¹ گڑا من کل سرا اول اے نصیحت کنگا کہ مناجاتاں او دعاعاں او التجاعاں او شکر گزارشاں مچیں مردمانی واسطہ کنگ بی۔ ² بادشاہانی او مچ مزنیں رتبه والانی واسطہ ہمے لاے ما کمال دین داری او سنجدگی سرا امن و آرام گو زندگءِ گوازناں ۔ ³ اے مے منجیءِ خداءِ نزدیک باز جوان او گچین است۔ ⁴ آں لوٹی کہ مچیں مردم نجات زیراں او سچائی زاناں او سر بیاں۔ ⁵ پرچے که خدا یک ایں او خدا او انسانءَ نیام تا نیامی ہم یک یعنی مسیح یسوعءَ ہما کہ انسان است۔ ⁶ ہماہیا کہ مچّانی واسطہ وتی فدیہ داتا کہ مناسب وختانی تا آہی گواهی دیگ بی۔ ⁷ من درست گوشاں۔ دروغ نه چندان کہ من ہمے بابتءَ تبلیغ کھنگ والا او رسول او غیر قومانی واسطہ ایمان و سچائی ہبراں ہیل دیاں۔ ⁸ گڑا من لوٹاں کہ مردم ہر جاگاہ بغیر زار و تکرار پاک دستانی زیری او دعا کنت۔ ⁹ ہمے وڑا جنین حیا داریں پوچانی او شرم او پرہیزگاری گوم وتارا سنگار کناں نه کہ پھٹ جوڑ کناں او سور او موتیانی او قیمتی پوشاک سرا۔ ¹⁰ بلے نیک کارانی سرا ہمے وڑ کہ خدا پرستی اقرار کھنگءِ والا جنینانی سرا مناسب است ۔ ¹¹ جنین خاموشی گوم کمال تابع داری سرا ہیل کنت۔ ¹² او من اجازت نه دیاں کہ جنین ہیل دا یا مردمانی سرا حکم کنت بے خاموش بی۔ ¹³ پرچے که اول آدم جوڑ بیتا۔ آہی پدا حوا۔ ¹⁴ او آدم دھوکہ نه وارت بلے جنینءِ دھوکہ وارت او گناهءِ تا کپتا ۔ ¹⁵ بلے اولاد بیگءِ سرا نجات زیری بلے شرط ایش ایں ایمان او مہر او پاکیزگی تا پرہیزگاری سرا قائم بیاں۔