Genesis 8
Genesis 8:1
Q:Kasano a pinababa ti Dios ti danum?
A:Pinagangin ti Dios, nairikep dagiti ubbog iti uneg ti daga ket nagsardeng a nagtudo.
Genesis 8:4
Q:Nakaisadsadan ti daong?
A:Simmadsad ti daong kadagiti bantay ti Ararat.
Genesis 8:8
Q:Ania ti napasamak iti immuna a tiempo a nangipatayab ni Noe iti kalapati manipud iti daong?
A:Iti immuna a tiempo, awan ti nasarakan ti kalapati a lugar a pangidissoanna, ket nagsubli daytoy kenni Noe idiay daong.
Genesis 8:10
Q:Ania ti napasamak iti maikadua a tiempo a nangipatayab ni Noe iti kalapati manipud iti daong?
A:Iti maikadua a tiempo, nagsubli ti kalapati nga adda iti nalangto a bulong ti olibo.
Q:Ania ti napasamak iti maikatallo a tiempo a nangipatayab ni Noe iti kalapati manipud iti daong?
A:Iti maikatlo a tiempo, saanen a nagsubli ti kalapati kenni Noe.
Genesis 8:13
Q:Ania ti nakita ni Noe idi inikkatna ti kalub ti daong ket kimmita iti ruar?
A:Nakitana a namagaanen ti rabaw ti daga.
Genesis 8:15
Q:Sadino ti kayat ti Dios a papanan ken aramiden dagiti amin a parsua nga adda iti uneg ti daong idi rimuarda ti daong?
A:Kayat ti Dios nga agbunga ken umadu dagiti amin a sibibiag a parsua iti rabaw ti daga.
Genesis 8:20
Q:Ania ti inaramid ni Noe idi rimuar isuna manipud iti daong?
A:Nangaramid ni Noe iti altar para kenni Yahweh ken nangidaton isuna iti napuoran a daton iti altar.
Q:Ania dagiti dua a kari ti Dios nga inaramidna iti sangkatao-an iti daytoy a tiempo?
A:Inkari ti Dios a saannan nga ilunod ti daga, ken saannan a dadaelen ti tunggal sibibiag a banbanag.
Q:Ania ti imbaga ti Dios a kababalin ti tao manipud iti kinaubingda?
A:Imbaga ti Dios a ti kababalin ti tao manipud iti kinaubingda ket dakes.