Pasal 1
PAULUS NIE SURAT DIENATU SO PILEMON
1
Maso Pilemon, ine maneta vetutir yaue amutopana Sien nie kavo vesie pai, tutir mamberaruo pa Apia, tutir maneta tananaripi vura pai Aristarkus. E maso Jemaat veruir nana nomu anio pai.
2
Nanapi yau, Paulus, siniotu venana bui, aso itopanusara kavo vesie pai nanapi Yesus Kristus pa, tutir tane maneta pa Timotius, amuranatu surat nini maso au.
3
E amusau ave amamo Sien Allah Tatamami pai, tutir Sien Yesus Kristus, surono vesie pai, tutir sane raro vemari pai maso mia.
Pilemon nie sanepaya pai maso Sien nie kaiwasa pai, e nie sanetiar pai maso Sie pai pa.
4
Nana ine nadi pasi mamo, jap sanomu pa, e jimbe trima kasi so Sien Allah.
5
Aso jediawa toapa, sanctiar Sien Yesus to manau, e nomu sanepaya pai maso kaiwasa vesanemitiar pasia pa.
6
Pilemon, nomu onate pai, dionae sanene vesie vesiri. E viediajarae, isamuai paya.
7
Aso buonae Sien nie kaiwasa vesanemitar pasia sesanemi vesie pa. Isauve amamo tane wasa mambeneta pa, aso tane sanetiar siri pa, viediayarae tata vura tasamuai sane veruina pai, nana tambe siri tutir Sien Yesus pa.
Paulus dienatu sovera Onesimus so Pilemon pa
8
Apa joma, irama so au ariri siniotu vene sanetiar siri ni tata pae, diadi so jemias aue, nuenari pi vitopi nari nuenari pa.
9
Vape aso isanemi pai au pavo, ima isau vea. Ya ma ive masa to manau, e rabua nine isamuaie inana bui pai, aso itopana Yesus Kristus nie kavo vesie pai pa.
10
Yau, Paulus, isau so au, aso Onesimus, atu nanapi Kristus pai. Aso nana bui nei rarone mamo, ive tama soi nanapi Kristus.
11
Papo pama vie womi so au, vape ninema vie maneta maso au mesari ea va, vape maso ya kota.
12
Ninema jenatu soverai matu so au, ima isanemipai rawai.
13
Ariri mo mamo, yo isuarie niana nine, ave riwanau, ave amamo kiot yau, nana bui nei rarone so itopana Sien Allah nie kavo vesie pai pa. inana
14
Vape aja ruar varami mamo, sa ikutu kavo pesava. Isanemi vesie mataun au kutu ariri nomu mayar, ya ma ikambarai ive paksa au.
15
Esa mamo Onesimus tierir au katuyana pa, ave amamo suemuai riwanea to woroi woroi pe.
16
Rabua ninema, vie womi so au vea va, vape rawai ea na jana. Ima tutir tata ariri nomu maneta sanepaya, nanapi Kristus. Onesimus ma vie guna vesiri maso yau; avori indawai kota maso au. Apavo vie guna vesiri, ariri womipa, e ariri mambeneta nanapi Sie pai pa.
17
Apavo, aso buetor ya ve mambeneta so tambe Kristen pa, amamo vue trima Onesimus riwanea, ariri vue trima ya pa.
18
Masi vie sasara so au to manau, pivai vie niaki so au, amamo nari ya isariowasi vura
19
Vesie pa matau ivui nana nine, toapa; Yau, Paulus, nari ivaitsi vura". Nine ma jo isovasara so au ea va, toapa, mataun au kota vue niaki so yau, aso ya pa vue siniotu Kristen pa.
20
Apavo iteka sanepai yau, nanapi Sie pai sano pa, e buonave sanene vesie, ariri mambeneta nanapi Kristus pa.
21
Ivui surat nei e, isanemtiar toapa, nari nuenari ariri pi vitopi isauwane. E ima iruin nari nuenari aririae rawai ea nanapi isauwa pa.
22
E, bisayora andiraro pesa so yau, nana nomu anio pai. Aso isanemitiar toapa, Sien Allah diediawa mene nadi pasi vura, e kior sovera ya riawanea maso mia.
Paulus nie kavo vimanau pa.
23
Ine maneta pa Epapras, maneta amusamuai bui so Kristus Yesus nie kavo vesie pai;
24
E nanapi ine maneta amananaripi vurane sia; Markusie, Aristarkuse Demas tutir Lukasie, setanatu tabe maso mia.
25
Isauewe Sien Yesus Kristus diono vesie pai maso mia.