2 कुरिंथी सेहरों बोगवानोन मोड़ली मायला मानहोह यि चीटटी लेखतलु, ज्या मानहे येशु मोसिमा पोवित्र बोण गोयला से ऐंने पोवीत्र ओयणॆन कोरता बुलाडने आवला मोडंली मायला से, ज्या जागे जागेन माणहे परबु येशु मोसीही नावलीन पोरथना कोरतला तीदरूबी ऐने आपणू बी परबु च्यूज से ।
3 आपणू बाह बोगवान ऐने परबु येशु मोसीखेर दोखी दोया, ऐने सुख शांति तूमुहु आखाह जुडती रोयहे । 4 बोगवानोन दोया येशु मोसी दोखी तूमुहु जुड़ली कोरिन मि जोलम तुमरे कोरता बोगवानोंह धन्यवाद करतलू
5 तूमु येसु मोसी हाते मिविन रोयताला कोरिन बोगवान तूमूहु आखी वातोमा मोज खास कोरीन बोगवानोन वात सोमजणॆन ओक्कोल एने दिहराह हीकाडनेमा जराकुण बोणाव। रोयूहु।
6 यो पोक्को दे खातलू के ज्यो काय आमू येशु मोसीन बारामा कोयला चयो यो खोरो से। 7 ज्यो काय तूमूह जोरुडी स चये या आंखों चू तुमुह जोरूडी से चो आखो चू तुमुह आप रोयूह, कोरीन बोगवानोन हाजो काम कोरनेन कोरता तुमुह पोवित्र जीव आत्मा आप रोयूह तीनि वोरदानोन तूमुहु कायतान बी कोसोर नी ओयो ऐंने तूमु आपणू परबू येशु मोसी फसु आवहे कोरीन वाट जुव रोयतला।
8 परबू येशु मोसीन नीयाव नीवाडान दीही तूमुह बिगुर गुनावाला दोरावनेन कोरता, भोगवान आखरी दिही लोगोण तूमुह तूमरा बुरहामा पोक्का मेकहे।
9 बोगवान एने कोरहे काहाके चू बूरहु कोरनैन लायक से, ऐंने चू तूमुहु तेर सुरु परबू येशु मोसी हाते, मीवीन रोयणेन कोरता हाद रोयुह। 10 ए मारा लाडका बायहा बोणहा, परबु येशु मोसीन नावोमा मेंहे आप रयहु तीना आदीकारी देखु मि तूमुह रावणया करतलू, के तुमु एकुज वात कोरू एने तुमु आखा एक दीहरा हाते मिवायता रयू, तूमुरा विसमा फाटाफूट नी ओयणू जुवे। तूमु बोठा एकुज मोन ऐंने एकुज विचारमा रोयनणू जुवे।
11 काहाके ए मारा बायह, बोणहा, तूमरा विसमा जगडू चाललु से कोरीन खोलीयान कुटमोमा दोखी ओहली खोबर होबवणॆ जूडली से। 12 च्यो ओहलो से के तूमरा विस्मा थूडाक माणहे कोयतला आमु पोवलूसोन खेर से थूडाक कोयतला के आमु आपूलूसोन खेर से ऐने थूडाक कोरयतला आमु पोतरसोन खेर से ऐने थूडाक कोयतला आमु मोसिन खेर से।
13 तूमरे कोरता येशु मोसी वाटाय गयू के कोदी नी तूमरे कोरता पोवलूस कुरुसोपोर मोरीन तूमूहv सुटकारू आपलू के पोवलूसोन नावोमा तूमुहु बापतिस्मान रीत लेदला के 14 कीरी किरिस्पुस ऐने गायूसोह सुडीन तुमरा मायलाह लुणिही बि मि बापतिस्मा नी आप्यू कोरीन मि बोगवानोह धन्यवाद कोरतलू
15 कोरीन मि पोवलूसोन नावोमा बापतिस्मा रीते लेदलु से कोरीन कुण बि नी कोय सोकतला।
16 होव मि इतिफनूसोन गोरल्या मायलाहा बि बापतिस्मा रीते आपलु से पुण तीनूह सुडीन दीहराह कुनीह बि बापतिस्मा आपलु के नी च्यो मेहे ओर नी आवतो 17 काहा के बोगवान मेंहे बापतिस्मान रीते आपण नी, पुण येशु मोसीन हाजली खोबर दीहराह पोरचार कोरने मुकलु से, ज्यों बि मि बुलतलू ते माणहो दोखी जुडली आक्कोल दोखूू नी बुलतलू जोर मि मार आककोल दोखू बूलो ते येशु मोसी कुरुसोपोर जीव आपलु , तेर बारामायन ची वात वायबार ओय जोहे 18 काहाके ज्या बोगवानो हाते दोखा सेटा रोयने बाज रोयह तीनूह येशु मोसी कुरुसोपोर मोरलु यि खोबर बिगुर कामोंन से एहै लागतली पुण ज्या आपण होस वाच रोयाह तीदंरे कोरता यी खोबर बगवानोन सोकती से।
19 काहाके पोवित्र पुस्तकमा एहे लेखलो से, मि ओकोलवावान ओककोल नास कोरीह एने ज्या सोताह सोमजदार सोमजतला तीदंरी सोमोज वायबार कोर दिही 20 का रोयु ओकोलवालू,? का रोयू येहूदिन नेम हिकानारु ? एने का रोयू इनी कोवींन जोखडी पोडनार ? बोगवान इनी कोविन मानहोन ओक्कोलोह रिकामी नी कोरयू काय?
