¹ Nkumayika kuli mwemwe Febe kachi witu, wino umuwomvi u wang'anda yakwe Leza iya mu kenkeleya, ² ukuti mumupochelele mwizina lyakwe mwene. Muombe chii ndivino ayantu yakwe Leza ayatiswe yafwile yawombelane, nupya mumwazwe na chili chonsi chino anagalonda ukufuma kuli mwemwe, amuno walinji uwakwazwa nkani ayinji na nene kwene. ³ mulamuke Pulisila na Akwila, ayawomvi yanji muli Yesu Kilisitu, ⁴ yano yayimvile muwumi wawo numusango wakwe nene. Nkuyatayizya, nupya, asanene nenga, kweni ning'anda zyakwe Leza izya yamitundu. ⁵ Mulamuke ni ng'anda yakwe Leza yino yili mung'anda yawo. Mulamuke Epenete umukundwe wane, wino walinji uwantandiko uwa ku Asiya kuli Kilisitu. ⁶ Mulamuke Mariya, wino wayawombile nkani. ⁷ Mulamuke Andronika na Juniya, aya Yuda yanji nupya yano yali ayanyepwe yanji. Yano yamanyikwe sana ku yapositoli, nupya ayana yatindike ukuya muli Kilisitu lino nani nchili. ⁸ Mulamuke ampliato, umukundwe wane muli Mwene. ⁹ mulamuke Arubanasi, umuwomvi wunji muli Kilisitu, na Stakisi, umukundwe wane. ¹⁰ Umulamuke Apelesi, wino yamuzumilizya muli Kilisitu. Mulamuke na yamung'anda yakwe Arisitabulo. ¹¹ Mulamuke Herodioni, umu yuda wunji. Mulamuke na yamung'anda yakwe Nirikisasi yano yali muli Mwene. ¹² Mulamuke Tarufena na tarufosa, aya womvi muli Mwene. Mulamuke Persisi umukundwe, wino wa wombesya muli Mwene. ¹³ Mulamuke Rufasi, umusolwe muli mwene, na nyina nu wane. ¹⁴ Mulamuke Asenikritasi, Filegoni, Herimesi, Patrobasi, Herimasi, nayanji yano yali nawo. ¹⁵ Mulamuke Filologasi na Julia, na Nereusi ni nkaai yakwe, na Olempasi, na yantu wonsi yano yali muwutiswe wakwe Leza yano yaliponga. ¹⁶ Mulamunkane mwensi nukufyompana ukutiswe. Ning'anda zyonsi zyakwe Kilisitu zikuwalamuka. ^{17 18} Nomba nkuyalambizya, mwe yanji, ukwelenganya yano yakaleta ukwankana nukuvulunganya. Yeni yakuchila namasambililo yano mwa sambilile. Weliniko ukufuma kuli woliwo.