¹ Ukuwa wewe, uwasambilizya vino avisambilizyo ivyakusimicila. ² Uwasambilizye wasongo wawe awa kuyisunga, awakwelengania, awakusimpa mwisuwilo. Mulukundo, namukuzizimichizya. ³ Sambilizyani wamama wasongo wowonye ukuwa mumyata iyizima. Watawa awakawipizya pamwi awazya nkani wipala. Kweni awe awasambilizya kwechino achizima. ⁴ Naswinya ukusambilizya awanachi awatichi ukukunda awalume wawo ukukunda awana awana wawo. ⁵ wawe awakuyilema. Aswepe. Awakusunga ichete ing'anda zyawo. Nukuwa awakutontela kuwalume wawo. Akulikuti amazwi ye Leza yatakasamulwe. ⁶ Munzila iyiliyonga, sambilizyani awalumendo ukuwonvya amano ayazima. ⁷ Munzila zyonsi lolesyani mwenga vino achilolelo cha milimo iyizima. Mumisambilizizye yinu mulolesye, umuchinzi, ⁸ swinya ni landwe ilyololoke lino lisi nanti akupanzikwa. Ukuti wensi wuno akupanzika mwemwe azipizile asozwi nsoni umulandu wasi nanti chimwi chiwipe pakuvwanga ivya kwesweswe. ⁹ Sambilizyani awazya ukutontela watatakulu wawo mwakwe vyonsi, ukuwa sechelesya nanti kupanzinkana nawoliwo, ¹⁰ Watati wakwiwa kwe woliwo, nkano fwendi walolesye uwusuwalikwa wonsi uwuzima, alyakuti munzila iyiliyonsi walete ukukopa kuchisambilizyo kuvye Leza ekatula witu. ¹¹ Amuno inkumbu zye Leza zyati zilolechela pawutuli wawantu wonsi. ¹² Chikutusambilizya ukukana uwuntaleza nivya vikumbuchilwa vya nsi, nukwikala umwakuyilema_mwenga uwulungamane, nawakwikala muwuleza mumpindi yoo, ¹³ pano tukulola munkolelo ukupochelela uwupepwe wawusuwizi witu, akalolechele kawuchindami uwe Leza witu mukulu ne katula Yesu Kilisitu. ¹⁴ Yesu wayipile wenga kwe sweswe ukuti atutule sweswe ukufuma kuwuwipe nukuyipanjila wenga awantu awenecho wano awakuvwambilizya pakuwomba imilimo iyizima. ¹⁵ Vwanga ivya vintu vyoo, uchinchizye awantu ukuviwomba, nukuwololosya ni nsambu zyonsi. Mutaleka wumwi awapepusye.