¹ Paulo, umuwonvi wakwe Yesu Kilisitu wamilwe ukuya umu positoli nu mupaulwe kwi landwe lyakwe Lyeza. ² Vino walayizye kali na yakasowela mu mawaliko ayaytiswe. ³ Ukuyana nu mwanakwe wino wali uwaluko lwakwe Deveti ukuya na nukumwili. ⁴ Ukupitila mu mupasi wa wutele wasimichilwe na maka ukuya umwana wakwe Leza pakuzyuka ku yafwe, Yesu Kilisitu mwene witu. ⁵ Ukupitilila muli weliwe twapochelela uwila nu wuwomvi wa muchinzi wi suwilo mukasi munsi zyonsi, pamulandu wizina lyakwe. ⁶ Mukasi munsi zino, namwe mwati mwamwa ukuti muye muli Kilisitu. ⁷ kuli wonsi mu Loma yano aya kundwe yakwe Leza nukwamwa ukuya ayantu yakwe ayatele: Uwila kuli mwemwe nu mutende ukufuma kuli Leza Tata witu na Mwene Yesu Kilisitu. ⁸ Ichantandiko nkutaizya Leza wane ukupitila muli Yesu Kilisitu kuli mwemwe mwensi, mlandu isuwilo linu lyuvwika munsi yonsiyapansi. ⁹ Pakuti Leza akamboni wane, wino nkamuwombela mu mupasi wane mwi landwe lya mwanakwe namuno nkupilizya ukupanga ukuvwanga vyakwe mwemwe. ¹⁰ Lyonsi nkalenga mumapepo yane ukuti munzila zyonsi ukuti pamwi pa umalilo inzane nomba ukulonda kwakwe Leza pa kwiza kuli mwemwe. ¹¹ Pakuti nkukumbwa uku walola mwemwe, ukuti ningawapa ichaupi cha mupasi chimwi, ukuti impakomye mwemwe. ¹² Ali chino, nani myalalikwe ponga namwe, ukupitila mwisuwilo lyakwe wenga na wenga, ilinu ni lyane. ¹³ Nomba ntakulonda mwemwe mwikale nanti kumanya, yanji, ukuti kayili kayili nezizye ukwiza kuli mwemwe (kweni nakanyizwe mpaka nomba), ukuti mukwateko ichikomwa pali mwemwe namwe, ngati vino nakweti pali wonsi aya kunzi. ¹⁴ Ne wakwinyi konsi kuya Giliki na kuli yamwiza, konsi kuya mano nu ku mpunganyi. ¹⁵ Achino, kuli nene, netinjipekanya pa kutanda izwi na kuli mwemwe mwenyeno muli mu Loma ¹⁶ Pakuti ntakweti insonyi nizwi, pano amaka yakwe Leza pakupusuka kwakwe wensi wino akusuwila, ukutalika aya Yuda na Giliki. ¹⁷ Pakuti muli chino uwulungamane wakwe Leza wukawumbukwa ukufuma kwi suwilo ni suwilo, ngati vino cha walikwa, '' Aya lungamane yalikalila mwisuwilo. ¹⁸ Pakuti uwukali wakwe Leza wawumbulwa ukufuma mwiyulu ukwiminkana nawonsi yano yasimupepa nayano yatalungamana antu yano ukupitila munkunta lungama yakawezezya ichisila uwumolimo. ¹⁹ Wuu ali mlandu wakuti chino chamanyikwa ukuyana na Leza chikaloleka kuli woliwo. Pakuti Leza wawawumbwila woliwo. ²⁰ Pakuti imiyele ya kuntaloleka misango yakwe ukutakapo amaka yakwe ayamuntasila ukufuma muno insi yapnjilwa vweti viloleka ningo sana: Ukutalika kwakupelwa kwansi, yatepuchila mu vintu vino vyapangwa. Apano yataya nichakuvwanga. ²¹ Pamulandu wuu, napano wuli yamanyile ukuyana na Leza, yatamuchindike weliwe ngati a Leza, napano ukumusalifya. Mumalo mwakwe, yizile yaya impunganyi mumelengwi yawo , ni myenzio yawo yakuntelenganya yafitikwe. ²² Yayisilepo ukuya ayamano, kweni yizile yaya impunganyi. ²³ Yakawile uwuchindame wakwe Leza uwawula okononeka mumilolechele ya chikolanyo cha muntu umononeke, wa chunyi, ivinyama vyamakulu yanayi, nivintu ivyakusela. ²⁴ Alichino Leza wawayisile mulunkumbwa lwa myenzo yawo ku wukandamane, ukuti imyili yawo ukuti yitachindikwa pali woliwo wonga. ²⁵ Awoliwo yano wakawile uwumolimo wakwe Leza ku wufi, na yano yapepanga nukuwombela ivipelwa mumalo mwakwe kelewula wino umupepwe wape. Ameni. ²⁶ Pamulandu na chii, Leza wawayisile kuvyakulonda vyawo, pakuti anachi yawo yakawile uwupelwa wawo kuli yano yatali ayapelwe mumiyele yawo. ²⁷ Munzila iyiliyimwi, awonsi nawo yasile ukulemelelana kwa michitile yankwatwa yawo na yanachi nu kukavyana mulunkumbwa lwawo pali wenga na muze. Yano yali awonsi yano yawomvile imilimo ya kusonzya insonyi na wonsi nu kupochelela muli wonga ichilambu chino chawalingine pa wononyi wawo. ²⁸ Pamulandu ya yatazumilizye ukuya na Leza mu kumanya kwawo, wa wapile mpaka kumelengwi ayayipe, pakuti woliwo yachite ivintu ivyaula ukulungamana. ²⁹ Yazuzilwe nu wuntalungamane wonsi uwuyipe, ulunkumbwa, uwumfu. Yazuzile ni nkwinyi, uwukomi, ulombwa, ufi, namelengwi ayayipe. Aya lwambo, ayakwakwa, ³⁰ Yakatukana yakapata Leza, ayamufulo ayakuyiyika, ayakuyitutumula, ayakuta lichisya inzila zyakuchitila iviyipe: yasi wuvula ayakwasi. ³¹ Yatakwata amano, yatakwta isuwilo, umwenzo uwuzima, nukuntakwata uwila. ³² Yakawiuvwichisya amasunde yakwe Leza, ukuti yano yakuchita ivintu vivyo yalingine imfwa. Kweni utawomba vino yakuwomba ivintu vii, nawokwene yakazumilizyana wuze yano nawo yakawomba.