¹ Apano Yesu wakolelilwe numupasi umutiswe ukuya mumapoli ukuti chiwa akamuyezge . ² Alino wafunga imyanda yinayi umusanya nuwusiku , walininzala. ³ Uwakumuyezga wizile ngawatile kuliweliwe , '' Nanthi we mwana Leza , pingula ya ukuti viye ivibama. ⁴ Kweni Yesu waswike nukuti kuliweliwe'' vyawalikwa , 'Umunthu atangaikale mukulya ivibama vitupu, kweni mwizwi litupu lino likafuma pamulomo wakwe Leza .'' ⁵ Lino chiwa wamusenzile ukuya nawe kumusumba uswepe nukumutwala papela pitempheli, ⁶ ngawatile kuliwelie , '' Nanthi we mwana wakwe Leza , isumbe wenga pansi, amuno vyalembwa ,' Aliwawuzga ayangeli yakwe ukuti yakupususye ,' nukuti ' nukuti yalikunyamula mumakasa yawo, nga nukuti utaliponela piwe.''' ⁷ Yesu watile kuliweliwe '' Nupya vwawalikwa , 'mutati mwayezga imfumu Leza winu.''' ⁸ Nupya chiwa wamusenzile Yesu ukuya nawe kumwamba uwutali sana nukumulanjizga amaufumu wonsi ya munsi yapansi ponga nu ukulu wawo. ⁹ Watile kuli weliwe , '' ivinthu vyonsi vii nimakupela nanthi wika pansi nukumphepa nene. .'' ¹⁰ Apano Yesu watile kuliweliwe ,'' Fumapo pano Satana ! pakuti vyawalikwa , ' Mulipepa Imfumu Leza winu nukumuwombela . ¹¹ Apano chiwa wamusile, nga lemasya , ayangeli yizile nukumupususya . ¹² Lino Yesu wuvwile ukuti Yohani yamunyepa , wene wapisile ku Galileya . ¹³ Wafumile ku Nazaleti nukupita nukuyayikala ku Capernaum, kuno kuli kupipi na Yemba wakwe Galileya kumizi yakwe Zebulamu na Nafutali. ¹⁴ Vino vyachitikwe ukukwanilisya vino umusinzi Yesaya wavwanzile . '' ¹⁵ Numuzi wakwe Zebulon nga numuzi wakwe Nefutali , kupipi kuli yemba , ukupitilila Yolodani, Galileya wayamitundu! Ayanthu yano yikala mufwinzi yalola ukuwala ukukulu, ¹⁶ nga nayano yikala mumusumba namuchisawo chanfwa , paliwoliwo ukuswepa kulipo. ¹⁷ Ukufuma pansita yiyokwene Yesu watlike ukukosola nukuvwanga , '' lapini, amuno uwumwene wakwe Leza wuli papipi.'' ¹⁸ Pano wapitanga kumbali kuli yemba wakwe Galileya , waweni ayakundwe yayili , Simoni wino akayamwa Peteli , nga na Andileya umuti wakwe , yakusumbila inyavu muli yemba , umulandu yali yakaswela ya nswi. ¹⁹ Yesu watili kuliwoliwo, '' Zanji, nkhonkhini, nmga nukuti ndiwapanga ukuya mwe yakaswela yayanthu. .'' ²⁰ Papokwene yasile inyavu nukumukonkha . ²¹ Pano Yesu wapitililanga ukufuma papa waweni nupya ayakundwe yayili, Yakobe umwana wakwe Zebedi, nga na Yohani umuto wakwe . Yalinji mu wato na tata wawo Zebediya yasumanga inyavu . Wawamile , ²² nga papokwene yafumile muwato na natata wawo ngayamukonsile . ²³ Yesu wapisile mumusumba wonsi uwa Galileya , ukusambilizga mung'anda zgonsi izgamapepo, ukukosola izwi lya umwene wakwe , nukupozga indwala izgamitundu yonsi nuwulwale muyanthu . ²⁴ Wuvwike sana mu Siliya nga nukuti ayanthu yalesile kuli weliwe ayanthu ayalwale indwala zgakulekanalekana nuluma, nayano yalemilwe nimipasi iyiyipe, nayavizilisi nayafwe imbali yonga . Yesu wawapozizgevwonsi. ²⁵ Iwumba lyamukonsile ukufuma ku Galileya , Decapolis, Jelusalem na ku Yudeya nga nukufuma ukuchila Yordan.