¹ Năngx naih ah noib songđ tauv Yiu-tai Munh quaix pyeenv mengc stêtz, Zâu Yê-su pâyz tuz tauv nănh nyăngz Săngx huđ six zuc gâyh nây bamh canz phunb đangz muf Nzangc Pha woa, Nănh stăngz yămz nây Bamh canz zeen Nănh woax đomc Munh, Yâuc phunz Nănh stiz pâyz tuz nănh stăngz tauv tauh tauv mâyv. ² Zâu Yê-su cloon nănh nyăngz stâyb-sây buz nhlync bah nzămc năngv woax zanyf, Manđ taih nyâpc nzac Si-môn nyăngz toonz, Yu-đatc ikv-sa-ca-đi-ôtv nyăngz stynb, ayx phunz nănh maic Zâu Yê-su.” ³ Zâu Yê-su pâyz tuz nzangc Pha zoz muif hungđ jaoz phunz yămz nănh nyăngz puf đi, Yâuc pâyz tuz Nănh tăng Tênb-Hungh woa taih, Yâuc năngx zuc muf Tênb-Hungh woa.” ⁴ Nănh nyoongz quef ninyh gâyh woa hynh, Zay cungh ngwoaic woax yămc Gwuyz tăpx ănz woa. Zoz tungh mynb stayb clai.” ⁵ Zoz womz taox ănz tungh bônh, Nzâyz taih đaox staux phunz stâyb-sây buz, đaox tuz, Năngx zoz stayb nănh nyăngz clai woax nomz tungh mynb stotb tuz gaib phunz.” ⁶ Đaox tauv Si-môn Phê-e-rơ nyăngz staux, Nănh songđ naic, “Zâu lex! Mâyh cayx đaox yaz nyăngz staux naz?” ⁷ Zâu Yê-su tauz, “Nâyx zanyf yaz ayx năngđ nâyx nyâuh max pâyz, Six đangz phanx nyâuh cănh pâyz.” ⁸ Phê-e-rơ aox nhlengc max phunz đaox nănh nyăngz staux, “Phê-e-rơ coong, “Yaz max phunz stâyb-Pha đaox yaz staux đêh! Zâu Yê-su tauz, “Six coong yaz năngđ max đaox staux phunz nyâuh nec têx, mâyh six max naih phănc cloon yaz gôh.” ⁹ Si-môn Phê-e-rơ coong, “Zâu lex! Ha six max zâyf cungb đaox staux cungđ, six zuc đaox puf cloon pyây đongz timb!” ¹⁰ Zâu Yê-su coong, “Toix laiv tauh đăpc stynb, Six Njynh cloon stynb dlăngc, Six phanv đaox staux tuz gôh, “Songđ cănh dlăngc cloon stynb. Six nyâuh max Zâyf muif-tauh dlăngc đêh.” ¹¹ Zâu Yê-su pâyz tuz toix laiv tauh oix maic nănh, Nănh nzăngđ coong nyâuh max zâyf muif tauh dlăngc.” ¹² Đaox stâyb-sây buz nyăngz staux songf nzuf, Nănh songđ ninyh zoz Gwuyz zuz songđ ninyh stâyv woa hynh, Năngx naic stâyb-sây buz coong, “nyâuh pâyz tuz yaz ayx nâyx đomc dlayc phunz nyâuh max? ¹³ Nyâuh hipđ yaz ayx stâyb-Pha seenz toix gôh, “wâyc zuc yaz six Zâu.” ¹⁴ Six coong yaz Năngđ ayx Stênx-Stengb, Yâuc ayx Zâu, Bix năngx đaox staux phunz nyâuh, nyâuh oix zuc lanh đaox staux phunz lanh.” ¹⁵ Wâyc zuc yaz năngđ nâyx ayx jix caox phunz nyâuh hođ, nyâuh oix zuc năngđ nây nâyx lanh ayx phunz lanh.” ¹⁶ Yaz coong seenz bux nyâuh, “Pâuz max năngx lub têx Zâu, Paiđ ninyh nyăngz munh yâuc max năngx lub têx, tuz paiđ nănh ninyh woax Tauh.” ¹⁷ Six coong nyâuh năngđ pâyz tuz nâyx đomc dlayc, Yâuc ayx âyz songđ naih oonz-loc.” ¹⁸ Yaz max zâyf coong nyâuh tinyh đoih, Yaz pâyz yaz sên taih woax đomc munh, Six dlayc seetb taih toix nzuf Canyx-Stâub nyăngz woac, Canyx-stâub coong, “Cloon yaz songc hynđ nhlync năngv nyăngz Munh* Zaub staux zaic Yaz.” ¹⁹ Nâyx zanyf dlayc max zengx seetb taih yaz lănv bux nyâuh