¹ Njâuv Zâu Yê-su ayx Đa-vitv Hungh nyăngz sây stunz, Đa-vitv Hungh yâuc ayx Apv-ra-ham nyăngz sây stunz, nâyx zanyf ja nây six Njâuv Zâu Yê-su stu-stongz stâyv stipx stâyv nyăngz stamx stâu. ² Apv-vra-ham stengb i-sakc, i-sakc stengb Ya-côpv, Ya-côpv six stengb Yu-đa buz nyăngz yâuf pez. ³ Yu-đa stengv Pha-rê cloon Sa-ra, năn stiz nyăngz nzif bux hipđ ayx Tha-ma. Pha-rê, stengb Êkv-rôm, Êkv-rôm, stengb A-ram. ⁴ A-ram stengb Am-mi-na-đapv. Am-mi-na-đapv stengb Na-akv-son. Na-akv-son stengb Sany-môn. ⁵ Sany-môn stengb Bô-ô. Bô-ô nyăngz nzif bux hipđ ayx La-hapv, Bô-ô stengv Ô-biêtv. Ô-biêtv nyăngz nzif Du-tơ. Ô-biêtv stengb Dê-sê. ⁶ Dê-sê stengb Đa-vitv Hungh, Đa-vitv Hungh stengb Sa-lô-môn Hungh, Sa-lô-môn Hungh nyăngz nzif lôx noib six U-si nyăngz au. ⁷ Sa-lô-môn Hungh stengb Rô-bô-am. Rô-bô-am stengb A-bi-ya. A-bi-ya stengb A-sa. ⁸ A-sa stengb Rô-sa-phatv, Rô-sa-pha stengb Yô-lam. Yô-ram six Ô-sia. ⁹ Ô-sia stengb Yô-tam, Yô-tam stengb A-za. A-za stengb ê-sê-zê. ¹⁰ Ê-sê-zê stengb Ma-na-se. Ma-na-se stengb A-môn. A-môn stengb Giô-si-ya. ¹¹ Giô-si-ya stengb Hê-zô-ni buz yâuf pez. Woax zanyf toix zuc i-sa-la-ên munh zuc gutb ninyh Ba-bi-lôn stâyz phangz. ¹² Zuc gutb ninyh nzuf blătc quaix đangz Giê-cô-nia, stengb Sê-la-tha-ên. Sa-la-tha-ên stengb Sô-rô-ba-bên. ¹³ Sô-rô-ba-bên stengb A-bi-utv. A-bi-utv stengb Ê-li-ya-jim. Ê-li-ya-jim stengb A-sô. ¹⁴ A-sô stengb Sa-đôkc. Sa-đôkc stengb A-zim. A-zim stengb Ê-li-utv. ¹⁵ Ê-li-utv stengb Ê-lê-a-sa, Ê-lê-a-sa stengb Ma-tan. Ma-tan stengb Ya-côpv. ¹⁶ Ya-côpv stengb Yô-sepv. Yô-sepv stengb Ma-li-ya nyăngz langh. Ma-li-ya six Yê-su nyăngz nzif. Yê-su munh hipc ayx Njâuv Zâu woax tauh. ¹⁷ Năngđ naz, tăng Apc-la-ham stunx tauv Đa-vitv Hungh naih săpc stâyx stâyv, tăng Đa-vitv Hungh stunx tauv i-sa-la-ên munh zuc gutb ninyh ba-bi-lôn lauf naih săpc stâyx stâyv. Tăng i-sa-la-ên munh zuc gutb ninyh ba-bi-lôn, stunx tauv Zâu Yê-su stengb stâyv lauf naih săpc stâyx stâyv. ¹⁸ Njâuv Zâu Yê-su stengb stâyv nyăngz jau six năngđ nâyx. nănh nyăngz nzif bux hipđ ayx Ma-li-ya, Yô-sepv naic nănh nyeenc săngh nzof. Six nănh stiz max zengx tinyh cloon phâyx, six Ma-li-ya naih stynb nzof, six tăng Singx-lingh nyăngz jab taih. ¹⁹ Nănh nyăngz langh, Yô-sepv, six munh gongx munh, nănh max oix phunz Ma-li-ya toongx songx zuc nyayz. nănh songđ yămz nyâuđ nyâyh cayx ta pinyx toiv. ²⁰ Yô-sepv yămz nyâuđ nyâyh ayx nâyx, năngx naih ah tauh Zâu nyăngz Stynz-munh taih poux bâyx bux nănh, “Đa-vitv Hungh nyăngz sây stunz, Yô-sepv lex! Năngx gâyf numđ nyayz, phanv nongc Ma-li-ya ayx mâyh nyăngz au gôh bex. nănh naih woax nomz stynb six wâyc Singx-lingh nyăngz jab phunz nănh naih. ²¹ Nănh stengb tuz ah tauh toonz. mâyh six zuc oonz bux phunz woax tauh toonz hipđ ayx Yê-su. Songđ wâyc nănh oix Njâuv nănh nyăngz pec stingx gâyh đutb nănh stiz nyăngz stoif. ²² Nâyx đomc muif hungđ dlayc seetb taih toix nzuf lôx noib Zâu nyăngz tâuc woac munh tâuc taih nyăngz woac. ²³ Nănh coong, “naih ah tauh munh sab max zengx tuz cloon munh baox phâyx quaix bix naih stynb. Nănh stengb tuz ah toonz, nănh stiz oonz bux hipđ ayx Ê-ma-nô-ên, âyz gâyf six Zâu Tênb-Hungh cloon pănh yămz. ²⁴ Yô-sepv đyub taih, nănh âyz Zâu Stynz-munh bux nyăngz woac ayx, nănh ênz Ma-li-ya lauf nongc ayx au. ²⁵ Six nănh stiz max zengx tuz tinyh cloon phâyx, zu tauv Ma-Li-Ya stengb tuz woax tauh toonz nzof .Yô sepv songđ oonz bux phunz woax tauh toonz hipđ ayx Yê-su.