¹ Lino Yesu wapapwa mu Betirehem wa mu Yudeya mumanda yakwe Helod mwene, ayanthu ayasambilile ukufuma kuwufumilo kwilanzi yafisile mu Yelusalem yatile, '' ² Alikwinye wino apafilwe mwene wawa Yuda? Twaweni ulutanda lwakwe kukatondo nga twiza twakumupepa.'' ³ Lino Herod mwene wuvwa chino, wachulike sana, nawonsi ponga ayamuyelusalemu. ⁴ Herod wawakonganike ponga yamwene wonsi nayakawalika yawanthu, nukuwakolowozga , '' Alikwi Khilisiti wino amapwapwa?'' ⁵ Yatile kuli weliwe, '' Mu Betilehemu wa ku Yudeya , muno chi achino chalembwa nayantchimi,' ⁶ Kweni wewe, Betilehemu, munsi yakwe Yudeya , simwe yawumalilo muyakukolelela yaku Yudeya, muno ukufuma muli mwemwe muliza uwakulamula wino alichema ayanthu yane Israel.'' ⁷ Apano Herodi munkhama wamile ayasambili ukuti awakolowozge insita yino ulutanda lwalolike. ⁸ Wawatumile ku Betilehemu, watile, '' Yanji mukalonde ningo umwana umunono. Nanthi mwamuzana, mwize mumbuzge ukuti nani nize ukuti nize mupepe. '' ⁹ Lino yamuvwa mwene, yapisile , nga nulutanda luno yaluweni kukatondo lwapitanga nawo ponga mphaka pano lwafika pano umwana umunono wali . ¹⁰ Lino yalola ulutanda , yasechile nulusechelo ulukalamba . ¹¹ Yayile mung'anda nga yaweni umwana umunono na Mary mama wakwe. Yaponyile pansi nukumupepa. Yayuzile ivyuma vyawo nya yasofile ichawupi chakwe golide, frankinsesi, na milla. ¹² Leza wamuwuzuzge muvilota ukuti atapyanila kuli Herodi, nga apano yawelile kumwawo ukupita kunzila yuze. ¹³ Lino yapita , umungeli wakwe Leza walolike kuli Yosefe muvilota nga watile ,'' Nyamuka, musende umwana wino na mama wakwe, nga muye ku Iguputo. Mwikale kulyakwene mphaka pano niza nawawuzga , munoi Herod amalondanga umwana umunono wino ukuti amonone .'' ¹⁴ Usuku wulyakwene Yosefe wakatwike nukumusenda umwana wilya namama wakwe nukuya ku Iguputo. ¹⁵ Wikazile kulyakwene mphaka ifwa yakwe Herod. Chi chafisizge chino Leza wavwanzile ukupitila muyatchimi,'' Ukufuma mu Iguputo nama mwenemo umwanane.'' ¹⁶ Apano Herod, lino walola ukuti yamutuka sana ayasambili, wasosile sana. Watumile nukuyakoma ayana wonsi awonsi yano yali mu Bethilehem na mumusumba wonsi yano yali nimwaka yili nukwika , ukufuma kunsita yino yayimanyile ayasambili yakwe. ¹⁷ Pano wakwanilisizge chino chavwanzilwe na Yelemiya intchimi, '' ¹⁸ Izwi yuvwike mu Ramah, ukupuputa iminzizi kunulosya ukukalamba , Rachel akulosya ayanakwe, nga wakanyile nukuti angamyalala, muno yalovile .'' ¹⁹ Lino Herod wafwa, lemasyini, umungeli wakwe Leza walolike muviloto kuli Yosefe ku Iguputo nukuti kuli weliwe, '' ²⁰ Nyamuka musende umwana na mama wakwe nukuya kunsi ya Israel, muno yano yalondanga uwumi wakwe uwamwana yafwile.'' ²¹ Yosefe wakatwike , wasenzile umwana na mama wakwe , nukwiza kunsi ya Israel. ²² Kweni lino wuvwaukuti Archelaus akulamwila mu Yudeya mumalo yakwe tata wakwe Herod, walinji ninthete ukuya kweneko. Lino leza wamuchenjezga muvilota , wapisile ukuya mumusumba wakwe Galilee ²³ nga wayile nukuyayikala mu Nazareth. Chi chakwanilisizge vino vyavwanzilwe nintchimi, ukuti ayiyamwa umu Nazarene.