¹ Imbanene fwandi inti, uzye Leza wawakana antu yakwe? Awe foo. Pakuti nane kwene ne mu Israel, uwaluko lwakwe Abraham, wamulko lwakwe Benjamin. ² Leza atakanyile antu yakwe, yano wasozile lyalimwi. Uzye mutakumanya vino chalembwa umu malembo uvwangha ukuyana na Elias, kulingana muno wayilizinyi na Israeli? ³ ''Mwene, yati yakoma yakasowela yako, yati yaongolola na malambo yako. Nene nenga anemuno nasyala, nukuti yakulonda uwumi wane.'' ⁴ Kweni Leza wa mwaswike chani pakulanda ku weliwe? ''Nasunga ivyakuli nene imyanda isana na yili antu yano yatafukime.'' ⁵ Amuno vili nanomba, napansita yino yalipo antu yanono sile yano wawasola mchifukwa cha luse lwakwe. ⁶ Kweni nanti kusola kwaya muluse kutaya ukusola mmlandu wamilimo. Uluse nga lutali uluse. ⁷ Nga fwandi nomba chili uli? Ichintu chino aya Israel yalondanga yatasenzile, kweni asolwe yachizanyile nayano yasyazile yapilwe. ⁸ Chili ndi vino chalembwa. Leza wawapa umupasi uwawupuwa, amiso yao kuno yatalola, na makutwi kuno yatawuvwa, nukuwanda wilelo." ⁹ Davidi wavwanga ati, ''Lekini iteulo lwao lyasenuka ulukose nu uchinga, nichiteyo nukuti yasundwe. ¹⁰ Na pamanso yawo pafitilile yate ukulola, yakonga mike imisana ywo lyansi.'' ¹¹ Fwandi nkuzya inti, ''Uzye ukupumika kuno yapone? Awe nakaya nukupitingana kwawo, ukupuka kwizila ayapanzi kuno yawasusye kuwuzuwa. ¹² Nomba ndi ukupita kwawo ali kulonka kwansi, nu kutitalonka kwao ali kulonka kwa yayuda uzye avino ivikalamba vino yalakwanilisya? ¹³ Kweni nomba nkuvwanga kuli mwemwe mwe yapanzi ukulingana kuno ne mupositu inkutuvwa mumiwombele yane. ¹⁴ Sinta zimwi ndiwasusya yana yali nu zuwa yalya yano ayamumwili wane. Sinta zimwi tulawapususya yamwi yako woliwo. ¹⁵ Uzane ukukanwa kwao akuno kuye ipusuchilo ilyansi, uzye ndikupochelelwa kwawo kulaya ngati uwumi ukufuma kuyafwe? ¹⁶ Ukazane ivikomwa ivya kutalika ivisuma, ilya kuti niviseke vyakwe. Ndi misisi yakwe isuma, nansamba zyakwe. ¹⁷ Kweni ndinsamba zimwi zyapambulwa, limwi wewe, lyampanga isamba yakwe olive, yachikwatisizye apalipamwi, nanti limwi ukunkanya nawo umusisi wamuti wakwe olive, ¹⁸ utayituvya ukuyana ninsamba. Kweni ndukuyitunva, asawewewino ukwavwilizya imisisi, kweni umusisi awuno ukayavwilizya wewe. ¹⁹ Kweni wandi mwalanda kuno, ''Insamba yaputwike, ukulinga kuno inkwatisiwe mwenemo.'' ²⁰ Wuno umolimo. Mumulandu wakuntaya nisuwili achino yawapambwile, kweni wimilile nganganga mumlandu wasuwilo lyako. Utize wayelenganya nkani ukuyana na wewe, kwene tina. ²¹ Uzane Leza atalechelile isamba izyenecho mukwelenganya mwemo anagawaleka. ²² Lolani nomba, paa, uwaluse mumichitile kapya numukali wa Lez: Ukali wakwe wizile wuponela paya yuda, kweni uluse lwa kwe Leza pali mwemwe, ndungapitilizya mu luse lwakwe. Limwi nawe kwene ungaputulwa. ²³ Nawoliwo kwene, nanti yasya kupitilizya uku ntasuwila yalakwatisiwa. Ukuyana na Leza alingine uku wapambula kupya. ²⁴ Mwemo ndiyawaputulanga nukuwafumya wuno wuli ngati umuti wamumpanga wakwe olive, nu kupusana nu wamuphanga wuno wapatichilwe pa muti usuma wakwe olive, uzye avinga vino, insamba zya mumphanga, zinga patisiwa kupya kumuti wkwe olive? ²⁵ Pano silonda kuno muye ayawula ukumanya, ayakulu yane, muchina mwemwe chakwe, ukuti kuno mutize muye ngati musinamano uyana namelengwe yinu: ukukoma kwiza pawa Israel ukufichila imphedwa ya majentalo yikumane. ²⁶ Ali muno wonsi ama Israeli yalapusuchila, ukuyana na muno vyalembelwa: ''Ukufuma mu Zioni kupususya. Nukuwafuma muwononyi wawo. Kufuma kuli Jakobo, ²⁷ lino ali layizyo lyane na woliwo, pano ndifumyamo uyipe wawo.'' ²⁸ Ukuyana na mazwi muno yayelile, alwani pavya kulonda vinu. Kweni ukulingana ichisolwa muno viyelile, wawatemwe umulandu wakwe yakuku. ²⁹ Kuyana nivyawila nukwama kwakwe Leza kutapusana. ³⁰ Kuyana ngati muno mutamuvwilanga Leza, nomba wapochelela uluse kumlandu wuno yatamuvwilanga. ³¹ Munzila yiliyimwi, nomba aya Yuda yaa yatuvwilanga. Ivyakukonkapo ivya luse vino vyalanjizya kuli mwemwe nawo kweni limwi nomba yanagapochela uluse. ³² Pano Leza wawayalile wonsi muli yachintuvwa umwakuti anagalanjizya uluse pali wonsi. ³³ Yee, ukankala wakwe Leza wino wakulisya navino amano yakwe yavulisya nu kumanya kwakwe Leza! Nanti wumwi anaglondolola vino akapingula, ninzila zakwe izya kumanaya! ³⁴ ''Nanti wumwi wino anagamanya amano yakwe mwene nanti aweni anagalanjilila mwene ivyakuchita? ³⁵ Nanti aweni uwakutalika wamupela chimwi Leza, chino Leza angawezyezya ?'' ³⁶ Pakuti ukufuma kuli weliwe nu kupitila kuli weliwe na kuli weliwe vyonsi ivyakwe. Kuli weliwe uchindame isita zyonsi. Ameni.