2 २) काहाके जीवनोन आत्मान कायदो ते , बोगवान यीसु मा मेहे पापोन ओवी मोतोन कायदु दोखु,छुटकारो कोर देल्लो। 3 ३ ) जे काम कायदा डीलोन सहारे थाकायलो ओईन नी कोरयु,तीनाक बोगवान कोरयु,बाखीन खुदोन पुरया के पापो डीलो न तोहलो,ओवी पापोन के भुकताडने कोरिन वाटे मोकलीन,डीलोम पापन सोजान हुकुम आपी। 4 ४) कायदान नियमो आमरेम ज्ये डीलोन सहारे नी,पुण आत्मान सहारे चाले ,पूरो ओयतो जाय। 5 ५) काहाके डीलोन माणुह डीलोन लातों पोर मोन लागाडे,पुण जाणकार आत्मान वातो पर मोन लागाडे। 6 ६) गुलों पोर मोन लागाडनो ते मोरोण से,पुण आत्मा पोर मोन लागाडनु जीवाय एने सांती से। 7 ७) काहाके डीलो पोर मोन लागाडनो ते, बोगवान दोखो सेटो ओयणे से,काहाके नी ते बोगवानोन कायदा मा रोयणो से,ओवी नी ओय,सोके ।
8 ८) ज्ये डीलोन हालोत मा से,च्यु बोगवानोन ह खुस नी कोर सोके। 9 ९) पुण जेतार बोगवानोन आत्मा तुमरे मा वास कोरे,ती तुमु डीलोन हालोत मा नी,पुण जाणकार हालोत मा से, बाकीन कुणीमा बोगवानोन आत्मा नी,ते च्चा तेरु माणुह नी ओये 10 १०) बोगवान तुमुरेम से,ते डील पापोन देख मोरली से,पुण आत्मा धोर्मीन देख जीवतु से। 11 ११) बाकीन तेरोत आत्मा ज्यु येसु काजे मोरलाम दोखु जिवाडयु,तुमुह मा बोहलो से,ते ज्यु बोगवान काजे मोरयाम दोखु जीवाडयु, च्यु तुमरी मोरोण हार डीलोह के बी खुदोन आत्मान देखु ज्यु तुमरे मा बोहलो से जीवाडहे। 12 १२) ते ए भायहो,आपणु डीलोन कर्जावावा नींबे,डीलोन सहारे दीही काटजे। 13 १३) काहाके तुमु डीलोन सहारे दीही काटहु,ते मोरहु बाकिन आत्मान डीलोह काम काजे ह मारहु, ते जीवता रोयहु। 14 १४) ज्योतरा माणहे बोगवानोन आत्मा मा चालणे बाजरोया से,च्ये बोगवानोन बेटा से । 15 १५) तुमु च्याकरयान आत्मा नी जुडी की ओवी बिहता रोयु,पुण हिम्मोतोन आत्मा जुडली से, तेरसी आपहु हे बाबा,हे बाह कोयीन आयडजे। 16 १६) आत्मा खुद आपणी आत्मा हाते गोवायी आपे,की आमु बोगवानोन पुरया से। 17 १७) ओवी पुरया से ते गोराणो बी नीते बोगवानोन गोराणो खोरलो गोराणो से,जेतार आमु तैर हाते दुख उठावजे ते तेर हाते मोहीमा बी जुडहे। 18 १८) मी होमजो ,की इनी टेमोन दुख ओवी वेलहा तेर बोडायीन ओगोव जे आमरे पोर ओगोव ओयणे वावी से,काय बी नी ओय 19 १९) काहाके कोव मोटी आसा भोरीन देखली से बोगवानोन पुरयाके आवणे कोरीन वाट भावणे बाज रोया से। 20 २०) कोव खुदोन मोर्जी सी नी,पुण हुकुम कोरणेवावान दोखी बोगवानोन हुकुम इनी आसा सी कोरी।
21 २१) कोवी बी ते खोतोमोन नोकरयान सी छुटकारो जुडी जाय बोगवानोन पुरयान बोडाईन आजादी लीन कोरहे ।
22 २२) काहाके आमु जाणतला से,की आखी कोवी एवी तोक मेवीन कासे ,ओवी पीडामा पोडीन तडपहे हे। 23 २३) च्योत नी पुण आमु बी जींदरे हाते आत्मान पेल्लो फोव से,आपहा खुदोन मा काहे,ओवी हियाव बांधणेन कोरीन खुदोन डीलोह छुटकारान वाट भावे।
24 २४)आसान कोरता ते आमरो छुटकारो ओयलो से,पुण जीनी चीजोन आसा कोरतला से जेतार, च्यु देखणेम आवे ,ते ओवतीह आसा काहा रोई गोई? काहाके जीनी चीजोन कानलो देखणे बाज रोयो तेर आसा काय कोरहे?