đangc. Six tauv woax zanyf dlayc seetb taih, nyâuh nzăngđ zeen coong yaz six laiv tauh.” ²⁰ Yaz lănv seenz bux nyâuh, Toix tauh stipx yaz paiđ ninyh nyăngz munh, Nănh yâuc stipx yaz, nzof toix laiv tauh stipx yaz, Yâuc stipx cloon paiđ yaz taih woax Tauh.” ²¹ Zâu Yê-su coong nzuf nâyx đomc woac, Nănh numđ nyâuh stauh nzongf, songđ coong, “Yaz lănv seenz bux nyâuh, “nyâuh đomc naih tauh oix maic Yaz.” ²² Stâyb-sây buz lanh mangc lanh, nyâyh max pâyz Zâu Yê-su coong laiv tauh.” ²³ Naih tauh Zâu Yê-su Stăngz woax tauh stâyb-sây stâyv limb nănh.” ²⁴ Si-môn Phê-e-rơ căpc pyây êu woax đomc stâyb sây buz naic jađ Zâu Yê-su coong laiv tauh.” ²⁵ Woax tauh stâyb-sây songđ đengh clangz quaix ninyh năngx stătx têx songđ naic, Zâu lex! mâyh coong laiv tauh?” ²⁶ Zâu Yê-su tauz, “Yaz nokx ah ax nzu phunz toix laiv tauh, Six woax tauh gôh, Zâu Yê-su songđ zoz ah ax nzu nokx womz clôc Phunz Si-môn nyăngz toonz Yu-đatc ikv-sa-ca-đi-ôtv.” ²⁷ Yu-đatc nhlync tuz woax ax nzu, Sax-tanx songđ taih nzac nănh nyăngz nyâuđ, “Zâu Yê-su bux nănh coong, “Mâyh oix ayx lungđ bix ninyh ayx zef gôh.” ²⁸ Songc hynh nhlync năngv nyăngz munh max naih mănv pâyz tuz Zâu Yê-su coong tauv Yu-đatc.” ²⁹ Wâyc zuc Yu-đatc jămđ nyanh hoomh, naih đomc Stâyb-sây laic stăngz six Yê-su êu Nănh ninyh maif tax hungđ nongc quaix stêtz, Mah six nzâyz nyanh ninyh phunz munh zâuđ Munh.’ ³⁰ Yu-đatc nhlync woax ax nzu tuz, Songđ lênh dlih seetb ninyh, woax zanyf yâuc gungh nzămc nzof.” ³¹ Yu-đatc seetb ninyh blătc woax zanyf, Zâu Yê-su coong, “Nâyx zanyf yaz bamh nyăngz toonz tuz Gwăngz-eng gôh, Nzof Tênb-Hungh lauf wâyc yaz bamh Munh nyăngz toonz tuz Gwăngz-eng.” ³² Six coong Tênb-Hungh wâyc yaz tuz Gwăngz-eng, Tênb-Hungh yâuc oix lênh dlih phunz yaz tuz Gwăngz-eng.” ³³ Yaz nyăngz sây lex, yaz năngx cloon nyâuh yămz ah dlapc, nyâuh oix lov Yaz, Six năngđ yaz bux nyâuh quaix woax đomc Yiu-tai Munh nâyx, Six nâyx zanyf yaz năngx bux nyâuh, Yaz ninyh nyăngz tync, nyâuh max hayh ninyh.” ³⁴ Nâyx zanyf, Yaz phunz ah tyuh săngb lanyf nyâuh, nyâuh oix zuc lanh stăngz lanh, yaz stăngz nyâuh năngđ laix, nyâuh six zuc năngđ woa nâyx lanh stăngz lanh năngđ yaz Stăngz nyâuh nâyx.” ³⁵ Six coong nyâuh lanh stăngz lanh, Songx munh songđ pâyz tuz nyâuh ayx yaz nyăngz stâyb-sây gôh.” ³⁶ Si-môn Phê-e-rơ Naic nănh coong, “Zâu lex! Mâyh cayx ninyh laiv tix? Zâu Yê-su tauz, “Yaz ninyh nyăngz tync, Nâyx zanyf nyâuh max hayh lêpc yaz ninyh tuz đêh, Six đangz phanx nyâuh nzăngđ hayh lêpc ninyh yaz.” ³⁷ Phê-e-rơ naic, “Zâu lex! wâyc săngh laix nâyx zanyf yaz bix max hayh lêpc mâyh ninyh? Yaz nyunc sez mengc tayc wâyc mâyh nec.” ³⁸ Zâu Yê-su tauz, “Mâyh seenz nyunc sez mengc tayc tuz wâyc yaz max? yaz coong zac bux mâyh, Tauv zayz ayx caix, Mâyh max nhlimc yaz pôz hâyc, Mâyh coong mâyh max pâyz yaz six toix laiv tauh.”