¹ Yuda, umuwonvi we Yesu Kilisitu numunyina we Yakobe, kwakwe wawo wano wakwitwa, awakundwe mwe Leza ne Tata, nukusungwa ne Kilisitu Yesu: ² Leka uwila numutende vivulane kwakwe mwemwe. ³ Wakundwe, nalile pano napanganga inzila yiliyonsi ukupitisya ukuwalika kwe mwemwe ivya uwupususyo wakwe swensi, nalinji nukuwalika kwakwe mwemwe ukuwawomya pakuyikungula umwakufwililichila pisuwilo lino lyasuwalizilwe lyonga kuwantu wonsi awatele wakwe Leza. ⁴ Amuno awantu wamwi winjilila mwakwe mwemwe munkama. Waa awantu wano wawisilwe ichimanyilo pakupanzwa. Awantu awanta Leza wano wati wapilula inkumbu zye Leza witu muwuzelele, nawano wakukana Etatakulu witu mutupunye ni Mfumu, Yesu Kilisitu. ⁵ Kanonzi nkasi mbizusye _chingatenga mwatezile muchimanyinchisya _ kuno Mfumu yapususizye awantu ukufuma munsi ya Egypt, kweni inkolelo yakwe wononile wawo wano watasuwizile. ⁶ Nawangeli, swinya wano watayisunzile ku chifulo chawo ichansambu, kweni wano wasile amasyo yawo ayazima ayakwikala_Leza ati awasunga muvingololo vya muyaya, mumfinzi iyikalambane, pawanda uwukulu uwipanzyo. ⁷ Achino swinya Sodomu nu Gomorrah nutwaya utwakuliwilila twayiwisile mumiwele yawuzelele nukuchizya imiwele wawuzelele wonsi. Wati wawikwa ukuwa achilolelo kwe wawo wano wakutamika nichipingulo cha mulilo wamuyaya. ⁸ Pano munzila iyiliyonga, wakalotawa swinya wakukandamika imiwili yawo. Wakukana insambu, nga swinya wakuvwanga ivntu vyamusamu kuwawo awachindami. ⁹ Kweni chingatenga ne Mikayelinye umungeli umukulu, pa wapanzinkananga ne chiwa nukulwisania nawe pavya muwili we Musa, atelezizye atalesile ipanzyo lyamusamu kwakwe weliwe. Nkano fwendi watili, " Leka Imfumu yikupanike! " ¹⁰ Kweni awantuwa wakatuka chilichonsi chino watakwivwichisya; nachino watakuchivwichisya imiwele, ngati avinyamana vino visi kwelengania, vyoo avili vintunye vino vikuwonona. ¹¹ Achamukosi kwakwe woliwo! Amuno wati wapita munzila yakwe Cain nga wati wasonwa muwononi wakwe Balaam kumuzano. Wati watamika mukunyamuchila kwe kolah. ¹² Wawantu awatundume wamawe pawuzewelo walukundo lwako, ukuzewela nawe umwakusozwi nsoni_awachemi wano wakayilyesya wonga. Amawingo ayawula imvula ayanyamulwe numuza; imiti yakupulula mafwa, ayawula ichikomwa_ yakufwa kawili, nukunyunkulwa. ¹³ Wali amiwimbi yamwe sumbi, ukutatafusya insoni zyawo; antanda zyakupitapita, kwe wino imfinzi inkalambane yati yisungwa umuyaya. ¹⁴ Enocki, uwa munenulambali kwe Adam, wasesemile ivya kwewoliwo, watili, " Lola! Imfumu yikwiza nimyanda nimyanda iya watele wakwe. Akwizu kuwika ipanzyo pakwe wensi. ¹⁵ Akwizu kunyepa wonsi wantaleza pa milimo yonsi yino wati wawomba munzila yawuntaleza, namazwi ayapalale yano wantaleza waluwembu wati wavwanga kwakwe weliwe." ¹⁶ Waa awamulwilinta, awakuyilizania, awakukonka amakumbuchilwa yawo ayawipe. Awakuyitutuwalika awakulu, wano palongo lwawo, wakatunya uwufi wanji. ¹⁷ Kweni mwemwe, wakundwe, yizukani amazwi yano yalanzilwe kali nawapositoli wa Mfumu yitu Yesu Kilisitu. ¹⁸ Watili kwakwe mwemwe, " mumanda yampelelechezya kuliwa wakasoweka wano walikonka amakumbuchilwa yawipe ayawuntaleza wawo." ¹⁹ Awali waa wano wakulenjesya ukupawunkana; awansi swinya wasi numuzimu. ²⁰ Kweni mwemwe, wakundwe, yizengani mwemwe mwenga mwisuwilo lyinu ilitele nkaninye, nukupepa muwuzimu uwutele. ²¹ Yisungani mwenga mulukundo lwe Leza, nga mulindilile uwila wa Mfumu Yesu Kilisitu wuno wukuleta uwumi wamuyaya. ²² Wanji awawila kwe wano wakulanguluka. ²³ Pususyani wamwi pakusompola woliwo ukuwafumya mumulilo. Wanji awawila kwakwe wamwi ni ntete. Patani nanti achizwalonye ichikombelwe numuwili. ²⁴ Kanonzi kawkwe wino ayine ukuwachinjilila kukupunula nukulenjesya mwemwe ukwimilila pankolelo yaminso wawuchindami wakwe ukwawula akapinfya ni chimwemwe ichikulu, ²⁵ kwakwe Leza mutupunye ekatula witu ukupitila Eyesu Kilisitu Mfumu yitu, kuwe uwuchindami, uwukankala, uwukulu, amaka, pano impindi zyonsi zichili, kanonzi, naku mpindi zyonsi. Amen.