25 २५) पुण जीनी चीजो के आमू नी देखता,बाकीन तेर आसा राखतला, ती धीर देखा तेरी वाट बी देखजे। 26 २६) इनी रिते सी आत्मा भी आपणी कोमजुरी मा मोदोत कोरतलु से,काहाके आमु नी जाणता,की पोरथना कानली रिति कोरिन कोरणो जुवे,पुण आत्मा आपहुत ओहली मुय खुली खुलीन जे विचार दोखु बारथो से,आपणे पोर विनती कोरतलु से। 27 २७) ओवी मोनो ह जाचणे वावु जाणतलु से, कि आत्मान मोनसा काय से? काहाके च्यू पवित्र माणहोन पोर बोगवानोन इस्यान सहारे विनती कोरतलु से। 28 २८) ओवी आमु जाणतला से ,की जे माणहे बोगवानोह दोखु मोंग राखे,तीनुह पोर आखी वाते मेवीन भोलाई काजे उपजाडे ,कोरीन तीनुह पोर जे तेर मोर्जीन सहारे बुलाई गोया से। 29 २९) काहाके तीनाहा,च्यु पेल्ले दोखु जाणी लेदु से,तिनाक पेल्ले दोखु ठेहरावलु बी से की तेर पुरयान तोहलो मा ओयजाय ,ते च्यु घोणा बायहो मा पेल्लू ओये। 30 ३०) ओवती तीनुह तिन्दरे दोखो पेल्ले सी ठेहरावलु तिनुह बुलायु बी,ओवी जिनाहा बुलावयु तिनाहा धोर्मी बी बोणावलु से। 31 ३१) ती आमु इनी वातोन बारामा काय कोरजे? बाकीन बोगवान आपणे खेर से,ते आपणु दुश्मोन कुण ओय सोकतलो से? ( भजन संहिता ११८:६)
32 ३२) च्यु ते खुदोन लाडका पुरयान काजे बी नी छुडयु, पुण तिना आपणु आखा पोर आपी देल्लु,च्यु तेर हाते आपहु,ओवी आखोत काय नी आपे? 33 ३३) बोगवानोन नेवाडला पोर आंगवी कुण लागाडे? बोगवान च्युज से ज्यू तिनुह धोर्मी बोणावणे वावु से। 34 ३४) ओवी कुण से ज्यु सोजान हुकुम आपे? बोगवान च्यु से,ज्यु मोर गोया,ओवतेन मोरयाम दोखु जीवतु बी ओयु ,ओवी बोगवानोह जेवडीये खेर से ,ओवी आपणे पोर विनती बी कोरे। 35 ३५) कुण आपहु बोगवानोन मोंग सी ओलोग कोरहे? काय दुख काय वेलहा,काय विरोधी,काय गोरबाय ,काय नोगांई ,काय जोखोम ,काय तोलवार?
36 ३६) जोहलो लेखलो से ,तारे पोर आमु दीही भोरीन मोरता जाजे, आमु मोरने वावान डुरोन तोहला गिणाय गोया से।(भजन संहिता ४४:२२) 37 ३७) पुण इनी आखी वात मा आमु तेर दोखा ज्यु आमरे सी मोंग कोरयु जीतणे वावा सी बी बोडीन से। 38 ३८)काहाके मी हाचलीन जाणतलू से,की मोरण,नी जीवाय,नी सोरगोदुत, नी हुकुम चालाडण्या,नी चाल रोही टेम, नी आवणेवावी टेम ,नी ताकोत ,नी ऊचो । 39 ३९) नी ऊंडो ओवी नी कुइ आमु बोगवानोन मोंग सी ज्ये आपणा बोगवान यीसु मोसी मा से,ओलोग कोरी नी सोकहे।