¹ Yesu wafumile pamalo yalya nukuya imbali yakuyudeya nga nakumalo ukuchila uluzi lwakwe Jolodani, ² Apano iwumba lyizile nupya kuli weliwe. Wawasambilizganga nupya ngati muno wawombelanga. Apano ayafalisi yizile kuli weliwe pakumwezga nukumukolowozga, ''Ichakuzumilizwa ukut umonsi amusoke umuchi?'' ³ Waswike, '' Ichani chino Mozesi wawapingwile . ⁴ Yatili ,''Mozesi wazumilizizge umonsi ukuwalika kalata wakulekana nukumuzinga.'' ⁶ ''Pamulandu wakukoma imyenzo yinu achino wawawalichile isunde lino, ' Yesu watili kuliwoliwo. ''' ⁵ kweni ukufuma kunthandiko 'Leza wawunvile umwanachi nu monsi.' ⁷ ''Pamulandu wuno umonsi alisya yisi na nyina nukuya paliponga numuchi. ' ⁸ Apano yayili yaliya umwili wonga .' Alikuti yasi nupya yayili kweni umwili winga . ⁹ Nomba achino lezawachiyika pali pamwi, atayapo nanthi wumwi uwakuchilekanya.'' ¹⁰ Pano yali mung'anda ayalondezi yamukolowozizge nupya ukuyana nachi. ¹¹ Watili kuli woliwo, ''Aliwensi wino wasoka umuchi nukutwala umwanachi muze akuchita uwuchende. ¹² Nanthi umwanachi wamusoka umulume nukutwala kumonsi muze, lino wachita uwuchende. ¹³ Apano yalesile ayana ayanono kuli Yesu ukuti awaleme, kweni ayalondezi yawakanizge. ¹⁴ Lino Yesu wamanya chino , atasechile apano wawanenyile, '' zumilizgini ayana ayanono yize kuli nene mutati mwawakanya , pakuti uwene wamwiyulu uwayanthu yali ngati ayana. ¹⁵ Ichumi nkhuwanena, wensi wino atanga apochelele uwene wakwe leza ndivino ayana ayanono atilinjilamo .'' ¹⁶ Alino wawasenzile ayana mumakasa yakwe nukuwapepela lino wawayika amakasa pali woliwo. ¹⁷ Lino watalika ulwendo lwakwe , umunthu wutuchile kuli weliwe nukumufukamila nukumukolowozga ,'' Musambilizgi umusuma itchite chani ukuti nize pyane uwumi wamu yayaya? ¹⁸ ''Yesu watili,'' Ichani chino mukungama nene umusuma? Nawumwi umusuma suka leza wenga . ¹⁹ Mwayamanya amasunde:'Mutakoma mutachita uwuchinde, mutayiya, mutati mwayika ukambo , mutati mwayipa, chindika so na nyoko.'' ²⁰ Umunthu watili , ''musambilizgi, vyonsi vino navwuvwilanga ukufuma insita yino nalinji ne mwana .'' ²¹ Yesu wamulolechesyizge nukumukunda . Watili kuliweliwe ,'' ichinthu chonga chino ukusowelwa . Ufwile ukazge chonsi chino uli nacho nukuwapa ayapotwe, apano uliya nichuma mwiyulu. Nga ndanga nkhonkhga.'' ²² Kwene umulandu wa mazwi yano walolike uwachitima nukupita nichikonkho umulandu walinji nivwuma ivivule. ²³ Yesu walolechesizge nukuvwanga kuyasambili yakwe,'' ichikome wuli kuyakankhala ukwinjila muwene wakwe leza! ²⁴ Ayalondezi yazungwike pa mazwi yakwe, kweni Yesu watili nupya kuliwoliwo'' yana, ichichuzge wuli ukwinjila muwene wakwe leza! ²⁵ Ichipepuke ku mphunda ukutunsyanya pa linso lya nsindano ukulusya umunthu umukankhala ukwinjila muwene wakwe leza.'' ²⁶ Yazungwike sana nukuvwanga kumuze kumuze, '' aweni wino angapususwa?'' ²⁷ Yesu wawaweni ati, '' kuyanthu vitange vichitike , kwene kulileza pole. Pakuti ichinthu chonsi kuli leza ichakuchitwa. ²⁸ Peteli ati kuliweliwe, '' lola twasya chilichonsi nukukukonkha.'' ²⁹ Yesu watili, '' ichumi nkhuvwanga kuli mwemwe, pasi