21 काहके बोगवानोन कोवीन मानहे तीदरा ओक्कोलोंन आसरु लीन बी बोगवानोंन काय नी जाणया कोरीन आमु येशु मोसीन हाजी बातोन पोरचार कोरत ता ची वात खुबू माणहोह रिकामी लागतली। ते बि बोगवानोह यो पोटयो के तीनी हाजी वातपोर ज्यो बुरहु कोरतला तीनूह वाचाड़ने बोजोट लागडलू। 22 येहुदी माणहे चोमतकार देखनेन मांग कोरतला, एने यूनानी माणहे व्यय ओकोलोह हुदतला।
23 पुण, आमु कुरुसोपोर खीला ठुकिन चो दोरावला तीना येशु मोसीन हाजी वातोह पोरचार कोरतला, यी वात येहूदी जातीन मानहोन कोरता यि वात बीन ओक्कोलोन से। 24 पुण ज्या येहूदी से नीते बिगुर येहूदी से तीनी बोगवान जीनुह तेर सोतान पूरया सोमजिन निवाड रयुहहु , तीदंरे कोरता मोसिन बोगवांनौन सोकती एने बोगवानोन ओक्कोल से
25 काहाके बोगवानोन काम ज्यो मानहोंन काम ज्यो नोजरोमा बिगुर कामोंन देखायतलो च्यो खोराखोर ओक्कोलवावान कामो दोखो वोततो ओककोलवावो से , ऐन माणहोन नोजरोमा बोगवनोंन काम कोमजूर देखायतलो च्यौ खोराखोर मानहोंन सोकति दोखों वोततो ताकोतवावो से। 26 ए मारा बायहा बोणहा, बोगवान तूमुहू नीवाडनेन पेल तूमुहू केहेक रोयतोता च्यो होसकोरिन विचार कोरीन माणहोंन नोजरोमा तूमु ओक्कोलवावा बी नी ओता ऐन तूमु ताकोतवावा बि नी ओता ऐन तूमु मोटला गोराणान बी नी ओता।
27 कोविन ओक्कोलवालाहा लाजवाडनेन कोरता मानहोन नोजरोमा ज्या बीन ओकोलोन से तीनहु बोगवान निवाड़यू ताकोत वावाह लाजवाडनेन कोरता मानहोन नोजरोमज्या लुला ओता तीनहू बोगवान निवाड़यू। 28 ऐन बोगवान ज्या मोटाया कोरतला तीनहु लाजवाटनेन कोरता कोविन मानहे जीनूह खूब नेचा सोमजिन हीग कोरतला ऐन जिनुह कायतान लायक नीबदे सोमजतला तिनुहुन बोगवान निवाडतलू।
29 कोरीन बोगवानोन ओगोव कालु बि मानूह मोटाय नी कोरनू जुवे। 30 भोगवान तेर कीव दोया दोखी येशु मोसिमा तूमूह मीवाड देतलू, ऐन ज्यु यीशु मोसी भोगवानोखेर दोखी आपुह ओक्कोल आपणारु से, ऐन आपना पापोह टूवीन दोरमी बोनावनारू से ऐन पोवित्र बोनावनारु से ऐन सूटकारू आपणारु से।
31 तीनमा पोवित्र पुस्तोकोमा एहे लेखाय रोयोह के जोर कुन बी मोटोय कोरने हुदे ते सोतान बारामा नी पुन परबू येसु तुमरी जीवायमा काय करयू तेर कोरता ओतरज मोटाय करनु जुवे।