¹ Nanapi aniose Kaisarea pa, siniotu pesi sano pa Kornelius. I ma vie Kapten baba na tentara Roma pa esi nina. ² I ma siniotu vesanemitiar e vimatai Sie nina, tutir nie anio raro pa vura ma, seson Sie pai tawana. Dionate so siniotu vevaro pi pasia, e vie nadi tawana so Sien Allah. ³ Raria pesi pa, diam toru raria pai, apa sieyo Sien nie Malaekat pesi riama solie siau L, e diayo, "Kornelius". ⁴ Apa Kornelius sieyora so Malaekat pai nanapi saneraro vematai. Avori kievo so Malaekat pal e dioyo, "Tuani, vitonina". Amana Malaekat pai ruar so Korneliusi e dioyo, "Sien Allah ruin nomu nadi pasi, tutir nomu onate pasi to manau. ⁵ Apavo buemias esiae senda sesau Simon Petrus. ⁶ Andia miesoi nana siniotu vesanomi na Simon siniotu vekata binatan rawa pai, nie anio pai, nia sasi dere pa". ⁷ Malaekat vekavo tutir Kornelius pai vievu to manau pa, Kornelius siau nie siniotu venana anio raro pa sumbe muandu, tutir matauni nie tentara pesi kota. Tentara nini ma sanetiar Sien. Allah kota. ⁸ Komeliusi topanariri so setoru to manau pa, janama diemiasa setorue senda so aniose Yope. ⁹ Kausapa pa, senda sederiasi aniose Yope to manau. Amamo Petrusi slayai so anio pal sos venana vavo pale vie nadi pa. Vape raria rabua to manau pavo, vievisi ¹⁰ Apavo dio diapi. Vape erine vori seto sepir pisia pasi so setapi pa. ¹¹ Apa sieyo mana rora wai tiesieva, e piesi vieva ariri sis vesavaverie senggasie nana samabu ata pasie setuwi nana vavo wa mesu so kakopa ne. ¹² Nana sis pai raro pa, sieyo binatan saserai vura asia. Binatan saserai veraemi at pa, binatan saserai vesavaya pasi, tutir aya saserai vura. ¹³ Avori raopui pesi kievo soie diayo; "Petrus, suobatau. Mun e buan!" ¹⁴ Amana Petrusi kievore diayo: "Sie panau, kasa piva. Aso yama aya yan pi venauria, pivai pi viomadidi pesa varami". ¹⁵ Amana raopui pai riotu soi riwaneae dioyo: "Pi vitopi Sien Allah diona to manaue ve pi venauria va pa, sueyosi ve pi viomadidi vape moja". ¹⁶ Pinine veruana veito vetoru mo. Janama sis pai tiesiasa so rora wa. ¹⁷ Petrusi sanepai sasera so piwana nari toane. Petrusi andia sanepai sasera ramie, siniotu Korneliusi diemiasa pa setoru sendama so Simoni nie anio pai to manaue, setosa nana repo pa. ¹⁸ Janama sesau siniotu pesie setutanie setoyo: "Avo siniotu vesanomi nana Simon Petrus pal, niana anio ninie ?" ¹⁹ Petrusi andia sanepai sasera pi sieyora pai tarai pai ramie, Wainunu Sren pai kievo sole dioyo; "Petrus, siniotu pa esandu susasera au pa. ²⁰ Sairae vuar avav so douwa, e rua usara sia, sane sasera au vape moja, aso Ya yemiasa sia ma". ²¹ Janama Petrusi viar avav, e kievo so siae dioyo: "Siniotu mesasera pa ya nine. Piesa mendama soapae?" ²² Amana setoru setoyo; "Kapten Korneliusi, andi diemiasa amatoru ma. I ma siniotu vesanemitiar Sien Allah nina, e kaiwasa Yehudi pai vura tietuana Korneliusi kota. Vape Sien Allah nie Malaekat pesi diemiasie siau au, ave rua soi na nie anio wai. Ave diediawa kavo vitopi kuevora soi pa." ²³ Janama Petrusi dionae sesua nana anio paie senana jana. Kausapa pa Petrusi siobataie riausara siae senda. Siniotu veve Kristen to manau nana aniose Yope pa esia, sendausari kota. ²⁴ Raria vesousara pai mana, senda so Kaesarea to manau. Mae Kornelius ma, ruir nie usapui pai tutir nie maneta pasia, e setanota na wana to manau. ²⁵ Petrusi riama to manau pa, Korneliusi biataie ria vedior i nana rature paie disanebu pasie siom i. ²⁶ Amana Petrusi rusasani e dinggavo soie dioyo: "Buosa, aso ya ma siniotu ni ya kota". ²⁷ Kievo katu tutir Kornelius to manau pa, janama Petrusi suapui so anio pai. E sieyo mana kaiwasa pai ruir to manau pa, ²⁸ Apa kievo so siae dioyo, "Matau menduin to manau toapa, nanapi agama Yehudi nei mamo, siniotu Yehudi pasi sa sive maneta tutir siniotu vevesiei pasi va. Vape nine ma Sien Allah vieruana so ya to manau, toapa sa jetor siniotu pesi ariri pi venauria va, pi vio madidi va. ²⁹ Apa joma tuani suau ya mana irama ne, apavo nine ma yo jediawa au, aso vitopi suau ya soa pa". ³⁰ Janama Korneliusi kievo so Petrusi e dioyo; "Ravine vepo wani, jam toru ravinena pai, toapa nine mo, amamo ive nadi nana anio ne pa, worabua va mana siniotu pesi diosa na aropone. Nie sasu pasi sisanggapara, ³¹ Avori kievo so yaue dioyo; "Komelius, Sien Allah diediawa nomu nadi pasie, ruin nomu pi som pasi vura. ³² Apavo buemias esiae senda so aniose Yope, e sesau siniotu vesanomi na Simon Petrus, andia miesoi nana siniortu vesanomi na Simon, siniotu vekata binatan rawa pai, nie anio pai, niana sasi dere pa. ³³ Apa joma jemias siniotue sendamatu sesau tuani au pa vape vatae tuani buete pa ruama ne. Janama ama vurae amanduir to manau nana Sien Allah aropo ne, ave amamo amatadiawa kavo Sien Allah diemiasa tuani aue, tuopana so ama pasi".