¹ Lino Yesu wizile kufuma ku mwamba, yanthu ayinji yamukonsile. ² Lola, uwambombo wizile kuli wene nu kufukama pali weliwe, ''Mwene, ndukulonda, ungaswefwe.'' ³ Yesu wololisye ikasa lyakwe nukumulama weni, watili, '' inkulonda. Swempa.'' Papokwene wa swefile ku mambombo yakwe. ⁴ Yesu ati kuli weliwe, ''lelo utanena nati umwi. Pitanga, kayilangizye wenga kuli simapepo, nu kutwala ichawupi ngati uno Mosesi wawapingwila, kuti yakasimichila.'' ⁵ Pano wizinga ku kapenamo mukalamba wa yasilika wizile kuli weliwe, nukumulenga ⁶ nukuti, '''Mwene, umuwonvi wene alazile ku ng'anda ali ni chite nu kuchula sana.'' ⁷ Alino Yesu ati kuli weliwe, ''ikwiza nu kumponzya.'' ⁸ Musilika mukalamba ayasuka nukuti, '' Mwene, italingine kuti weza winjile mung'anda yane. Vyanga sile izwi nu umuwovi wane amapola. ⁹ Pakuti nanekwene na munthu namuno nasolwa pasi pa sambu, nukuti indi nasilika ali pansi pali nene. Ikati kuli wino, 'yanga', akaya, na kuli muze, 'iza', a kayiza, nu ku muwovi wane, 'womba chino,' akachichita.'' ¹⁰ Lino yesu wuvwile chino, wazungwikwe nukuti kili yano yamukonkhanga, ''chumi inkuwanena mwemwe, intatela imuzane ati umwi uno ali nisiwilo akuyana na li mu Izilayeli. ¹¹ Inkhuwanena mwemwe, ayinji yaliza kufuma kuwufumilo na kuwinjililo wilanzi, yaliza nukwikala pa tewulo lyakwe Abulahamu, Izeki, Yakobu, mu wena wakupela. ¹² Kwene a yana aku Ufumu yalamufumya kuzi nukwinjila mukasi mufinzi, kuno kuli ya ukulila nu kusha amino.'' ¹³ Yesu atili ku mukalamba wa asilika, ''pitanga! ngati muno wasuwila, chimachitika kuli wewe.'' Nu muwovi wakwe waponzile pasita yilyakwene. ¹⁴ Lino Yesu wizile mu ng'anda yakwe Petulo wa muweni nyinavye wakwe Petulo walazile wali umulwale. ¹⁵ Yesu wamulemile ikasa lyakwe nu ulwala wafumile muli weliwe. Alino wakatwike ukutalika ukuwomba. ¹⁶ Lino kwaya amanguzi ayanthu yalesile kuli yesu anthu yano yalinji ni mipasi yiipe wafumuzye imipasi ni zwi nu kupozya wonsi yano yali alwale. ¹⁷ Muzila yano vyafichiliswe vino vyavwazile na kasesema yesaya ukuti, ''weliwe wenga wasenzile uwulwale witu ni ndwala. ¹⁸ Nmba lino Yesu waweni iwumba limuzingulwika, we wapile izila kwinkhala imbalama yuze yakwe yemba waku Galileya. ¹⁹ Alino kawalika wizile kuli wene nu kuti, '' musambilizi, nimakukonkha konsi kuno ukuya.'' ²⁰ Yesu atili kuli weliwe, ''yakusha yali numawin, na vyini vya mupela vili ni visalanzo, kwene Umwana wa munthu asi na pakulelika umutwe wakwe. ²¹ Umuze wawa londezi watili kuli weliwe, ''mwene, zumilizya tasi kuti inja kazika tata.'' ²² Kwene Yesu watili kuli weliwe, ''konka, nu lekini ayafwe yazikane afwe wonga.'' ²³ Lino yesu winjila mu wato, alondezi yakwe yamukonsile. ²⁴ Lolini kwakatwika umuza akalamba pali yemba, apano uwato wavimbikwe na mayila kwene Yesu wakaswikwe. ²⁵ Alondezi yizile kuli weliwe nu kumuzyula, nukuti, ''tupususye; mwene; tukufwa!'' ²⁶ Yesu watili kuli woliwo, ''ichani chino mukutina muli ni suwilo linono?"Alino akatuka nu kukalipila imphepo na yemba. Ayene vyonsi vimwalala. ²⁷ Na anthu a yazunguka yatili, ''Nga umunthu wamusangochi wino, kuti nipepo na yemba ukumuvila?" ²⁸ Lino yesu wayila imbali yuze nu kusi yakuli Gadala, anthu yayili yano yalemwize ni mipasi yiipe yakomenkhine nawe. Yafumanga mumalalo yali akali sana. Patali wuno wapitanga izila yilya. ²⁹ Lolini, yalizila sana yatili, ''tuwachitila chani, awana wakwe Leza? Uzye wiza kuno ukuzatuchuzya pano kasita atani?'' ³⁰ Nomba kwali yakapoli ayinji yano yalyange, patali panono. ³¹ Mipasi iyipe yamulenzile Yesu yatili,'' Ndu kutufumya, tutume sweswe tuya muli yakapoli.'' ³² Yesu ati kuli woliwo , ''pitanji!'''mipasi iyiipe yifuma nu kuya muli yakapoli; nga lola yakapoli onsi yisile mumwamba yaponela muli yemba yatwalile mu manzi. ³³ Yano yachemanga yakapoli ayutuka nu kuya mukasi mumusumba nu kuwanena vyonsi vino vyawachitichile anthu yano yalemwize ni mipasi yipe. ³⁴ Lolini, misimba yonsi yafumile nukuza ukukomekana na yesu. Lino yamulola wene, yamulenzile kuti afumemo mu muzi wawo.