۔ ³ اے مردم آروس کھنگءِ سرا منع کھناں او ہما ورگءِ تا منع کھنگءِ حکم دیاں ہماہی که خداءَ ہمے واسطہ پیدا کتا کہ ایماندار او حقءِ پھج آروک ایشان شکر گزاری سرا وراں ۔ ⁴ پرچے که خداءِ پیدا کنوکیں ہر چیز گچین است او ہچ چیزے انکاری لائق نیست شرط ایش است که شکر گزاری سرا ورگءِ وری۔ ⁵ ہمے بابتءَ که خداءِ کلامءِ او دعاءِ سرا پاک بیگءِ ۔ ⁶ اگا تو براتان اے ہبراں یاد کھنائی تو مسیح یسوعءَ گچین خادم گوشگوک بئے او ایمان او آہی گچین تعلیمءِ ہبرانی سرا ہماہی کہ تو پدا رؤگ پرورش زیرگ روے ۔ ⁷ بلے بےہودہ او کماشیں نانی داستانانی سرا دور ببی او دین داریءِ واسطہ تکلیف زیر ۔ ⁸ پرچے که جسمانی تکلیفءِ فائدہ کم است بلے دین داریءِ مچیں ہبراں فائدہ رسی ہمے بابتءَ نی او آیگ زندءِ وعده ہم ہمے واسطہ است۔ ⁹ اے هبر درست است او ہر وڑے قبول کھنگءِ لائق است۔ ¹⁰ پرچے که ما محنت او جانفشانی ہمے واستا کھنگوں کہ مے امید ہما زندگءِ خداءِ سرا است ہما کہ مچیں مردمان خاص کر ایمان دارنی منجیءِ است۔ ¹¹ اے ہبرانی حکم دے او تعلیم بدے۔ ¹² کسےءَ تئی جوانیءَ سرا ملنڈ نہ کھنگءِ لوٹی تو ایمان دارانی واسطہ کلام کھنگ او وتی بال چلنءِ او مہر او ایمان او پاکیزگیءِ یک نمونه جوڑ بی۔ ¹³ ہماوختءِ کہ من نه بیاں وانگءَ او نصیحت کھنگ او تعلیم دیگءِ سیڈا متوجہ بی۔ ¹⁴ اے نعمتءِ سرا غافل نه بی ہما کہ تھرا ملت او نبوتءِ بابتءَ اسپید ریشءِ کماشینانی دست جانگے وختءَ ملت۔ ¹⁵ اے ہبرانی فکر کن ۔ ایشانی تا مصروف بی تاکہ تئی ترقی مچینانی سرا ظاهر بی۔ ¹⁶ وتی او وتی تعلیم خبرگیری کن ۔ ہمے ہبرانی سرا قائم بی پرچے کہ اے وڑ کھنگءِ تا تو وتی او وتی گوش داروکیں نانی واسطہ نجاتءِ وجه بئے ۔