¹ Buz ja nây lănv tauv yungf mengc nyăngz gâyf, tăng max zengx zâyx gungh nib woax zanyf nâyx đomc gâyf songđ yămz đangc nzof, gâyf cloon nzangc pha yămz. ² Nâyx zanyf nănh hynđ seetb taih phunz buz phătc, buz cănh tuz mâyc mangc phătc quaix, tuz numđ quaix, tuz puf lumz quaix. Buz songđ ayx zanyf manyf coong nâyx đomc six săngh mengc nyăngz gâyf. ³ Buz numđ quaix phătc quaix nzuf, buz songđ lănv bux nyâuh yâuf pez, oix phunz nyâuh cloon buz tinyh tongb, cloon buz tinyh tongb, pănh songđ cloon nzangc Pha Zâu Tênb-Hungh cloon Njâuv Zâu Yê-su tinyh tongb. ⁴ Buz ja nâyx đomc jau lănv bux phunz nyâuh yâuf pez, wâyc phunz cloon buz tinyh đoih naih oonz loc. ⁵ Nây six buz numđ Tênb-Hungh nyăngz toonz coong quaix nyăngz woac, buz songđ lănv bux nyâuh yâuf pez ô stayx, nănh coong Tênb-Hungh six gwăngz, nănh max naih laiv tix nzămc. ⁶ Six coong pănh năngđ coong, “pănh cloon Tênb-Hungh tinyh tongb, pănh zâyf năngx ninyh yăngh nzămc nyăngz jau, pănh six puv maoh max âyz seenz gâyf ayx. ⁷ Six coong pănh năngđ yămz gwăngz năngđ Tênb-Hungh yăm gwăngz têx, pănh songđ lanh cloon lanh tinyh tongb, nănh nyăngz toonz, Yê-su nyăngz samđ songđ đaox dlăngc muif hungđ stoif. ⁸ Six coong pănh năngđ coong pănh max naih stoif, woa six cănh jaf nănh, seenz gâyf max yămz nănh nyăngz nyâuđ. ⁹ Six coong pănh năngđ nhlimc pănh nyăngz stoif, pengh stymz nyăngz Zâu Tênb-Hungh songđ naih stymz quanyf pănh nyăngz stoif, cloon pănh ayx huđ nyăngz dlayc, stayv pănh đăngb zengh taih. ¹⁰ Pănh năngđ coong pănh max zengx pamf stoif, six pănh stunx coong pănh six pamf stoif woax tauh, seenz gâyf max yămz nănh nyăngz nyâuđ.