¹ Pôz noib quaix đangz, Ca-na njăngv naih ah phangz coonx. Ga-li-lê Stâyz-Phangz, Zâu Yê-su nyăngz nzif lauf yămz woa.” ² Munh yâuc tinyđ Zâu Yê-su cloon nănh nyăngz Stâyb-sây buz ninyh woa coonx hynh.” ³ Cun lauh tyu nzuf Zâu Yê-su nyăngz nzif bux nănh coong, “Nănh stiz nyăngz tyu nzuf nzof gôh.” ⁴ Zâu Yê-su tauz, “Nzif lex, Săngx laix phunz nâyx đomc dlayc queenđ tauv yaz? Max zengx tauv yaz nyăngz săngx huđ đêh. ⁵ Nănh nyăngz nzif bux woax đomc cumh pâuz munh coong, “Nănh bux nyâuh ayx lungđ, nyâuh six zuc ayx âyz bef.” ⁶ Yămz woa naih joz nomz njauz engz, Muif nomz ănz tuz ah pec nyâyc đitx womz, Yiu-tai munh nongc ayx âyz gâyf đaox staux stav wâyx.” ⁷ Zâu Yê-su bux woax đomc cumh pâuz munh coong, “nyâuh taox womz ănz lâyc đomc njauz engz năngx pong geh.” Cumh pâuz munh songđ zăngf womz ănz tuz tong tauv cah nzeetx nzuf.” ⁸ Zâu Yê-su năngx bux nănh stiz, Nâyx zanyf nyâuh quab lâyc đomc engz womz nzâyz ninyh phunz playc-congz geh, Nănh stiz songđ lênh dlih quab nzâyz ninyh clôc phunz playc-congz.” ⁹ Playc congz stâyv mungv nâyx đomc womz pênx tyu nzuf. Nănh max pâyz tuz nâyx đomc tyu tăng laiv tix taih, ( Six quab womz woax đomc pâuz munh pâyz.) nănh songđ êu săngb langh taih naic. ¹⁰ Coong bux nănh, “Munh tinyđ zeb munh taih six phunz tyu cuđ hopb đangc lêđ, Zu munh hopb đungx nzof nzăngđ zoz tyu max cuđ taih đangz lêc, Six nyâuh năngx njâuh tyu cuđ tauv nâyx zanyf nâyx yeh!” ¹¹ Zâu Yê-su yămz Ga-li-lê Stengv, Ca-na njăngv, ayx nây tah yeetx hâyc jix-caox njingf nyăngz dlayc, Goib yangh nănh nyăngz Gwăngz-eng, Phunz stâyb-sây buz yâuc hayh zeen couv nănh. ¹² Blătc woa Zâu Yê-su cloon nănh nyăngz nzif, cloon nănh nyăngz yâuf, cloon Stâyb-sây buz ninyh yămz woa Ca-bê-na-um Muôngf tuz batz noib. ¹³ Cayx tauv Yiu-tai Munh nyăngz pyeenv mengc stêtz, Zâu Yê-su songđ ninyh Yê-lu-sa-lem Stengv. ¹⁴ Nănh nzac woa layf paix pyau cah njaf ninyh mangc phătc munh yămz woa maic ngoongh, maic yungh, maic noc copz, Yâuc naih munh stâyv woa wănc nyanh. ¹⁵ Nănh songđ zoz langđ taih bynf săngh ah Stynz langđ pyênz, Luiđ nzuf yeetx Stong njynh ngoongh, Yungh, noc, taox njynh Nănh stiz wănc nyanh woax đomc đaih mâyf ayx quengx nzuf. ¹⁶ Nănh seetb lanyf êu woax đomc maic noc copz nyăngz munh êu nănh stiz nzâyz yeetx stong tax’ hungđ seetb ninyh năngx nzuf, Max phunz pyênv yaz nyăngz pha nyăngz pyau pênx maif-maic nyăngz pyau. ¹⁷ Stâyb-Sây buz songđ săngx tauv Canyx-Stâub ja coong, “Yaz wâyc mâyh nyăngz pyau jomz nyâuđ, Năngđ tâuf sac nâyx joomz bongh.” ¹⁸ Ayx lub woax đomc Yiu-tai munh naic nănh coong, “Mâyh naih nhleenz tâuv gâyf ayx nâyx đomc Jix-caox njingf nyăngz dlayc?” ¹⁹ Zâu Yê-su tauz, zeb huđ nâyx sênz layf paix pyau, Pôz noib cah njaf yaz cănh zâyv tuz săngh staox taih phunz nyâuh mangc geh! ²⁰ Nănh stiz Yiu-tai munh tauz, Pôz noib mâyh hayh ayx tuz săngh naz? Buz zâyv nâyx sênz layf paix pyau stâyx săpc guc nyăngv nzăngđ tuz săngh nec!” ²¹ Zâu Yê-su coong woax sênz layf paix pyau, Six seenz cănh coong pây tauv nănh nyăngz stynb.” ²² Quaix đangz nănh tayc năngx săngh phunb Stengb taih, Stâtb-sây buz nzăngđ zeen Canyx-Stâub nyăngz woac, Cloon Zâu Yê-su bux woax muif zâux woac. ²³ Zâu Yê-su ninyh Yê-lu-la-lem Stengv tayđ quaix pyeenv mengc stêtz, naih munh đungx zeen couv Nănh, wâyc zuc nănh stiz phătc nănh ayx Jix-caox njingf nyăngz dlayc.” ²⁴ Six Zâu Yê-su max pungx nyâuđ nănh stiz, “wâyc zuc nănh pâyz tuz nyeenh mănh.” ²⁵ Nănh max nongc toix laiv tauh Munh bux nănh ayx laix, wâyc zuc nănh cănh pâyz tuz bamh munh nyăngz Stymz nyâuđ.