¹ Yii inthandiko yi landwe lisuma lwakwe Yesu khilisu , umwana wakwe leza . ² Ndivino chawalikwe na kasowera yesaya , 'lola , nkhutuma kapitawo pa minso yinu, wino aliwalanjizga inzira zinu. ³ Izwi lyakwe wino wakolomokanga mumapoli, ' senganyini inzira zga mwene ; pangini inzira yakwe yololoke.' ⁴ Yohani wizire ,ukuwatizga mumapoli nu kusola uluwatizgo lwa kulapila kwa iwelelo lwa ma yembuko . ⁵ Insi yonsi ya Yudeya na yanthu wonsi yamu Yelusalemu yayire ukwakwe. Yawatizwe na weliwe mu luzi lwakwe Yolondani , ukupila uluyembu lwawo . ⁶ Yohani wazwite ikoti ilya meya ya ngamila nu mupango wa mphapa ukjuliwira umutembeleko wakwe, nululya makantha nu wuchi wa mumphanga . ⁷ Wakoswire , 'wumwi aliza pali nene wino uwamaka ukundusya; utunyepero twa ndyato zwakwe nthalingine ukeinama pansi nukutusapula . ⁸ Nkhuwayatizga na manzi, lero weni ali yawatizga zga nu mupasi uwutiswe .' ⁹ Vwawonvilwe mumanda yaya pano Yesu wafumire mu Nazaleti mu Galileya , nukuwatizwa na Yohani mu luzi lwakwe Yolodani. ¹⁰ Lino Yesu watumphuka mumanzi alola lyulu likuyulika nu mupasi uwutuswe uwichilira pali weliwe ndivino inkunda . ¹¹ Izwi lyafumile mwi yulu , ' We mwanane umukundwe . Nkhasechela nawe . ¹² Alino umupasi awumupingula ukuya mumapoli. Waali mumapoli amanda amakumi yana(40), ukweziwa na chiwa. ¹³ Wali nivinyama vyamu mphanga , na yangeli ya muwombelanga. ¹⁴ Nomba lino Yohani yamulema Yesu wayile mu Galileya ukukosola ilandwe lyakwe Leza . ¹⁵ Watili , ' insita yakwana nu wene wakwe Leza wuli papipi. Lapila nukusuwira ilandwe lisuma.' ¹⁶ Lino akupita mumbali muli muli Yemba wamu Galileya, waweni Simoni na Andileya umukulu wakwe Simoni akusumbira amasumbo muli Yemba, pakuti yali ayakalema yanswi. ¹⁷ Yesu watili kuli woliwo , ' ndini munkhonkhe , nimawapanga nukuya mwe yakalema ya wanthu . ' ¹⁸ Alino ukwawula ukuzima ayata amasumbo nukumukonkha. ¹⁹ Lino Yesu wapita panono , alola Yakobe umwana wakwe Zebediya na Yohani umukulu; yali muwato ukugambika amasumbo . ²⁰ Wawamile nukusya yisi Zebediya mu wato nayawonvi yakulipwa , nukumukonkha. ²¹ Alino yizire mu Kapenamo, pa mulungu , Yesu wayile mu Sinagogi nu kusambirizga . ²² Ya zungwike vino wasambilizganga, pano wa sambirizganga ndivino awimwi wino wakweti insambu zino zitakuyana na yakawalika. ²³ Pansita yiyi mwali umunthu musinagogi wino wali numupasi uwuyipe nga walizire, ²⁴ awuti, 'tuwombe chani nawe , Yesu wamu Nazaleti? wiza pa kutonona? Manyire ukuti wewe we mutiswe wakwe Leza!' ²⁵ Yesu akalipira umuzimu uwuyipe ati, ' myalala ufumemo muli weliwe!' ²⁶ Umupasi uwuyipe wamusunvire pansi nukuffuma kunzi pano wukulira nizwi ilikulu. ²⁷ Ayanthu wonsi yazundwike , alino ayakolowozgana ayatupu, ' chi ichani? Ichisambirizgo ichipya na maka !wapingulanga imipasi iyiyipe nukuti yamuvwiranga !' ²⁸ Ilandwe lyakwe lyuvwike konsi konsi mumusumba wonsi uwa Galileya. ²⁹ Lino yafuma mu Sinagogi yinjire mu ng'anda yakwe Simoni na Andeleya, pali pamwi na Yakobe na Yohani. ³⁰ Nomba nyinavwala wakwe Simoni wali umulwale ni nzekema, yamunenyire Yesu ukuyana na weliwe. ³¹ Alino wizire, nukumusenda ikasa, nukumukatusya; inzekema yamulechezizge, apano watalike ukuwawombela. ³² Amanguzi lino ilanzi linjira , yizire nawo wonsi yano yalinji ayalwale na yanobyali nimipasi iyiyipe. ³³ Umusumba wonsi wakongine ponga pa mulyango. ³⁴ Wapozizge ayinji yano yakweti amawulwale yakulekanalekana nukufumyaimipasi iyiyipe, lelo atazumilizizge imipasi iyiyipe ukulanda pakuti yamumanyire. ³⁵ Wapulwike akatondo sana, lino kutani kuche; wafumile nukuya kumasyo ayamyalale nga kulyakwene wapefile. ³⁶ Simon na yano yali nawe yatalike pa kumulonda. ³⁷ Yamuzanyire nukulanda nawe, 'ayanthu wonsi yakukulonda.' ³⁸ Waswike ati, 'tuyini tuye kuze, kumiziyino tupakine nayo, ukuti nani nkhakosoleko. Achino nizira kuno.' ³⁹ Wapisile monsi mu Galileya, ukukosola mumasinagogi yawo. nukufumya imipasi iyiyipe. ⁴⁰ Uwamambombo wizire kuli weliwe, nukumulenga; afukama pansi avwanga ati kuli weliwe, ' ndungalonda , unganswefya.' ⁴¹ Pakuya nuwira , Yesu wolwire ikasa lyakwe nukumupalamansya, amunena weliwe, ' nkulonda swepe.' ⁴² Zuwazuwa amambombo yafumire, nukuti waswefile. ⁴³ Yesu wamuchinyinthizye sana nu kumuwezga. ⁴⁴ Wamunenyire ati,' chenjera utati ulande chimwi kuliwensi, kweni uye, ukayilanjizge kuli ya simapepo, nu nukuyika ivyawila vya kuswepa ndivino Moses wapingwire, ngati uwukamboni kuli woliwo. ⁴⁵ Kweni wafumile nukutandika ukuwumbula umwakusapuka nu kutanda izwi, sana nukuti Yesu atinjire mumusumba apaswe kweni watenji kunzi mumizi ya munphanga ukufuma konsikonsi.