¹ '' Lolechesyini sana ukuti mutawomba imichitile yinu iyawumolimo paminso yawanthu ukuti ayanthu yawalole , nanthi avivyo mutalipochela nachimwi ukuma kuli tata winu wino alikupela . ² Nomba nanthi mukupa , mutati mwavwanga mwenga muno yano yakayilanjizga yakachita mumang'anda yamapepo namumisankhano, ukuti ayanthu tyawawanzye. Umolimo nkhuti kuli mwemwe , yapochela kali ivwawo. ³ Kweni nanthi mukupa , mutati muleka ukuti ikasa lyakwe kamani limanye vino ikasa lyakwe ndilo likuwomba ⁴ ukuti ichawupi chinu chipelwe munkhama . Apano tata winu wino akalola munkhama alikupa ivyako. ⁵ ''' Nanthi mukupepa , mutati muye ngati yano yakayilanjizga , muno yakunda ukwimilila nukupepa mumang'anda yamapepo namu misankhano ukuti yalolwe nayanthu. Umulimo nkhuti kuli mwemwe , yapochile kali ivyawo . ⁶ Kweni mwemwe , nanthi mukupepa , mwinjile kukasi . Muyale kumulyango nga mupepe kuli tata winu, wino ali munkhama . Apano tata winu wino akalola munkhama aliwapela ivinu. ⁷ Nanthi mukupepa , mutati mupange ukuwelezgawelezga muno ayamitundu yakuchitila , muno yakayelenganya ukuti yamawuvwika umuklandu wamazwi yawo ayinji. ⁸ Achino , mutati muye ngati awoliwo, muno tata winu wamanya chino mukusowelwa pano mutani mumulenge. ⁹ Nomba mwapepa ngati vino : 'Tata witu wakupela , izina lyinu litumphule ngati ilitiswe. ¹⁰ Leke umwene winu wize. Ukulonda kwinu kuwombwe pansi yapansi ngati vino akupela . ¹¹ Mutupe ilelo umukate witu uwamanda wonsi. ¹² Tutetelini uwonpnyi witu, muno naswe twatetela yano yakatononela . ¹³ Mutatuyika mukweziwa, kweni tupokini kumuyipe Muno ivinu uwumwene wakupela namaka nuwulote wawila. Ameni'' ¹⁴ Muno nanthi mukutetela ayanthu uwononyi wawo, tata winu wakupela aliwatetela namwe . ¹⁵ Kweni nanthi mutakuwatetela uwononyi wawo, nakalya Tata winu wakupela ataliwatetela uwononyi winu. ¹⁶ ''Nanthi mukusala ukulya, mutati mwalanjizga uwila muno yakapangila yano yakayilanjizga , muno yakachenja kuminsi kwawo ukuti yaloleke kuwanthu ukuti yakusala ukulya . ichendi knklhuti kuli mwemwe, yapochelela kali ivyawo . ¹⁷ Kweni mwemwe , nanthi mukusala ukulya , pakalini kumitwe yinu, mufulale nakuminso ¹⁸ ukuti chitaloleka kuyanthu ukuti mukusala ukulya , kweni kuli tata winu mutupu wino ali munkhama; nga na Tata winu wino akalola munkhama aliwapa vino mukulonda . ¹⁹ ''Mutati mwayisengwila ivyuma vinu munsi yapansi, muno uluswa nanthi umuloswa lungonona , nga namuno ayivi akayinjila nukwiya . ²⁰ Mmalo mwakwe , muyisengwile mwenga ivyuma vinu kupela , kuno uluswa nanthi umuloswa lutange lonone , nga nakuno ayivi yasiyinjila nukwiya . ²¹ Muno kuno kuli ivyuma vyako, akuno umwenzo wako wukuya . ²² Ilinso ulukozgo lwamwili. Achino , ilinso lyako ilisuma , umwili wonsi wuzuzile nuwuswepe. ²³ Kweni nanthi ilinso lyako iliyipe , umwili wako wonsi wuzuzile nifwinzi. Achino , nanthi uwutiswe wuno wuli muli wewe uwufite, uwufite wuli wuli ! ²⁴ Pasi nawumwi wino angawomba ivinthu vili, muno alikunda chonga nga nukupata chuze, nanthi aliyipela sana kuli chonga nukusula chimwi . Utange umuwombele Lerza ni chuma . ²⁵ Achino nkhuti kuli mwemwe , mutati musakamane nuwumi winu, chino mumalya nanthi chino mumanywa ; nanthi ivyamwili winu , chino mulizwala . Munom suwumi wuno wukalondwa ukulusya ichakulya , nga nanthi umwili wukalondwa ukulusya ivizwal? ²⁶ Lolini ivyunyi mupela . Visikomela nanthi ukusinza nanthi ukugowola ukuyika munkhoma , kweni tata winu uwakupela akavilisya . Simwe yakulondwa sana ukuvilusya vyolivyo? ²⁷ Aweni wakwe mwemwe pakuya nulusuwilo angonjelezga akansita kamwi kanono akawumi wakwe ? ²⁸ Ichani chino muli nulusuwilo pavizwalo vitupu ?Yelenganyini ivya maluwa mumphanga , muno vikakulila . Visiwomba , nupya visizwalukapo. ²⁹ Mbali nkhavwanga kuli mwemwe, na Solomon mulungamane wakwe atatala azwale ngati vino . ³⁰ Nanthi Leza akuzwika isote mumphanga , lino liliko mphaka ilelo na mutondo wukasumbilwa muwuvuni, ivivule wuli vino angawazwika mwemwe, mweyanthu yalusuwilo ulunono ? ³¹ Nomba mutaya nulusuwilo nukuvwanga ukuti,' Ichani chino tumalya?' nanthi Ichani +chino tumamwa?' nanthi vizwalochi vino tumazwala?' ³² Kuyamitundu londini ivinthu vino , nga naleza winu uwakupela amanyile ukuti mukuvilonda . ³³ Kweni mulonde tasi umwene wakwe nuwulungamane wakwe , nganavino vyonsi vilipelwakuli mwemwe . ³⁴ Achino , mjutaya nulusuwilo kumutondo, muno mutondo wuliyisuwila wonga . Uwanda wonsi wuli nuwiyipe wakwe .