wino asile ing'anda pamwi umuto wakwe pamwi umunyina pamwi nyina pamwi yisi pamwi umwanapamwi amasyo, pamulandu wakwe nene nganapamulandu wansi yino ikwiza, nuwumiwamuyayaya. Pano ayinji yano yali inthandiko yaliya ayawumalilo, ayawumaliloayakutandika.'' ³⁰ Wino atange apochelele imyanda imyanda pali nomba munsiyi: Ing'anda nupya ayato, yamangulezi na yanyina na yana namasyo, ninthazi munsi yino yikwiza, nuwuma wamuyaya. ³¹ Kweni ayinji yano ayakutalika yaliya ayawumalilo naya wumalilo ayakutalika.' ³² Yalinji munjila ukuya ku Yelusalemu Yesu wawakolelile. Ayalondezi yazungwike, nayano yakonkhanga ichisila yatinyile. Apano Yesu wawasenzile nupya yalya amakumi yayili watalike ukuwanena chino chimawombwa. '' ³³ Lolini tukuya ku Jelusalemu, umwana wa munthu alilemwa kuli yasi mapepo yakalamba naya kawalika. yalimupingula kufwa nukumuyika mumitundu. ³⁴ Yalimuchuzga ukumuswilila ukumuchapula , nukumukoma. Kwene kumanda yatatu alizguka.'' ³⁶ Yakobe na Yohani, yamwana Zebediya yizile kuli weliwe ayati, ''musambilizgi tukulonda mutuwombele sweswe chonsi chino tukalenga,'' ³⁵ Watile kuli woliwo, ''mukulonda ukuti mbawombele chani?'' ³⁷ Yatili, ''mutuzumilizge sweswe ukwikala na mweneumuchindikwe wino wenga kwi kasa lyakwe ndilo, namuze kuli kamani.'' ³⁸ Kweni yesu wawa swike, '' mutakumanya chino mukulenga. Mungamwela ichikombde chino ningamwela pamwi uluwatizgo luno ningawatizwa?'' ³⁹ Yatile kuli weliwe, ''tungawomba.'' Yesu watili kuliwoliwo '' ichikombe chino ndimwela mulimwela, nuluwatizgo luno nawatizwa namwe muliwatizwa . ⁴⁰ Kweni wino angikala kwikasa lyane lyakwe ndilo pamwi kuli kamani suwane uwakumupa, kweni ichakwe yano chawapekanyizizwa. '' ⁴¹ Lino ayalondezi yawuze ikumi, yuvwa vwakwe chii yatalike ukuwasochela sana ya Yakobe na Yohani. ⁴² Yesu wawamile ukwakwe ati, '' mumanyile yano yakaya ayakateka yakateka nayakalamba kalamba yakawalamulila woliwo. ⁴³ Kweni chitaliya vikwene kuli mwemwe . Aliwensi wino akulonda uwukalamba pali mwemwe akwenela ukuya uwantchito winu, ⁴⁴ nawino akulonda ukuya uwanthandiko pali mwemwe akwenela aye uwantchito wakwe wonsi. ⁴⁵ Muno umwana wa munthu atizile pakupususwa , kweni pakupususya , nga nukupa uwumi wakwe ngati ichikole kuli wonsi.'' ⁴⁶ Yizile ku Jeliko. Lino yafuma mu Jeliko nayalondezi yakwe ni wumba , umwanawakwe Timayasi, Batimeyasi, nthonkho kalenga yikazile mumbali mumusewo. ⁴⁷ Lino wuvwa ukuti a Yesu umunazalini, watalike ukupunda nukuti, ''Yesu mwana Davide wuvwa uwila pali nene! ⁴⁸ ''Ayinji yamukalipile nthonkho , ukumunena ukjuti amyalale . Kweni walizile nkhani. ''mwana wakwe Davide nguvwila uwila!'' ⁴⁹ Yesu wimilile apingula nukuti yamwame . Yamwamile nthonkho wila , nukuti, ''Jimba ! Nyamuka! Akukwama wewe.'' ⁵⁰ Wizile wasumba ikoti , nukunyamuka , nukwiza kuli Yesu. ⁵¹ Yesu wamwaswike ati, ''ukolonda ukuti nkhuwombele chani?'' Nthonkho watili, '' Kasambilizga , nkhulonda ukpochelela ukulola kewane.'' ⁵² Ngalino Yesu watili kuli weliwe, ''Pitanga . Isuwilo lyako lyakupozga .''Papokwene swaweni nupya, alino amukonkha pa musewo.