Pasal 4
Paulus tiopana ariri kavo pa
1
Apavo, ine maneta isanemipaya pa mia, metenam nanapi sanetiar veve vata mo, maso Sie pal. Sanetatawana mia vea ! Mia metonae ikavo taware, sanene vesie pa.
2
Mamberaruo pa Euodia, tutir mamberaruo pa Sintike ! Isau veamamo musanemisiri ariri sinotu vene sanetiar siri.
3
Maso ine maneta viate venanaripi tutir ya panau, Sunsugos, isau so au kota, ave amamo suejora vavi nine sandu. Sunanaripi tutir ya to karakual vesiri, nanapi Sien Allah nie Kavo Vesie pai; ariri Klemen tutir esi venanaripi tutir ya pasia vura. Sesanomi pasiya sinana kaiwasa vetenam pasia sene Buku pai.
4
Isau veamamo mesanemivesasie tawana, aso metenam e membe siri tutir Sie pai to manau pa. Itopa riwanea; mesanemi vesasie !
5
Memberuana ave kalwasa vura siejo mene tenam viate pai. Sie pal woroi va so riama pa.
6
Mesanemi sasera so piesa vapemoja. Nana pi vura, membe nadie mesau so Sien Allah. Pi vitopi mesanemi soa mamo, mesau tawana maso Sien Allah, nanapi saneraro veve terima kasih.
7
Amamo nari Sien Allah diono saneraro vemari rawal, siniotu siruin apo soa va pai, e diedidina mesanemiraro pasi, tutir menesanepaya veve siri tutir Kristus Yesus to manau pai.
8
Vimanaua pa, mesasa mesanemiraro pasi nana pi viate rawal mo, pi nari vediayarae vesamual kavo sanandika; andina, pi vevevata, bual, vetindia, tarai mo, anona, e ate pal.
9
Menda ariri pi vitosi metaniauasie mesamuaisi nanapi ya to manau pa; nana ine Kavo, velto nana pi inanari pasi. Sien Allah veve umaja nanapi saneraro vemari pai, nari tutir mia.
Paulus tiopana trima kasih pa kepada Orang-Orang Percaya di Filipi
10
Sien dionae sane ne vesasie vesiri, aso otaroi vesiri, avori metosanemipal maso ine vava ne riwanea pa. Nine ma jojo aso meparo ya to manau pana va; miaya mesanemipal tawana ya ora, vape aya diadi so memberuana pa varami.
11
Ikavo ne ma, aso ivaro pi pana va, aso jama jeniau itenam tutir sanevesie vea, nanapi vitopi isamual pa.
12
Jama Isun tenam varo pi pal tomanau, e ja kota itenam nana samuai pi to rawai pa. Iruin ariri nie tarai vianiwara pai to manau, ave jitosa sun vava vito vea pa; nanapi vava samual pi to rawal pa, veito nanapi vava samual pi va pa, nanapi vesamual pi to pau pa, e nanapi varo pi vepau pa.
13
Nanapi paya Kristus diono maso ya pai, andi ipaya e jitosa sun vava vito vea pa.
14
Vape membe tolon ya nanapi ine susa pal to manau, e pi menanari nine sima siete.
15
Maneta Filipi pa mia; Matau menduin vevatamo, rabua isuvi vurusu uta Makedonia pa, nanapi retena mo Kavo Vesie pai itopani na wana pa mamo, mia ma jemaat vetutir ya pa miana. Mia menggot ya nanapi marabat pai to tapisa pai pa.
16
Nanapi rabua inana Kota Tesalonika pa, e isau pi pa mamo, metanatu pi vetol ato, so ya pa.
17
Ninema masi isanemi kariria veiso pi metona pasi va. Vape isanemivesiena pa, ave yo isayo pi metona pasi sine buo vevediayara untung maso mia pasi.
18
Isamuaisi vura to manau ! Pi metanatua so ya pasi vura, isamuaisi to rawal, nanapi Epafroditus. Nine ma pi isamual va pasi, isamuaisi vura to manau. Pi metona pasi nura, sivava ariri wojou vesairara nana pisom visom Sien Allah, e Sien Allah vie trima tutir sanevesie.
Paulus nie tabe vimanaua pai
19
Allah isom pai, tiebul tutuir kaya pai, nanapi Kristus Yesus, e andi nari diono pi mesamual va pasi vura maso mia.
20
Sanandika pai maso Sien Allah Tatamami pai to worolkworol Amin.
21
Metopana ine tabe ne maso Sien Allah nie kaiwasa veve siri tutir Yesus Kristus pasia. E membe trima tabe kota, nanapi maneta vena tutir ya na nine sia.
22
Kaiwasa vesanemitiar Sien Allah e venana Kota nine sla, rawal mo pa kaiwasa venana Kaiser pai nie anio raro pasia, setanatu tabe maso mia vura.
23
Amusaue Sien Yesus Kristus diono vesie pai maso mia vura.