¹ Blătc quaix đangz yaz nzăngđ cloon Titv ninyh Yê-lu-sa-lem Stengv. ² Yaz ninyh Yê-lu-sa-lem six wâyc Zâu Tênb-Hungh bux Yaz, yămz woa yaz zoz cub jeenx lanyc lănv phunz max zâyf Yiu-tai Munh mungv. Yaz năngđ nâyx ayx wâyc zuc cungb woangb yaz ayx nyăngz congz zâuđ hayh tuih.* ³ Titv yâuc cloon yaz ninyh. Max cun nănh hănđ max zâyf Yiu-tai Munh, six nănh lauf max zâuđ zuc yac ayx quaix catz nyăngz gâyf. ⁴ Năngđ naih đomc za nyăngz yâuf-pez oix nongc nănh quaix catz nyăngz gâyf têx, nâyx đomc Munh pinyx nzac taih zanđ zah mangc jađ, Yaz ayx Yê-su Jix-tuz pungx goib nyăngz Munh six năngđ laix, nănh stiz songđ oix zoz yaz ninyh ayx nâuh. ⁵ Six yaz songđ max nyunc nyangc nănh stiz ax tiny stăngv, wâyc oix lif seenz Gâyf phunz nyâuh yâuf-pez. ⁶ Năngx phătc naih đomc munh năngđ ayx lub nyăngz Munh. nănh stiz hănđ six ayx laiv hungđ Munh yâuc max queenđ tauv yaz. Wâyc zuc yămz Zâu Tênb-Hungh nyăngz cah đangc muif lanh Munh songđ tinyh năngđ nzuf. ⁷ Woax đomc ayx quanz nyăngz Munh songđ saz tuz yaz tuz jaoz cumh pâuz nzônh cub jeenx phunz max zâyf Yiu-tai Munh mungv. Năngđ nănh paiđ Phê-e-rơ ninyh nzônh cub jeenx phunz Yiu-tai Munh mungv nâyx. ⁸ Tênb-Hungh paiđ cumh pâuz phunz Phê-e-rơ Stăngc nzônh phunz Yiu-tai Munh. năngđ nănh phunz yaz stăngc nzônh phunz Munh max zâyf Yiu-tai Munh. ⁹ Phê-e-rơ, Gia-cơ, Cloon Giăng naih Manyh tauh ayx byây.**songđ saz tuz Zâu Tênb-Hungh sađ Pôz phunz buz ayx nâyx đomc cumh pâuz, Nănh stiz songđ cloon Ba-na-ba, ayx njih houđ ninyh songc congz ayx nâyx đomc cumh pâuz, Ba-na-ba cloon yaz ninyh nzônh phunz max zâyf Yiu-tai Munh, Nănh stiz six ninyh nzônh phunz Yiu-tai Munh ayx quaix catz nyăngz gâyf woax đomc. ¹⁰ Nănh stiz cungb oix nongc yaz săngx tauv Munh zâuđ Munh. six nâyx đomc cumh pâuz yaz lauf naih stymz oix ayx. ¹¹ Phê-e-rơ ninyh tauv an-ti-ôtv woax zanyf, Yaz toix mynb coong nănh ayx sai. ¹² Gia-cơ paiđ taih nyăngz Munh taih max zengx tauv, Phê-e-rơ muif dlih cloon max zâyf Yiu-tai Munh songc nhlync hopb, six woax đomc Munh taih tauv, Phê-e-rơ songđ pyenv goib, wâyc zuc nănh cumh nzav Yiu-tai Munh. ¹³ Yămz woa woax đomc Yiu-tai Munh lêpc Phê-e-rơ cloon zeen Zâu nyăngz Munh ayx za nzuf, njinh cloon Ba-na-ba nănh stiz tih đoih ayx za nzuf. ¹⁴ Yaz phătc nănh ninyh max jămc seenz gâyf nyăngz cub jeenx, songđ toongx songx Munh mađ Phê-e-rơ coong, “Mâyh six ayx Yiu-tai Munh. ha săngh laix mâyh yâuc yămz max năngđ Yiu-tai Munh? năngđ nâyx mâyh ayx laix hayh yac max zâyf Yiu-tai Munh săngh âyz Yiu-tai Munh? ¹⁵ Yaz tăng stengb stâyv taih bêc ayx Yiu-tai Munh nzof gôh, Yaz max zâyf naih Stoif woax đomc max zâyf Yiu-tai đêh. ¹⁶ Yaz pâyz tuz bamh Munh max lêpc Đoouc lif Gâyf nzăngđ tuz cloon Tênb-Hungh hopđ nyâuđ, Six wâyc zeen couv naih tync mungc yămz Njâuv Zâu Yê-su. Wâyc zuc max naih laiv lanh hayh lêpc Đooub-lif gâyf bix hayh tuz cloon Tênb-Hungh hopđ nyâuđ. ¹⁷ Six coong pănh six Yiu-tai Munh oix couv Njâuv Zâu tuz cloon Tênb-Hungh hopđ nyâuđ, bix lauf năngx ayx Stoif-Munh têx, Njâuv Zâu năngx phunz Munh pamf Stoif max? max phunz đêh! ¹⁸ Six coong yaz năngđ năngx zâyv yaz tou lunc nyăngz Gâyf yaz six pamf Stoif nyăngz Munh. ¹⁹ Coong tauv Đoouc-lif Gâyf têx Yaz longđ tayc gôh, couv woa yaz songđ tuz Njâuv gâyh đutb Gâyf njanh, tăng nây yaz songđ wâyc Tênb-Hungh tuz săngh. ²⁰ Yaz cloon Njâuv Zâu songc tingz săpc đăngc zax tayc nâyx zanyf săngh woax tauh six max zâyf yaz săngh, nâyx zanyf yaz nyăngz stynb A tuz săngh six wâyc Njâuv Zâu săngh yămz yaz cah njaf, Yaz mungc Tênb-Hungh nzăngđ tuz Săngh, six Stăngz yaz bix nyunc tayc Njâuv yaz woax Tauh. ²¹ Coong nâyx max zâyf yaz nzêmh Tênb-Hungh nyăngz Pôz đêh, Six coong Munh lêpc Gâyf njanh bix hayh tuz cloon Zâu Tênb-Hungh hopđ nyâub têx, Jix-tuz Tayc six max săngh nongc.